2016年3月24日（星期四）
我自問係一個有「朋友緣」同「幸運」嘅人，時時得到身邊老友們嘅關心，更經常收到老友們旅行返嚟帶俾我嘅「手信」禮物。
有時候我自己咁諗⋯點解人哋要買「手信」俾我呢？點解又要記得我呢？我都唔係太明白...
曾經聽過有人咁講：因為喺對方（朋友）心中⋯你／妳係有「情義」嘅人值得交心。
喺我心目中有緣交上「朋友」而慢慢變成「老友」⋯呢種⋯友情⋯無價。
毛爸：先多謝湯生送過嚟嘅手信...呢種凍頂烏龍茶係我至愛...多謝。
2016年3月23日 星期三
單車日誌...單車訓練台
2016年3月23（星期三）
醫生建議我⋯餐後做下輕鬆嘅運動，近期天氣壞落雨又大霧，所以我經常喺屋企嘅單車訓練台踩單車。
唔知點解怕跌怕撞而唔學單車嘅太太好有興趣上訓練台踩單車⋯真係估佢唔到。
毛爸：前幾日朝早好大霧...
毛毛：夜晚霧更大...風鏡結水珠...令視覺濛查查...
毛爸：單車訓練台上嘅太太非常績極...
2016年3月20日 星期日
毛毛心聲...好大霧呀！
2016年3月19日（星期六）
每年3月份毛媽都特別緊張，因為天氣大霧又勁潮濕，我早晚出去散步怕濕氣令我啲皮膚病復發，由於咁...呢個月逢大霧同潮濕日子都唔準出去玩⋯真慘。
我細個嗰陣啲天氣都唔會係咁，唔知點解近年一到3月份就好大霧，聽新聞講係人類令天氣產生溫窒效應⋯令地球發燒...宜家自然界要向人類報復呀⋯得人驚呀。
毛毛：毛媽最錫我...所以好緊張...
毛毛：噢～大霧到睇唔到大橋呀！
2016年3月15日 星期二
2016年3月14日 星期一
2016年3月9日 星期三
單車日誌...台北單車徑
2016年3月9日（星期三）
3月6日(星期日) 7:30 陽光普照 微風某路段逆風 氣溫20度
今次台北旅遊最期待嘅係⋯好朋友Matt為我安排嘅＂踩單車郊遊＂由台北捷運「市政府站」做起點上橋進入單車徑開始一直踩到近淡水嘅「巴里」，在熱鬧嘅岸邊食店稍作休息食餐補充體力⋯再上路踩回起點⋯全程約 56公里⋯花四個多小時完成。
單車徑沿途路面平坦(有幾段路係剛剛建好的)，風景優美，路上有衞生間、補給站、小食店⋯，單車徑完善嘅配套，就算留連一日也不必擔心體力問題。
十分感謝Matt為我領航，更多謝Matt特別放慢車速就我及包容我全程不定時停車影相。
今次踩單車郊遊非常完滿，好期待下次⋯
台北單車徑闊大平坦的路面非常好騎...
其中一段路要踩上橋...
風景美麗又熱鬧的「巴里」
半程路...28.55公里
食店休息站十分熱鬧...騎士們敘舊談天的地方...
我每次停車影相...Matt都等我拍照完成才一齊上路...
令我印象深刻的地方...狗狗公園
騎上公路...路面交通十分煩忙...體會到險象環生...發覺自己的車技很不濟...
很享受今次寶貴的乘騎經驗...多謝Matt，感激。
2016年3月8日 星期二
不一樣的台北旅遊
2016年3月8日（星期二）
每年總會有一、兩次到臺灣旅遊，目的係陪家人散心、茶葉、氣槍同單車部件、食物、風景⋯近年多咗探朋友。
今次好多謝台北嘅好朋友FION、MATT出動全家為我哋安排遊覽景點（賞櫻MATT專車接送）及單車暢遊（由MATT親自領路）午、晚飯。
今次不一樣嘅台北旅遊令我哋非常䁔心同開心⋯十分多謝FION、MATT一家嘅熱情招待⋯感謝⋯感動。
台北...西門町
三芝
路邊的小花
新北市淺水灣
呢位開心嘅小朋友有極強嘅感染力...佢嘅笑聲令我忘憂
風力發電站
我哋晚飯嘅地方小魚村
令我熱血沸騰單車徑...
MATT、FION識到你哋係我嘅榮幸...多謝你哋。
2016年3月3日 星期四
momo心聲...毛爸帶埋我去啦！
2016年3月2日（星期三）
每逢假期毛爸就一早起床出去踩單車，理解唔到踩單車點解有咁大嘅吸引力，而且每次都話唔可能帶理我出去。
以前毛爸經常用電單車載我出去兜風，唔知坐單車會唔會係一樣咁爽呢⋯毛毛好想知。
毛毛：毛爸，嚟啦...帶埋我去丫...唔該...
訂閱：
文章 (Atom)