2010年7月30日(星期五)
尋晚好夜先收工...架車就泊到離屋企好遠，今朝一早(六點幾)就帶毛毛出去晨運同攞返部車順便買早餐俾毛媽。
當我同毛毛行經酒店對面空地...見到有兩個姐姐拖住兩隻好得意嘅金毛BB，毛毛狂吠左幾聲就衝埋去同人地打交，當時我叫毛毛冷靜坐低...
嗰兩個姐姐好驚喜咁講 : 嘩~你隻狗仔好叻呀...好少見到灰色嘅金毛仔喎...啲毛係唔係染色咖...我望住兩個姐姐講：毛毛係貴婦狗黎咖...大家對望左一陣就拜拜...
返到屋企同毛媽講灰色金毛...笑到企唔到....
毛毛 : 乜我似金毛咩 , 仲話我啲毛係染色添...
2O1O年7月28日(星期三)
話說前幾日...嚫毛媽行入書房，毛毛喺食飯枱擔膠袋玩嘅時候...連枱面嘅紙盒都拉左落地下，咁突然...毛毛就座低喺旁邊...等...
跟住梗係俾毛媽鬧喇...當時毛毛鬼鬼祟祟眼神閃縮(好似話俾毛媽知唔關我事咖)，然後頭Dup Dup行入個籠唔敢出黎，其實毛毛佢好驚，知到自己做錯左...嗰晚一早自己行入房瞓覺。
毛毛BB嗰陣層經發生過喺梳化拉左部CANON 450D單反相機落地，當時毛毛嚇親，我支適馬18-200鏡報消相機Body重創...我非常心痛...不過當時只係話左毛毛兩句...
毛毛 : 我冇心咖...我知錯喇...
2010年6月25日(星期五)
今朝六點幾已經好猛太陽，電視天氣報導最高氣溫29度。嘩...溫差好大呀，尋晚先得18度，今日就熱成咁。
今日嘅節目係去大通公園影相然後行街睇野買野，仲要去根室花食壽司。
我地影完相就去Tokyo Hand買禮物俾毛毛、仲去左藥房買野、經過蘋果專門店又走左入去試玩iPhone 4...
中午返Stellar Place 6樓等位食壽司，今次只係要25分鐘所以大家都非常願意等。食飽飯太太們繼續血拼...一直到晚上八點先食晚飯。
跟住返酒店執行李...夜晚11點幾去Coco Chan食宵夜，我地叫左5串砂肝、3隻雞翅、3串雞肉、2碟枝豆、2杯可樂、2杯橙汁...埋單只係2千幾yen (原來第一次幫襯嗰陣個老闆送左4張5百yen嘅優惠券俾我地，呢4張券又可以同一時間使用，所以...) 真係超低...大家都非常開心...
大通公園唔算好大但好整齊好靚，個塔係地標黎咖...好出名...
公園需然好曬...都有好多媽咪帶小朋友去公園玩水...
上次喺皮具工房見到好多皮原材料、工具、配件心諗執齊成套返去整狗帶、頸圈...但睇過價錢...俾買制成品價錢貴好多好多...
我同湯生幫手睇左二十幾分鐘門口先准入裏面...喺裏面仲要等...
人人都食到啲碟成棟樓咁高....真係 有咁多層"樓"就發達喇...
壽司吧入面有四位廚師...呢位主打廚師係女將黎咖 ,技藝了得...工作方式齊心又熱鬧...
即叫即做材料勁生鮮...
炸蝦壽司..必食...
血拼嘅戰利品呢度只係一部份咋...
估吓呢件擺設似乜野 ? 係豬PatPat黎咖...中間嗰條豬尾係間火煱店嘅招牌黎咖...
超好味嘅黑豚肉火煱...太太特別批准我飲一杯有酒精成份嘅啤酒，感覺好爽...我因為身體健康問題介酒好多年...
番黎呢度消夜大家都好滿意...因為啲食物啱食又有特價個個都好開心...
待續.........................
2010年7月10日 (星期六)
班蘭雪芳蛋糕
蛋白霜
· 5隻蛋白
· 80g 糖
· ½ 茶匙他他粉
用打蛋器將上述材料打至企身 (我參考左 簡易食譜 嘅 如何打蛋白霜, 真係好有用啊...)
蛋黃漿
· 5 隻蛋黃
· 50g 糖
· 1 湯匙班蘭香油及1湯匙水 (將兩者拌勻)
· 5 湯匙菜油
· 100g 自發粉
步驟 1. 蛋黃與糖拌勻直至糖融化
步驟2. 加入班蘭香油及水再拌勻
步驟3. 再加5湯匙油拌勻
步驟4. 將自發粉過篩再慢慢加入
做法
· 將蛋黃漿分3次加到蛋白霜並慢慢用fold-in方法拌勻
· 將混合物倒進蛋糕模，然後放入焗爐內用150度下火焗45分鐘，焗爐需預熱5分鐘
之前失敗過一次, 所以今次整到咁好開心...
個底起得麻麻地
個蛋糕好鬆軟... 好好味...
2010年7月25日(星期日)
今日去左好多...去行街街、跑草地、去探公公...
今朝好開心有毛媽陪我跑草地 , 其實我仲未夠喉咖不過毛爸毛媽己經索晒氣 , 跑完草地再去公公度玩 , 再去行街然後返屋企洗白白...食嘢...覺覺豬...
好...開...心...呀...呀...呀...
毛毛 : 跑吓草地心情特別靚...
毛毛 : 好熱呀...
毛毛 : 毛爸唔知幾時先可以再出黎玩呢 ?
2010年7月24日(星期六)
過去嗰幾個星期六都好擔心毛毛皮膚病覆診嘅結果...
由今個星期六開始一切都回服正常 , 今朝帶埋毛毛出去買餸 , 毛毛表現好緊張同開心 , 生果檔同菜檔老闆娘離遠見到毛毛就大嗌 "VIP"黎啦...
毛毛 : 去街街喇...
毛毛 : 今次唔使做義工都有藍莓食...好野呀...
2O1O年7月21日(星期三)
宜家毛毛落街一出大廈門口嘅巴士站見人落巴士就吠...
毛毛呢排見到男人就多數都吠...係可能呢三個月黎每格一個星期就要打一次針，醫生講嗰種針係好痛咖，所以毛毛可能係怕嗰啲男人捉佢打針。
今朝毛毛仲突然發難...行行吓飛撲埋個外籍肥叔叔度仲狂吠人地...好彩...肥叔叔只係停一停...仲笑笑口話 : Your Dog Is Verry Q...當時我只識講 Sonny...
毛毛喺屋企就經常入房擔啲信同單出廳玩，但同以往有啲唔同毛毛會擔住啲信喺你面前等你注意佢...
毛毛 : 唉~又俾毛爸打小報告...慘喇...
2010年7月18日(星期日)
星期六嗰晚等到好夜先見到Dr.吳，經詳細檢查同診斷...醫生話我好返晒喇。
醫生同毛媽講毛毛個身冇晒味(原來毛囊蟲係會令個身有陣臭味咖，唔怪得知毛爸毛媽成日叫我做"臭豬"啦)，即係皮膚病好番晒...
不過耳仔仲有少少手尾，唔使食藥打針喇...至於毛毛fing頭係少事啫。
幫我沖涼嗰個姐姐話: 毛毛啲毛長番好快變番靚仔咖喇...
就算好番今個星期日都冇得出去玩...因為毛爸要返工...真係唔夠運...
毛毛 : 毛媽好緊張咁話...毛毛你仲要帶多幾日喇叭頸圈咖...
毛毛 : 慘喇...開心得太早添...毛爸救我呀...呀...呀...
201006年6月24日(星期四)
今朝俾啲滴水聲嘈醒，原來出面落大雨…既然起左身就換衫落浴場浸溫泉。
今次同平時唔同，喺大雨中浸溫泉另有一番味道...一個字“正”。
約左8:30大家一齊食早餐，今朝嘅係自助早餐，有傳統日式早餐亦有西式早餐，“非常和味”。
食飽早餐之後起程，今日嘅編排係先去Outlet血戰，然後返札幌酒店check-in，之後再還車。
旅遊自駕遊嘅部份完滿結束，揸車嘅時間嚴格黎講我只係負責三份之一路程，原因係我揸車狼死、經常超速、爬頭技術又差，喺呢度要多謝湯生湯太咁包涵我。
到晚飯時間大家都話要再去蟹本家，因為我地要去補食第一次冇叫到嘅蟹飯。
食飽飯喺附近行街睇野，宵夜就去左“串鳥”食燒雞翼、燒砂肝...好可惜砂肝賣晒令大家有的失望.......
我地住呢間酒店有露天 "風呂"咖 , 喺大雨中浸溫泉超特別 , 可惜唔俾影相...
早晨浸完溫泉梗係狂食啦...呢度只係第一輪...
"溫泉蛋"一口氣食左一個星期嘅配額...靜靜雞話你知 "必食"...
上次黎到遇到好多人喺度影相 , 行都行唔到埋去...今次要唔好錯過...
今朝得十幾度咋...
啱啱有陽光...啲倒影好靚...
拉車個哥哥有三急去左尿尿 , 我做左義工幫佢看車...
等左好耐先冇人行咋...
太太嘅大作...
今日我地食午餐嘅舖頭 , 原來好出名咖...
呢一客蝦...湯生話好掂 , 可惜我身體唔適宜食生嘅食物...
呢啲就唔同...我都話好掂....
炸物大家都鍾意...
喺Outlet買嘅 "戰利品"...
大家都話要再返蟹本家食一餐 , 個侍應姐姐好專業 , 仲服侍周到...
呢鍋就係食家傳為美談嘅蟹粥 , 唔可以用文字去形容幾好味 , 我地每人食左兩大碗 , 飽到個個碌地...
呢間舖頭好熱鬧好嘈 , 食物就麻麻...
2010年7月17日(星期六)
好快又到星期六...呢個星期真係唔知乜野叫做 "得閑" ...
又係帶毛毛去見Dr.吳覆診嘅日子...一直以來都輕視左毛毛皮膚病嘅嚴重性 (請各位狗主千其唔好大意), 心諗好快就好番 , 經常同毛毛講好快有得出去玩...好快唔使帶喇叭頸圈...但一日又一日到宜家都未....。
近排毛毛除左行為上有少少失控之外身體同皮膚差唔多原全康復 , 不過都要Dr.吳嘅診斷同建議...
毛毛 : 毛爸從來都唔呃我咖...今次就有少少吹牛...
2010年7月16日 (星期四)
綠茶紅豆慕思蛋糕
海綿蛋糕材料
雞蛋…3隻
砂糖…80G
低筋麵粉…85G
溶牛油…30G
1. 雞蛋加入砂糖打發至淡黃色，撈起可寫字。
2. 篩入低筋麵粉輕手拌勻
3. 取大約2湯匙的蛋糕漿，加入已溶化的牛油中，攪勻。
4. 再倒回原來的蛋糕漿中，輕手拌勻。
5. 倒入已鋪上焗盤紙的焗盤中，以190~200度焗8~10分鐘 (焗爐需預熱)。
6. 裁出一片6吋蛋糕片，一片4吋蛋糕片。
綠茶紅豆慕思材料
綠茶粉…2湯匙
熱水…40ml
魚膠粉…2茶匙
凍水…40ml
淡忌廉…200g
砂糖…80G
紅豆粒…40G
1. 綠茶粉加入熱水中攪勻，魚膠粉加入凍水隔熱水坐溶，並將兩者混合。
2. 淡忌廉加砂糖打至8成企身。
3. 將綠茶魚膠溶液加入淡忌廉攪勻加紅豆粒。
4. 先放一片6吋蛋糕，再倒一半綠茶紅豆慕絲入模，放一片4吋蛋糕，再倒入餘下綠茶紅豆慕絲，雪2小時即可。
海綿蛋糕底
6吋及4吋蛋糕片
6吋蛋糕片放入模內
完成
用多餘嘅蛋糕片造左一個迷你蛋糕仔
睇下切出黎幾靚，好似餅店賣嘅cake，仲人人都讚好味添...
