2012年4月29日(星期日)
尋日忙左一日之後…今日繼續忙左半日安裝三桶櫃同層扳。下晝梗係煮餐好野全蝦餐俾屋企人食啦，椒鹽大蝦、蝦沙律(呢個整法我係學英國名廚占美奧利花)。至於毛毛…豐富囉…有蛋黃蒸雞抑、貝粉、肉湯、雜菜拼魚抑，嘩~咁大餐。毛媽就焗左啲黃金蛋糕俾我食(好食到冇朋友)，今日全家都有口福喇！
2012年4月29日(星期六)
已經過左15日…毛毛鼻樑上嗰粒瘡瘡冇消退嘅即象，仲好似越黎越嚴重，屋企人同工人都好擔心毛少。毛毛一個星期前見過醫生，醫生診斷話嗰粒瘡瘡等於人類嘅暗瘡，到成熟爆左流晒啲癑同血就會好番，亦都可以做手術快啲好番。毛媽幫毛毛每日搽藥幾次…但發現粒瘡瘡越搽越大粒仲好實，睇黎毛毛再要見醫生了解情況…
2012年4月28日(星期六)
年幾前毛媽投訢大廳梳化(兩坐位)已經坐到凹晒，瞓晏覺嗰陣又申唔直對腳，毛少瞓喺度嗰陣自己就冇位坐…仲有好多理由…建議換梳化 。經過參考同計劃…上星期喺IKEA訂左張梳化(三個位)、層板架，今日終於收到貨，由於全部都係自己安裝所以忙左成日，毛媽同毛毛都非常落力幫手(監擦住我有冇做錯)，完成啦！毛媽同毛毛都十分滿意仲第一時間霸位，張新梳化好闊就算毛媽毛毛一齊瞓上去都有位剩…
2012年4月27日(星期五)
呢排毛毛等我地食飽之後(八點幾)就自己返入房瞓，而且好有規律…瞓到十點三就會醒，係因為聽到毛媽喺廚房整宵夜俾佢食，十點半就行出房準備食宵夜同生果，跟住抹咀擦完牙就行返入房瞓。咦~毛少係唔係變得咁有規舉同咁醒目仔？後尾毛媽話 : 個百厭星點會咁叻呀，同天氣熱有關…因為房間開左冷氣丫Ma..
2012年4月27日(星期五)
今朝散步行過回收場…毛毛停低扎行馬準備狂吠，原來毛毛見到有隻唐狗瞓喺鐵閘後面，毛毛開始勁吠…對方露齒狂吠回應，毛毛開始後退，奇怪…毛毛一向嘅表現都係強者…點解？噢…原來閘後面仲有另外兩隻大唐狗衝緊過黎幫拖，好彩嗰三隻狗有度閘擋住，毛毛仲唔肯走死吠死撑…
2012年4月24日(星期二)
講開寵物剪裝美容…要揾個剪得手藝好剪出狗狗個性嘅美容師好難，毛毛BB開始毛媽就週圉物識啲手藝好嘅剪裝美容師，最後喺DOL揾到…毛毛過去幾年一直都係由嗰位日籍嘅剪裝美容師跟進，前排毛媽幫毛毛卜時間先知嗰位美容師走左(去左美國)。好彩宜家毛毛剪裝係由另一位日籍美容師(肥姐姐)接手，手藝都唔錯同毛毛好夾…但卜時間就要等個幾月先至有期…
2012年4月23日(星期一)
對上一個星期日行山…由於對天氣錯誤估計同唔完善嘅裝備…差啲令毛毛中暑。尋日一早就出發去大潭山郊野公園行山，晨早氣溫清涼，行嘅地方又有好多樹遮陰…行到唔知攰毛毛連水都冇飲過，今朝全家都玩得好開心…
2012年4月20日(星期五)
平時活發好動鍾意同毛媽玩追、跑、捉医因嘅毛毛…當佢獨自喺屋企嘅時候就經常Lam腳仔。出事喇！由於長時間有口水濕潤令腳指罅感染 “真菌皮膚病”，聽吳醫生講呢種皮膚病係因為腳指長期潮濕同唔清潔引起仲好容易復發咖，好彩冶療就好簡單，只需要保持腳指乾淨再搽潤膚藥物就會好番，如果狗狗經常出外散步..咁家長就要注意狗狗腳仔清潔喇…
毛毛 : 好彩毛媽唔知我Lam腳...俾毛媽知到...會打打咖....
2012年4月19日(星期四)
有日下晝收工行過天橋底…見有位賓籍家傭拖住隻貴婦狗仔(朱咕力色)企喺天橋樓梯格離傾緊電話，小狗狗仲喺旁邊度尿尿同便便。大約十分鐘後我帶毛毛散步行過…仲見嗰個家傭企喺度講緊電話佢似乎一直都冇理過隻狗狗，小狗狗就喺啲尿尿同便便之間踩黎踩去…佢真係梳忽大意，唔好好照顧隻小狗狗，如果俾狗主見到一定會覺得誤托 “菲”人。我地都冇信心托家傭帶毛毛出街散步，所以毛毛由BB開始到宜家出街散步都堅持係由我同毛媽帶…
2012年4月18日(星期三)
尋日朝一直都落大雨…毛毛就冇晒心機，真係擔心究竟毛毛情緒低落定唔舒服。獎佢小食…完全冇興趣，連最鍾意嘅肉湯都唔飲，好彩雞餐就食晒不過食得好慢。玩波波同入廚房都吸引唔到毛毛，全日都跟住我…擔心。
今朝毛毛一起身就走入廚房搞垃圾桶，入冲凉房擔毛巾…超百厭。咁都好即係話毛毛已經好番… 
毛爸 : 成日都瞓係度冇晒心機...
2012年4月17日(星期二)
毛毛每日食嘅風乾肉零食、風乾蔬菜、小食、營養粉…好多澳門都無得賣，每每格一段時間就要專程過香港入貨，有好多時因時間關係配合唔到…毛毛就冇肉乾食，經常專登托Mad媽入貨嗰陣幫我地落柯打訂埋。今次除左Mad媽幫手之外仲要勞繁大介媽幫手，毛毛有好野食都要多得兩位…真係唔該晒兩位媽咪…
2012年4月17日(星期二)
天光喇！天光喇！尋日下晝開始落大雨行雷閃電…毛毛活躍程度大大減低，到夜晚毛毛一早已經走番入房瞓覺(未食宵夜同生果)。深夜到清晨毛毛一直喺個籠度展轉反側好明顯係瞓得唔好，其實毛毛一行雷閃電就不安都好慘咖，而且加上前日食左杜蟲藥我諗多多少少有一定嘅影響…可憐嘅毛毛…
2012年4月15日(星期日)
今朝毛爸同毛媽話帶埋我去行山喎…好野…出發。
今朝太陽好曬好熱，我一落地梗係一狗當先啦。嗰度望到好大個海咖，行嘅地方好多係石級同大斜石…仲冇地方遮陰。
初初我都行得好快…但係好快我就行到好熱好攰好口渴…除左狂飲水之外我都唔想再繼續行…
2012年4月15日(星期日)
今朝十點幾去行山…我對氣溫估計錯誤，同時又忘記帶噴水壺 (幫狗狗噴濕心口同肚仔降溫咖)。
毛毛初初行得好快又爬石…行行吓開始伸脷仔又氣喘喘得好大聲，狂飲水 ( 350c c飲晒) 跟住就唔肯行。咁我唯有抱起毛毛，但我發覺佢全身都好熱仲問我攞水飲，我一路俾水毛毛飲再用紙巾濕水抹肚仔 (用左我大半支水)。
由於太曬太熱，我决定抱毛毛急行番轉頭，途中我連剩低嗰小半支水都跌左…毛毛就成身軟晒。我地行到入口嗰個涼亭俾毛毛坐，抖左一陣間之後毛毛精神番，但毛毛又問我攞水飲…斃喇！冇水喇…我即時再抱毛毛跑去架車度…攞水噴濕毛毛再用毛巾撥涼…慢慢毛毛生猛番仲識瞓低歎吓。今次行山真係驚險刺激兼十分狠狽…
2012年4月14日(星期六)
毛毛出街散步除左帶頸帶之外仲要帶咀帶，平時毛毛好乖咁自動坐喺度等帶咀帶出街，呢排發覺要鬧先肯帶咀帶仲有啲擴拒，返黎屋企除咀帶…毛毛就即時跳上梳化猛擦個鼻，今朝梳毛嗰陣細心幫毛毛檢查就發現…鼻樑上有粒紅瘡( 5m m咁大)，唔怪得知毛毛成日都擦鼻，應該係唔舒服。
2012年4月11日(星期三)
今朝一早毛毛就囉囉攣…應該係好尿急，果然一落到街就衝去巴士站格離嘅鐵欄尿尿，毛毛正尿尿緊…有巴士埋站…有個姐姐一落車就向住我地嘅方向急跑(好似趕住轉車)，毛毛就咁俾個姐姐嚇嚫狂吠，個姐姐亦都俾毛毛狂吠嚇嚫驚叫狂跑…本來我向個姐姐道歉…無奈個姐姐太趕時間冇理我地…
2012年4月10日(星期二)
尋日由於毛爸仲放緊假…晏晝我地出左橋頭公園跑草地。嘩~冇跑左成兩個星期…真…係…爽爆呀…但跑完返屋企洗腳嗰陣…毛爸發現肚仔 (啫啫附近) 有撻紅印。後尾都俾毛媽發現左…咁…毛媽毛爸就爆發大戰 (毛媽怪毛爸冇申報，之前冇做好預備工夫)。都係我玩到癲過龍啦…毛爸食左 “死貓”…
2012年4月8日(星期日)
尋日毛毛喺銅銅生日會上出盡風頭，人人都讚毛毛靚仔同乖，人人都想抱吓毛毛，由其係表姐同銅銅，但毛毛嘅反應就出人意表，可能唔慣咁熱鬧(差唔多30人喺個大廳同露台)，毛毛表現緊張咁通屋跑，有人拍門就狂吠，又要應付不斷咁輪流俾人抱…毛毛緊張過度終於失禁喺大廳度尿尿，跟住梗係俾阿妹大鬧曳曳仲話要體罰，除左呢件小事…毛毛都係當晚嘅風頭躉….
2012年4月6日(星期五)
尋日毛毛俾雷響嚇嚫之後…一直到夜晚都出奇地安靜(除左有野食)，仲一路都跟住我出出入入，我坐低電腦檯度寫野毛毛就坐喺凳邊(平時會喺梳化陪毛媽睇電視)，我入洗手間毛毛就坐喺門口等我，我入房睇電視毛毛就跟我入房走番入自已嘅籠度瞓，嗰陣八點幾毛毛係未食宵夜同生果咖(平時食左野先肯入房)…奇怪？…唔通雷響嚇到毛毛轉左性？………
2012年4月5日(星期四)
晏晝天黑晒落大雨嗰陣毛毛已經Dup晒尾，仲卷埋個身瞓喺梳化度。到工人整好餐之後毛毛先斯斯然行去廚房等食餐，突然間…一聲好大聲 “轟”雷響…毛毛嘅反應係驚到唔知點反應，即時向皇座狂跑…今次雷響嚇得毛毛好驚，唔知佢會唔會有童年陰影呢？
2012年4月4日(星期三)
有位靚女走埋黎Kiss我…嗰種感覺…又Man又爽…由咀到鼻跟住眼…再跟住輕咬鼻…，嘩~痛…爭開眼睇…吓~係毛毛，原來我瞓晏左(己經6點半，平時呢啲時間係同毛毛出街散步)毛毛走黎床邊叫醒我，毛少應該好急同好肚餓。
毛爸 : 毛毛你乖，多謝你叫醒我，對唔住我瞓晏左…
毛毛 : 唔使講咁多，嗱嗱林啦…好急呀！
2012年4月1日(星期日)
清晨嚫毛媽毛毛未起床我出去踩車，經過馬會、運動場迴旋處…見到少量嘅木棉樹開花(近排好多網友影木棉花所以特別留意)。印象中…好多年前呢一帶一到呢個季節木棉花就開到成條街都紅晒，滿地都係木棉花，好似行紅地毡咁非常有氣派。宜家呢一帶好多地方都改路掘路影響到木棉樹嘅生長，有好多木棉樹冇結果開花有啲停止生長，好彩仲有啲喺咁惡劣嘅環境下開出又密、又大、又深紅嘅花，喺呢種極地都有生存能力，我地應該績極向呢種精神學習，我要向呢啲英雄至敬…..
