地獄(開工)見聞...密閉空間安全課程

2017年4月30日(星期日)

2017年4月26日（星期三）為咗工作上需要⋯老闆安排咗一眾同事到勞工局上＂密閉空間工作安全課程＂，時間晚上7:30～10:30，今次課程係一次性，冇得補考，有30幾位人士參加，自從離開學校⋯都未試過夜晚上堂學，真係有另一番體驗。

內容有密閉空間定義、工作上嘅安全認知、安全評估...等

工作中應用器材...

個人安全裝備...

３小時嘅講座內容廣泛，自問記性好差...好彩順利過關...

成功、失敗

2017年4月16日（星期日）

呢幾日都守喺電視機前面⋯為香港單車隊同李慧詩打氣。4月15日女子500米計時賽，李慧詩失落奬牌⋯

實在令大家有啲唔開心，我失望嘅係知道選手經過艱苦訓練花長時間流汗⋯但回報唔一定正比，李慧詩⋯加油！

唔係懷疑李慧詩嘅實力，有相為証...

只係其他選手臨場表現更出色...

李慧詩，加油！

(以上圖片來自TVB J5)

滴眼藥水

2017年4月16日（星期日）

毛毛自從2016年身體健康檢查之後⋯醫生建議我哋幫毛毛每日滴（「水汪汪」眼睛營養補给液）眼藥水作為延遲視力退化嘅治療。

幾年前毛毛做體檢嗰陣雙眼睛出現嘅藍色圈越來越明顯。

實情我心存懷疑⋯毛毛滴嘅眼藥水係唔係可以長期使用呢？成效有幾多？唔用會唔會視力好快變差？ 

毛爸：作為家長有關毛毛小朋友眼睛嘅健康...

「好擔心」係正常不過嘅事...

發狂嘅毛毛

2017年4月16日（星期日）

今早帶毛毛散步完返屋企途中⋯到附近買麵包做早餐，行經回收場⋯

街口轉角突然有隻黑色唐狗出現同我哋相遇，毛毛即時失控狂吠⋯場面驚嚇，周圍行人左閃右避，有啲女士嚇到尖叫，當時我拉住毛毛即時抱起⋯毛毛就瘋狂爭扎⋯一度令我好尷尬，麵包跌晒落地、斷咗個袋條斜帶、我頸位同心口俾毛毛好大力咁R損晒，毛仔發狂嗰陣唔講得笑⋯⋯

毛毛：我唔簡單咖，米當我係流咖...

場地世錦賽2017李慧詩贏銅牌呀！

2017年4月14日（星期五）

場地單車世界錦標賽2017，4月12日喺香港舉行，此時⋯世界頂尖嘅單車運動員都雲集香港......

牽起一場世界級嘅技術教量，香港、澳門單車迷有眼福⋯因為有TVB現場直播。

場地單車世界錦標賽...爭先賽項目（4月13日）李慧詩順利進入4強，今日李慧詩在全場車迷打氣下為香港隊勇奪一面銅牌，恭喜李慧詩。

(我偶像香港女車神李慧詩)準備起步...

知己知彼...

勝利了...

賽事中港隊第一面獎牌(銅牌)，領獎亠刻...激動

笑容迷人嘅(德國車隊)世界單車壇一姐...禾哥(金牌)

(以上圖片來自TVB J5)

找屎

2017年4月14日（星期五）

大廈好耐之前已經貼出告示＂不得帶寵物在大廈周圍便溺＂呢排天氣經常變幻⋯今日因為落雨⋯只有帶毛毛落停車場散步，毛毛順便喺車塲便便咗兩次，我包好便便袋好就返上屋企，入門之後⋯發現少咗一包便便，身為付責任嘅家長⋯唯有返轉頭原途搜索⋯找屎

毛毛：毛爸好執著...

行山樂⋯與老友一起

2017年4月13日（星期四）

2017年4月9日（星期日）毛家基本上每逢放假都會去行山晨運，晨運、行山、運動⋯係公認對健康有益，近日連老友湯氏夫婦都有興趣行山晨運。

星期日就約定湯生湯太一齊行山晨運，咁⋯順理成章我哋就成為帶路人，今次活動全程45分鐘⋯大家感謝非常愉快⋯⋯

好開始...

話動之後有早餐同小禮品送...

落花滿天飛舞

2017年4月10日（星期一）

每年嘅三月尾至四月⋯氹仔韶關街啲高樹就會開花，令整條街都充滿濃濃嘅花香...

每日清晨少人少車周圍環境清靜嘅時候，嗰種花香令人印象深刻。

每到呢啲日子我同毛媽行過韶關街都會放慢腳步...留連忘返⋯⋯

毛毛：嘩～好多花仔呀...

毛爸：嘩～好香呀...

毛爸：啲花仔滿天飛，好以「竹蜻蜓」呀...