6．21國恥（玉林狗肉節）

2016年6月21日（星期二）

聽講⋯我哋中國民間諺語「冬至魚生夏至狗」⋯所以民間有食狗肉嘅惡習而產生「狗肉節」，其中最大嘅原因係⋯現今中國對於人類朋友嘅狗狗⋯無論法律上、道德上仲未賦予狗狗有特別地位，廣西玉林當地人只當狗狗係「食材」「狗肉節」係傳統...

現今先進社會上仲當狗狗係一種食材實在不可思議同不文明，好難相信國家領導人口口聲聲話改革開放、進步文明⋯

只係單單「唔好再殺狗同食狗肉喇！」改變不文明嘅傳統咁少事⋯⋯當地政府都多多借口⋯話權力上不能做到...悲劇...無奈...

請大家專重生命...唔好食我哋喇...

行山慶祝父親節

2016年6月19日（星期日）

差不多有4個星期冇帶家人行山⋯先前天氣壞工作勁辛苦之後病咗，今日一切回復正常又逢父親節⋯所以帶毛媽同毛毛去行山晨運。

今朝有好多嘢都好特別⋯天氣勁好、氣溫極高特別熱、毛媽特別早起床、行山徑特別多人、毛毛今朝扭計唔肯行⋯⋯

會唔會因為今日係「父親節」呢？

毛爸：毛毛今朝扭計要我抱住佢行...

天氣好一望無際

可能天氣太熱毛毛要飲水休息...唔肯行

一家一齊行山係開心嘅事...

眼光放遠啲心情都開朗啲...

呢啲真係叫做藍天白雲喇...

父親節2016

2016年6月16日（星期日）

今年嘅父親節非常特別⋯

第一次同寶貝女兒、孫女一齊過，一餐家常便飯，一份父親節禮物⋯特別嘅係收到一份意想不到嘅禮物⋯孫女嘅熱吻。

當下最幸福嘅事係一家人共聚天倫⋯⋯祝大家「父親節」快樂！

毛爸：女女有心思嘅禮物同手信...

祝各位父親節快樂！

五月初十

2016年6月17日（星期五）

五月初十係父親嘅生忌⋯⋯每年嘅今日⋯好多回憶都湧上心頭，回想起當年父親嘅不合情理嚴管⋯到自己為人父親嘅時候先明白個種原因。

父親性格剛烈⋯細個嗰陣我同細老妹唔聽話就會受到體罰，到我出嚟社會⋯凡事⋯父親除咗對我無限支持之外仲對我極大包容，咁嘅情況係⋯父親對子女有絕對信任同有信心。

原來「信任、信心」係人嘅成長旅途中不可缺少嘅能量，睇嚟我要多啲學習喇⋯⋯