花開富貴

天氣回暖之後，啲年花就開晒。

盆好靚嘅蘭花係阿妹送嘅...

水仙同風信子係自己買嘅...

盆景係太太種嘅...

宜家啲花開咗，成屋花香，真係 “花枝招展” 、 “花開富貴”…

---

• 留言者: martino
• Email: martinodigesu@yahoo.com.hk
• 網址:
• 日期: 2009-02-01 09:46:00

┏ 〓〓 ┓┏ 〓〓 ┓┏ 〓〓 ┓┏ 〓〓 ┓
┃ 祝您 ┃┃ 永遠 ┃┃ 快樂 ┃┃ 健康 ┃
┗〓〓┛┗〓〓┛┗〓〓┛┗〓〓┛
۞ ♥ ▒ 祝 禱 平 安 ▒ ♥ ۞
۞ ♥ ▒ 吉 祥 如 意 ▒ ♥ ۞
۞ ♥ ▒ 身 體 健 康 ▒ ♥ ۞
۞ ♥ ▒ 主 恩 滿 溢 ▒ ♥ ۞ 歡迎來訪 ： http://hk.myblog.yahoo.com/mar-gesu , 網志有 30 年義務工作分享、生活福音見證、健康資料、大量旅遊照片。

毛毛買餸

今朝5點幾毛毛就醒咗，仲猛咁騷擾我地。毛媽就發晒火，最後氹番毛毛入屋仔瞓覺。到7點幾我先帶毛毛散步。

今日星期六要陪毛媽去買餸，今次帶埋毛毛去。去到街市…行過檔口啲阿姐就一人一句問：阿哥呢隻就係你講嗰隻狗呀…好大隻喎…啲毛好攣呀…狗仔定狗女呀…佢曳唔曳架…件衫仔好靚喎…

我花咗啲時間先答晒佢地啲問題，原來毛毛好出名架，不過仲有好多檔口都冇開，如果唔係淨係答問題都好唔得閒…

打回原形

今日有啲同事開始休假，另外有啲同事開始返工，好多同事都未回復狀態。

毛毛就回復番平時咁，我地返工毛毛就返番個籠度。到夜晚自由行，就玩到癲晒趕佢都唔肯入房瞓覺。第二朝一早就嘈生晒 (5點幾)，扒上床邊R我叫我起身…所有野都打回原形…

大年初四

今日好多行業都開番門營業，我都要開工喇。

我祝各位開工大吉事事順利。

自從送走阿Boy之後...唔知係唔係我心理作用，硬係覺得毛毛有啲改變。到夜晚毛毛自己走番入屋仔瞓覺 (平時要趕佢入去架)，呢幾日毛毛瞓到黄朝百晏先起身 (平時晨早就叫醒我)。由BB開始尿尿都係四腳扒扒，今朝尿尿就第起隻後腳 (第一次見)，可能係好嘅改變...

大年初三

今日係新年假期嘅最後一日，毛毛就瞓到黃朝百晏都未起身。

剩番今日有啲時間幫阿Sam影錦鋰…中午，今次帶齊架生…做野。但係因為環境問題效果唔係好滿意，總算有貨交。

除左影魚梗係仲有我嘅小公主銅銅啦。

後尾同毛毛去左文化中心廣場玩，毛媽同毛毛喺廣場周圍跑，跑到索晒氣。

好開心…呢個年假非常開心，係一年嘅好開始。

---

• 留言者: 圓咕碌
• Email: bottle312@yahoo.com.hk
• 網址:
• 日期: 2009-01-30 18:48:00

影得唔錯呢 ~!!
[版主回覆01/30/2009 21:40:00]多謝！

毛毛心聲…開年？

新年真係好喇，我全日都自由行、又可以跟毛爸毛媽去街、又有新衫着、又可以同銅銅盈盈玩、又有好多零食獎、晚晚有特餐食，日日係過年就好喇。

毛媽話今日開年喎，唔使講又有特餐食啦…哈哈哈…

大年初二

今日氣温得8度，毛毛仲瞓到好似隻豬仔咁，可能好凍或者呢兩日出去玩到攰晒。

今日屋企開年要親自下厨喇！太太好細心特登book定位飲茶 (我鍾意朝早一盅兩件)，晏啲帶埋毛毛去阿妹度拜年順便去影相。

我地先去咗媽祖文化村影相，然後上阿妹屋企，毛毛去到同銅銅玩到癲晒。今次帶齊架生 (5D、 450D) 去影“錦鋰”同“龍吐珠”。妹夫Sam喺平台起咗兩個池養魚，缸魚好靚好生猛…

“吓”！一部相機冇電、另一部就冇入記憶咭、又冇帶偏光鏡，真失敗……

毛毛：毛爸你好大意呀…

貴賓到

太太打算新年襯我放3日假，接阿Boy黎屋企住同玩。

大年初一傍晚我地就去Calvin度車阿Boy，返到屋企…阿Boy同毛毛互聞互吠，簡直係世紀大戰…

毛毛：我最憎松鼠狗...喂...你黎霸我嘅地盤同我嘅毛爸毛媽…想打交呀…

阿Boy：你講乜野呀，我同契媽契爺住嗰陣時，你都未黎呀，你霸我地盤就真…打交…打咪打…

我同太太都搞佢地唔掂…最後要送番阿Boy走。我同太太都有啲唔開心…對唔住喇阿Boy…拜拜喇…

大年初一

牛年黎喇…我向各位朋友拜年，祝 “萬事勝意”、“身壯力健”、“恭喜發財”。

每年大年初一都係例牌行程，去老豆度拜年、去觀音廟上香，今年就多左毛毛一齊去。

毛毛去到老豆度就周圍聞又吠人，咁啱遇到姨仔全家上黎拜年，唔使講毛毛同盈盈梗係玩到癲啦。

好快我地就去觀音廟，喺正門廣場見到有個哥哥帶住隻淺啡色貴婦狗跑步，佢地見到毛毛就停低講：灰色貴婦好少有，我都想揾番隻養…

同毛毛玩咗一陣，個哥哥就走咗。我地上完香就返屋企…經過公司順便派利是俾同事……

譚小姐

譚小姐係大學中文系既助教，同我交情非常好嘅朋友。以前我地經常一齊出去食飯，食一餐飯要帶一支大號XO出去，飲晒先走架。譚小姐係女中豪傑，同我好傾得埋，煙、酒、音樂，電影瓣瓣都好掂，最近佢幫弟弟搵幾套電影，所以過黎搵我。

譚小姐：Peter問你太太攞個人情出黎飲酒食飯傾偈啦。

肥仔：我己經戒左酒好耐喇…唔可以學以前咁同妳豪飲…想吓就得。

譚小姐：唔緊要曾經享受過就得啦。今次帶咗份禮物俾你新年嘅 (名貴曲奇餅)…

肥仔：嘩，乜咁多謝呀，妳咁有我心…我唔知點講…

譚小姐：唔使講喇…年紀大左就要跟番傳统做野架喇…哈哈哈…

毛毛心聲…又過年？

前一排先話過年，宜家毛爸又話過年，都唔知點解最近咁多年過嘅。

毛爸話過年要講啲吉利嘅說話喎，咁…我毛毛祝各位萬事勝意，如意吉祥，恭喜恭喜。

差啲唔記得特別恭喜毛媽毛爸，恭喜發財添…

---

• 留言者: helenlo05
• Email: helenlo05@yahoo.com.hk
• 網址:
• 日期: 2009-01-26 19:58:00

(Empty)

大年三十

今日鼠年最後一日，賣懶…賣懶…賣到年三十晚。

毛媽就約咗寵物美容院同毛毛裝身洗白白，大年初一帶埋毛毛去拜年喎。

11點幾我就返去車毛毛 (毛媽搞唔掂毛毛)，毛毛一上到車就掙扎得好勁，都唔知佢好驚定好開心。

毛毛一去到美容院又好失禮咁周圍尿尿…啱喇毛毛…就襯大年三十賣埋啲失禮野…

廿八廿九

年廿八、廿九係我地中國人傳統洗邋遢嘅日子，係將個人衰運送走、迎接新嘅開始。

今朝陪太太去買餸，菜檔個老闆娘話：哥哥，買啲碌柚葉番去沖涼洗邋遢啦…洗哂啲衰運，出年搵多啲 (係唔係真架) …恭喜發財…買啦哥哥…

但係我都未洗邋遢，就已經俾菜檔老闆娘搵咗一筆，可能老闆娘一早用碌柚葉沖咗涼。

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2009-01-26 14:45:00

 

---

• 留言者: 圓咕碌
• Email: bottle312@yahoo.com.hk
• 網址:
• 日期: 2009-01-26 11:50:00

恭喜發財 , 祝你們心想事成 , 笑口常開 , 身壯力健 , 恭喜..........恭喜 ~!!

咕咕聲

毛毛一早就喺我床邊行黎行去，宜家先5點毛毛你搞乜野呀？

毛媽有意見：肥仔你唔好理佢啦，你日日都瞓得嗰6個鐘邊夠瞓架…唔健康呀。

毛毛有啲唔妥，我發現毛毛作嘔，但係啲行動又好生猛好以冇乜野。後尾我抱毛毛嘅時候，聽到佢肚仔咕咕聲…唔知肚餓定唔舒服呢？毛媽話可能佢亂咁執野食…

小寵兒

上星期日同太太行街經過間叫「小寵兒」嘅寵物店，入去睇吓有冇野啱買俾毛毛。

間舖頭有幫狗狗沖涼架，駐店有四隻母女關係嘅玩具貴婦狗，兩隻黑色兩隻淺啡色。一有客入黎佢地就狂吠，其中兩隻啡色性格極端，一隻文靜可愛、另一隻就惡屎能登…

---

• 留言者: Ki子
• Email: qoos_kiki@yahoo.com.hk
• 網址:
• 日期: 2009-02-07 00:53:00

i love the black one ！！！