毛爸毛媽毛毛豬: 11月 2010

2010年11月30日星期二

煮飯俾屋企人食

2010年11月28日(星期日)

今日太太問我今日大家放假...不如出街食飯 , 我地去食乜嘢呀 ?

毛爸 : 等我落廚煮番兩味住家菜啦...

雜菜豬手煲、炸菜炒肥肉...

約左見Dr.吳

2010年11月28日(星期日)

終於約到Dr.吳見毛毛(毛毛主診醫生)...今朝吳醫生幫毛毛做左長細檢查...

結果好消係息...毛毛自從皮膚病(毛囊蟲)好番之後毛色靚左 , 新毛睇落毛毛深色同健康。

但係我地一直解決唔到嘅係毛毛體重 , 毛毛己經轉左食 "自家煮" , 醫生話毛毛只係 "鋼條"身形啫 ...食新鮮糧係會肥得慢啲 , 但會健康啲。只要調整食物嘅組合...咁毛毛嘅體重就會上升....

毛毛 : Dr.吳同毛媽毛爸傾左好耐好似有重大決定....

毛毛 : 醫生話我健康OK...

留言者: Mobear
Email: morrisamkl@yahoo.com.hk
網址:
日期: 2010-12-05 22:35:00

Good news.
[版主回覆12/06/2010 08:19:00]多謝關心...By毛爸

留言者: Chang Nga
Email: ngaichang17@yahoo.com
網址:
日期: 2010-11-30 20:41:00

重大決定，係米要做升呢做爸爸呀
[版主回覆12/06/2010 08:19:00]毛毛做爸爸都唔關你事...By毛爸

2010年11月29日星期一

銘銘去影賽車

2010年11月21日(星期日)

星期六突然接到阿妹嘅電話 : 阿哥銘鉻星期日去影賽車有冇相機俾銘銘用呀 ?...

兩年幾前銘鉻參加濄攝影興趣班學影相 , 仲同我講想知多啲有關影相技術上嘅野…

今次我攞左部Canon EOS5D俾銘銘用…

銘銘影得幾好喎....

冠軍...

充足嘅支援同超級嘅裝備...

戰車...

毛爸 : 唔...銘鉻...真係有文有路...

梗係同啲車手影番張相留念啦...

指定動作....銘銘大個仔喇....

2010年11月28日星期日

羞家嘅毛毛

2010年11月24日(星期三)

星期日朝早帶左毛毛去阿妹屋企同Coffee玩 , 毛毛玩到癲嘅時候…突然喺個大廳度便便 , 仲一路屙一路行…屙到通度都係。

上次玩到忘形喺梳化度屙尿 , 俾阿妹鬧到佢坐喺度唔敢郁 , 今次…失禁毛毛可能興奮過龍…

毛毛 : 真係失禮喇...搞到毛爸毛媽冇晒面仲俾姑姐狂鬧...

留言者: Chang Nga
Email: ngaichang17@yahoo.com
網址:
日期: 2010-11-29 16:35:00

睇黎佢HIGH得制會係咁，下次見到佢都唔敢同佢玩咁HIGH，陣間柯到我成腳都係...
[版主回覆11/30/2010 08:23:00]你放心...咁難先見到你...一定放低幾両俾你...By毛毛

留言者: Wood Wood G 大聲公
Email: howoodwood@yahoo.com.hk
網址:
日期: 2010-11-29 15:50:00

Hello 毛毛family, long time no see ! 我今日重返 Blog 壇, 請多多支持 !
[版主回覆11/30/2010 08:20:00]一定 "十卜"你....By毛爸毛媽毛毛

留言者: 幸福的小皇后
Email: rick_mandy2009@yahoo.com.hk
網址:
日期: 2010-11-29 10:22:00

嘩哈哈 .. 毛毛豬重乜咁失儀呀 ..
[版主回覆11/30/2010 08:19:00]毛毛梗係玩到忘我啦...小皇后妳冣近好嗎?....By毛爸

2010年11月27日星期六

後花園

2010年11月25日(星期四)

阿妺住嗰度有個好大嘅騎樓平台 , 喺平台度種左好多植物 , 仲有果樹有木瓜、楊桃、檸檬、芒果、棗…

平台旁邊有個大魚池養左好多好大好靚嘅日本錦鯉魚…今次帯毛毛上去玩 , 銅銅、Coffee梗係開心到爆啦 , 兩隻狗狗大廳跑平台兩頭跑玩到癲。

咁啱啲楊桃樹上熟…我地真係有口福喇….

楊桃...樹上熟食得喇...

木瓜...毛媽話最啱用黎煲湯...

人心果...阿妹話好甜咖...

棗...新鮮嘅喺樹上嘅好少見...

2010年11月26日星期五

毛毛等左一個鐘先見到醫生

2010年11月24日(星期三)

毛媽一收工返到屋企就o拿o拿聲帶毛毛去見醫生 , 去到等左成個鐘先輪到毛毛…經醫生全身檢查…體重4.45Kg(好似冇重過) , 其他大至上冇乜問題 , 只係Patpat個傷口發炎需要食藥同搽藥…仲要戴幾日喇叭頸圈 , 毛少真陰功…

毛毛 : 只可以用一個字形容 "慘"

2010年11月25日星期四

Coffee帶咀帶

2010年11月21日(星期日)

Coffee由於阿妺全家人對佢極度寵愛(包括我)…所以就成為屋企嘅大小姐。

每次出街都過度興奮又搶繩 , 需然Coffee唔係經常出街 , 用普通頸帶又怕令佢受傷 , 有次搶繩甩左頸圈 , 由於咁… 我特登買左條咀帶俾佢。

Coffee帶咀帶嗰陣佢顯得好不安 , 帶左之後…就成日Fing頭同擦地下 , 好似好唔舒服咁...之後嗰5分鐘一直都係咁。最後我地都係心軟同Coffee除左條咀帶 , 睇黎要過一段時間Coffee先會習慣帶咀帶。

Coffee : 我由細到大都未帶過呢啲野咖...

2010年11月24日星期三

毛毛心聲…毛媽要我帶喇叭

2010年11月24日(星期三)

唔知點解由星期日開始個Patpat又痕又痛 , 搞到我要Patpat擦地下止痕…

但擦得多擦傷左 , 又紅又腫脹所以成日都Lam個傷口…我咁梗係俾毛媽狂鬧啦 ...

毛媽 : 毛仔嗰度搽左啲藥咖 , 唔Lam得咖 , 你Lam晒啲檠個傷口點會好番咖…

毛媽 : 唔得…都係要同你帶番個喇叭頸圈…

毛毛 : 你地睇吓我係唔係好慘呀...

毛爸 : 毛毛你快啲好番Ma得攞...開心啲啦...

留言者: Kurumi Shiro
Email: nikully@yahoo.com.hk
網址:
日期: 2010-11-26 12:09:00

毛毛好慘豬呀﹗成日都要戴頭罩。
[版主回覆11/26/2010 19:52:00]毛毛一戴就會冇晒心幾 , 要抱佢一陣咖 , 咁毛毛會安靜啲咖...多謝K&S咁關心毛毛...多謝.............By毛爸毛媽

2010年11月23日星期二

好忙嘅毛毛

2010年11月22日(星期一)

旁晚我放工返到屋企…聽毛媽講毛毛仲係成日都 “Patpat擦地下” , 臨訓前同毛毛搽左啲藥 , 但毛毛就猛咁Lam個Patpat…呢晚毛毛喺個籠轉黎轉去(個籠係開放式) , 基本上成晚都冇訓過 ,咁...我同毛媽都係訓得唔好 , 我諗毛毛應該好唔舒服先至會係咁...

毛毛 : 尋晚好辛苦呀~宜家好眼訓...............

2010年11月22日星期一

毛毛屎忽痕

2010年11月21日(星期日)

尋日旁晚毛毛散完步返黎之後…毛毛就有啲奇怪嘅行為Patpat磨地下 , 咁...毛媽細心檢查之下發現毛毛肛門腫脹仲有一撻仔損左 , 茶左藥都好似冇乜效果 , 最近毛毛喺街經常吠人 , 所以每次都要毛毛坐低冷靜 , 唔知會唔會咁喺街度野到啲病毒呢 ?

毛毛 : 呀~茶左藥都好痕呀....

留言者: 圓咕碌
Email: bottle312@yahoo.com.hk
網址:
日期: 2010-11-23 16:43:00

圓咕碌 : 磨 pat pat 通常都係肛門線脹 , 唧咗就無事架~!!
[版主回覆11/24/2010 06:59:00]多謝圓咕碌關心 , 不過我地好擔心 , 已經約左見醫生...By毛爸毛媽

2010年11月21日星期日

驚心、擔心

2010年11月18日(星期四)

今朝送完太太返工經過羅保博士大馬路 , 迴旋處遇到交通擠塞 , 當初以為賽車封路而塞車…後來先知隧道口有隻肥嘟嘟嘅白色松鼠狗喺馬路旁邊走黎走去 , 所以啲車都慢駛 ...

當我駛到隧道口就見隻狗狗喺馬路橫衝直撞 , 一時又走過對面馬路仲好驚咁…我見到隻狗狗咁我仲驚 , 啲車喺隻狗身邊駛過情況非常驚險 , 嗰一刻好想落車捉住佢…

離遠睇隻狗狗雪白精靈應該有個好錫佢嘅主人。希望個主人能夠快啲搵番佢 , 呢一刻我心情覆雜好擔心嗰隻白松鼠狗狗…

毛毛 : 嘩~咁驚險我就唔敢睇...

留言者: Chang Nga
Email: ngaichang17@yahoo.com
網址:
日期: 2010-11-22 12:10:00

你做乜唔捉住佢呀，你諗下如果隻係巴斯...
[版主回覆11/23/2010 06:31:00]現場環境覆習愛莫難助... ...By毛爸

2010年11月19日星期五

銅銅學楊琴

2010年11月18日(星期四)

現代嘅家長都希望自己個小朋友多才多藝 , 所以小朋友喺日常生活裏面大部份時間都係學習同練習…銅銅就參加左楊琴班己經一段時間 , 宜家仲彈得有文有路…

Coffee生日會嗰陣銅銅就用楊琴伴奏生日歌非常出位…前晚就彈左幾隻小曲俾我聽 , 需然唔係專業水準但我就覺得非常好聽...聽出耳油…

銅銅 : 舅父好鍾意聽我彈楊琴咖....

2010年11月15日星期一

蠱惑仔毛毛

2010年11月12日(星期五)

平時朝早帶毛毛散完步番黎之後…會同毛毛玩一陣就整野俾毛毛食 , 我地臨出門嘅時間毛毛就會搞搞振震 , 好忙咁週圍檐野黎領獎 , 今日就冇要我同佢玩 , 反而走埋一邊好鬼鼠咁聞地下 , 我望吓毛毛做緊乜…毛毛就申長對腳仔望實我 , 好似冇事發生 , 當我睇真啲…毛毛對腳係收埋條 “橡根” , 原來蠱惑毛檐左條橡根玩…

毛爸 : 你地睇吓毛少...真係冇野咖...

毛毛 : 我收埋條 "橡根"毛爸唔知咖....

留言者: pat
Email: patvong2003@yahoo.com.hk
網址:
日期: 2010-11-17 16:33:00

waKAKAKAKAKA
[版主回覆11/26/2010 19:45:00]毛毛好搞鬼... ...By毛爸

2010年11月14日星期日

全城戒備(溫總離澳)

2010年11月14日(星期日)

今日下晝四點幾同太太出門去美食節...行去巴士站嗰陣聽到啲途人講...呢區宜家開始封路。

一出大廈門口路上有好多人 , 佢地嘅行為好特別 , 有啲人好神秘咁企埋一邊猛喺度講對講機 , 有啲人就好緊張咁兩頭行 , 路邊、街口、天橋、大廈門口全部都係嗰啲人 , 原來我地嘅國家領導人溫總會經過呢區 , 滿街都係特警、軍裝、便裝、唔怪得知啲氣氛咁緊張啦...

咁封一封路搞左個幾鐘...最尾我地改左下星期先去美食節...

毛爸 : 啲交通警最忙...

毛爸 : 車隊由交通警領航...

毛爸 : 封路嗰陣成個區都好似死城咁...

Coffee發燒

2010年11月14日(星期日)

前一排上阿妹屋企...當我拍門...聽到Coffee吠左兩聲就冇左反應(平時會吠到癲) , 我入到大廳見到Coffee , 佢只係企喺度望實我 , 我行埋去抱佢都冇走開 , Coffee變得咁乖 ???

當日阿妹打電話俾我 : 阿哥Coffee有啲怪怪地...唔肯食野冇晒心機個肚仔度仲好熱添...

當晚漏夜帶Coffee去見Dr吳 , 檢查結果Coffee假懷孕發燒 , Dr吳話唔使擔心只要小心照顧Coffee好快會好番 , 醫生開左3日藥...。

Coffee小朋友唔舒服我好擔心咖...過2日我再上去睇Coffee...我一拍門...聽到Coffee吠到癲...咁...我就知到佢好番晒...

2010年11月13日星期六

毛毛遊主教山

2010年11月7日(星期日)

今日天氣勁好有陽光又涼爽 , 諗緊帶毛毛去邊度玩…毛媽提議去主教山影相 ,自從般左去離島住之後(成十年)都冇上過去…。

主教山係好出名嘅婚紗攝影聖地 , 好多本地同外地嘅新人都去嗰度攞景 , 帶毛毛去玩同影相毛媽就幫毛毛著番件新裝…

毛爸 : 主教山婚紗攝影聖地...

毛毛 : 嗰度望到好遠咖...可惜有煙霞....

毛毛 : 好有歐陸嘅特色...

毛毛 : 好靚...

毛毛 : 毛爸你啲影相技術好屎喎...影到我好似個逃犯咁...

毛毛 : 張張相都要我保持咁嘅姿勢...毛爸好變態...

2010年11月10日星期三

狗狗出走事件

2010年11月11日(星期四)
我住嘅地方一出大門就係走廊跟住垃圾房兩個電梯入口....好多時我地出去倒垃圾毛毛就跟埋我地一齊出去 , 好驚一個唔留神俾毛毛入左電梯咁就弊喇...

個幾星期前我朋友隻松鼠狗(巴斯)就係咁入左電梯走失左 , 個主人梗係心急到發晒茅啦...好彩巴斯遇到個好心人 ,嗰幾日巴斯好食好住(聽講巴斯餐餐都食豬扒同雞扒) , 更好彩嘅係個我朋友可以揾番巴斯 , 聽講巴斯明顯肥左不過就嬲左個主人...

毛毛 : 我毛毛都想出去外面世界闖吓....

毛爸 : 你捱得苦咩毛少爺 ???

留言者: Kenji
Email: kenji_mok2003@yahoo.com.hk
網址:
日期: 2010-11-14 22:05:00

毛毛無奈LOOK......
D & G MaMi.......
[版主回覆11/16/2010 07:05:00]佢扭計等獎野食.... ...By毛爸

好朋友結婚喇...恭喜恭喜

2010年11月10日(星期三)

兩位前同事兼朋友曾生、祺祺今年拉埋天窗 , 咁好嘅消息真係鄧佢地高興...喺呢度祝新郎新娘 "永結同心、白頭到老....我作為佢地嘅朋友挭係希望佢地幸福快樂啦...恭喜
恭喜...
新娘子好有我心專程送餅咭過黎俾我 , 佢仲送左一份喺日本買嘅禮物俾我太太做手信...真係令我十分感動....