- 留言者: 三水媽
- Email: remrem129@yahoo.com.hk
- 網址:
- 日期: 2012-01-03 12:20:56
[版主回覆01/04/2012 08:09:35]多謝呀~毛家都祝三水媽一家新年進步、健康幸福...By毛家
2011年12月29日(星期四)
今朝同毛毛落街散步,行過回收場見到三隻黑色唐狗BB(體形同毛毛咁大,但唔知佢地幾時黎左回收場),嗰班BB真係唔知個“驚”字點寫,一排咁企喺度用驚奇嘅眼光望住毛毛,毛毛反應極速咁搶繩向前衝,用行雷咁嘅聲吠到班BB驚到四散走返入回收場,啲狗BB驚到震…毛毛對佢地施下馬威好似揾錯對象喎….
毛毛 : 我嚇吓佢地咋,冇野咖...
毛毛 : 俾啲顏色班蛋散睇吓啫....
2011年12月27日(星期二)
個假期終於完左…又要返工搏命,呢個假期…同太太帶埋毛毛去行山、去花展影相、食聖誕大餐、氣温9度嘅零晨去踩車啦…仲有…講番花展今年以百合花做主角、屈金香、海堂、風信子、劍蘭…今年啲花好靚同天氣有關…
2011年12月25日(星期日)
首先係祝毛爸毛媽同各位朋友 “聖誕快樂”…
今年係我第三年同毛爸毛媽過聖誕 , 我一出世就離開生父母黎到毛家 , 得到毛媽毛爸栽培同照顧 , 更幸運嘅我能夠結識到身邊一班好朋友 , 我真係生活喺幸福之家 , 我希望有生之年都能夠同毛爸毛媽一齊過聖誕。祝各位 “聖誕快樂”。
2011年12月24日(星期六)
平安夜…聖善夜…毛毛祝各位姨姨、叔叔、哥哥姐姐、師兄師弟、好朋友…仲有毛爸毛媽、姑媽姑丈、姨媽姨丈、表哥表姐…喺平安夜平安幸福,有個快樂開心嘅平安夜….
2011年12月23日(星期五)
前兩日嘅FB見到Mad師兄bb嗰陣時啲相,原來Mad師兄細個嗰個樣己經好 “英”咖喇。媽咪話我細個嗰時好百厭咖,毛爸就嗱嗱林揾番我bb嗰陣時啲相,宜家睇番…全家都笑到好開心….
2011年12月22日(星期四)
個幾月前我地商量左聖誕假期帶毛毛去做手術,特登喺假期安排照顧手術後嘅毛毛。但經過一段時間嘅爭扎决定(聽醫生長細講解問題是否迫切性)取消手術,大家都放低心事,今朝去左大潭山行山,全家都好開心…黎緊嘅節日假期毛毛最開心,可以大玩大食…
2011年12月18日(星期日)
星期六帶左毛少去DOL剪裝,毛媽話剪個靚裝精精神神過聖誕節同新年,今次都係日籍肥姐姐操刀…一剪就剪左三個鐘,去接毛毛嗰陣毛少雖然勁開心但經過幾個鐘嘅變身…睇得出毛毛好攰…
2011年12月18日(星期日)7:30陽光普照強風14度
今朝帶毛毛落街散步嗰陣發覺好大風同凍 , 所以出去踩單車就做足準備。今朝喺澳門蛋附近踩車只可以(風勢大強)以時速9公里嘅速度同泠強風搏鬥 , 經過1個多小時(腳仔軟)…. 冷凍嘅強風下踩單嗰種知味…真係親身試過先知。
2011年12月16日(星期五)
最近我帶左毛毛去探阿妹 , 阿妹喺車度同毛毛玩 , 銅銅就爭住抱毛毛…初初都冇事 , 阿妹玩玩吓捉住毛毛隻手就出事 , 毛毛突然發火咬阿妹(毛毛係警告形式 , 阿妺冇受傷)。毛毛呢種惡習越黎越明顯 , 由其是每每我地去完旅行返黎更犀利….
2011年12月14日(星期三)
啱啱嗰個星期日帶太太同毛毛參加朋友搞嘅BBQ , 由下晝一點燒到六點半…大人食得開心狗狗玩得開心。今次大家玩得咁高興要多謝個搞手同個幫手…大介媽同格格嘅爸爸媽媽(由其格爸爸同另一位家長由頭到尾都幫手燒野俾大家食) , 當日食物非常豐富有鰻魚、魷魚、鮑魚、扇貝、大蝦、墨魚丸、牛扒、牛排骨、牛丸、雞翅、香腸、冬菇、金菇、紫心蕃薯…仲有冷、熱五花茶 …食物豐富好味 , 聽講咁好味嘅食物係格格姨媽醃制 , 真係辛苦晒 , 我最享受嘅係同大家吹水談心 , 睇狗狗開心玩到失控…..
3師兄弟見面就開心到互吠問候 , 由其大介成個下晝都問候大家..
.個個小朋友都盡顯本領....
非常好味嘅食物...
2011年12月11日(星期日)
今朝一早媽咪就好忙咁係廚房整野 , 毛爸都要入埋去幫手好似好大陣象咁 , 原來 “毛媽廚房”又開工啦 ~ 今次整小食 “雞肉甘荀、南瓜卷”係整黎晏晝攞去BBQ請我啲狗狗朋友一齊食咖 , 各位狗狗朋友我地有口福喇….
毛毛 : 媽咪用晒天然材料咖...絕無防腐劑咖...
毛毛 : 嘩~好香呀...正...
2011年12月10日(星期六)
今年聖誕節銘銘會喺澳洲一個人過,初初自己一個人過大節日難免有啲孤單。但係我地大家都會默默咁支持你,黎緊喺呢個普天同興嘅大節日…舅父舅母同毛毛祝你 “聖誕快樂、新年進步”之外…梗係仲有份禮物啦…
2011年12月8日(星期四)
尋日好晏先返到屋企 , 因為台北天氣壞飛機遲左起飛。我地一入屋企門口毛毛就開心到失控…持續到瞓覺 , 呢段時間毛毛都跟出跟入(好似怕我地再走左去咁) , 成晚都通屋跑 , 直到瞓覺仲走埋床邊Lam我一陣先入籠 , 真係諗佢唔到。今朝毛毛食飽餐之後好輕鬆咁喺架步瞓覺…好似放下心頭大石咁….
2011年12月7日(星期三)
聽到好熟識嘅聲音喺門口傳過黎…係啦…媽咪同毛爸返黎喇 , 我真係開心到 “爆”…太好喇 , 毛爸攞左好多野返黎呀 , 唔知我有冇份呢 ? 有冇到唔緊要啦 , 見返媽咪就得喇….
.毛毛 : 超開心呀~媽咪返黎喇.....
毛毛 : 媽咪買左條會發光嘅頸帶俾我做禮物...型爆...
2011年12月5日(星期一)
聽工人講星期六嗰日毛毛冇便便 , 仲有成個下晝都揾我地 , 食左晚餐之後就自己入房返入個籠度瞓(平時幾咁眼瞓都好要食左生果先肯瞓咖)…後尾工人話到好夜先屙左一舊仔便便 。毛少 連食生果都冇興趣心情梗係好唔靚喇…..
2011年12月3日(星期六)
一早起身帶毛毛出街散步同買早餐…返到屋企檢查行李準備出發 , 毛少梗係好幫手啦 , 我地擺啲野落行李箱毛毛就擔番晒出黎 , 咁様就…執左一個朝早 , 出發喇 ...2011年12月3日(星期六)
呢幾日嘅温差好大….講緊前日仲二十幾度 , 尋日最低十一度好多朋友因此而中招(冷親)。毛媽己經攞定啲厚衫俾毛毛散步著 , 到出街嘅時候毛毛喺房擔左件黑色新衫出黎 , 毛毛咁嘅行動搞到大家都笑住話毛毛係醒目仔 , 由尋日開始毛毛就痴身痴勢要扭抱 , 睇黎毛少又嚫機會嗲媽咪喇…………..
毛毛 : 形唔形呀~
毛毛 : 媽咪買俾我嗰陣都估唔到我著左似 "神父"...哈哈哈
今朝照常返工 , 佬闆突然來電問 : Peter你聽朝飛今日唔係放假咩 ? 原來佬闆怕我冇時間執野同準備一早安排我放假。由於咁…我返左半日工就放假 , 有時間就去左寵物幫毛少入貨(小食)。
2011年12月1日(星期四)
黎緊嘅十二月初我同太太去臺灣旅行六日…所以好緊張個工人嘅表現,我地唔係度嗰陣識唔識得好好照顧毛毛,工人姬詩同毛毛嘅關係好好…但最近姬詩幫毛少清潔咀仔嗰陣毛少發脾氣咬佢,搞到姬詩有啲驚毛毛。咁…令我擔心毛毛會咬傷姬詩,毛毛有啲咁嘅行為…我亦都擔心毛毛得唔到全面嘅照顧………..