我低調的生日2017

2017年10月16日（星期一）

首先多謝各位老友、朋友、損友、隊友及同事嘅生日祝福，多謝！

啱啱過去嘅生日，只係同屋企人一齊簡單食飯慶祝，係一個開心嘅生日，多得太太為我安排一切⋯多謝太太。

以往嘅十月⋯生日飯局安排到密麻麻，甚至正日都係同一班朋友同事一齊過，現在回想...忽略了家人感受...覺得自己有啲過份...

今年因為頸椎傷患謝絕朋友、同事相約嘅飯局，幸運地大家明白體諒，多謝！

祝大家身體健康、事事順心...多謝各位

2017明愛慈善跑⋯試跑（6k）...長跑準備

2017年10月8日（星期日）

明愛慈善跑，喺澳門大學橫琴校園舉行，賽道係混合咗街道、小橋同小巷形式⋯環境非常優美。

本會（魂跑團）有好多隊友參加支持，我自從五月份頸椎受傷後停止晒所有跑步操練，今日參加嘅目的只係想去現場感受一下熱鬧氣氛同一班隊友們見見面敍敍舊，落場慢慢跑一跑平估下康復進度同身體狀況⋯⋯

艱難嘅決定，困籠...令人憂心嘅毛毛

　2017年10月7日（星期六）

醫生話毛毛嘅脊椎病要多休息、要嚴格限制活動，最好方法係困籠...

毛毛由BB開始都未試過困籠，家人認為籠係俾毛毛休息嘅安樂窩，毛毛出入籠都係自願同隨便，有段時間毛毛好鍾意當我哋番咗工就會自己走入籠瞓覺，九年以來都冇將籠門關上。

我一直都覺得將毛毛困籠係倒退負面既做法，但為咗毛毛健康好令自己相信係做得對的。

初初毛毛都好唔習慣...

令我難忘嘅眼神...令人憂心嘅毛毛

2017年9月17日（星期日）

噚晚⋯當毛毛腰部痛到坐立不安嘅時候，我嘗試抱起毛毛換到另一個比較舒適嘅位置，當時毛毛發出狐叫仲想咬我，對望之間毛毛流露出一種⋯非常無助、極痛、失望、怒火同可憐嘅眼神，嗰一刻、嗰種眼神令我痛心、驚慌、難過、無奈、忘不了...呢種感覺我會銘記。

明白腰椎問題引發嘅嗰種痛感係有幾咁難受，只有坐或者瞓嘅姿勢及位置正確痛感先至會舒緩，若然痛感持續⋯咁實在是太痛苦了⋯⋯

今日中午毛毛行動有小進展...可能止痛藥生效...

毛毛小朋友，努力！加油！

毛毛要去睇夜急診...令人憂心嘅毛毛

2017年9月17日（星期日）

噚日夜晩毛毛梳洗之後入房瞓覺，毛毛都係瞓到同一姿勢好安靜，過咗一陣之後⋯毛毛開始氣速仲不斷更換睡姿勢，全身打震，垂尾行動生硬困難我相信係極痛嘅表現，情況一直持續到凌晨。

當時⋯我哋即刻帶毛毛去急診，毛毛見到醫生緊張到失禁，醫生幫毛毛做咗好多檢查⋯常規、超聲波、心臟、腎臟⋯⋯最後要幫毛毛打兩支針止痛......

毛毛返到屋企情況雖然好轉⋯但都要經過20分鐘藥力發作後先安然瞓著（可憐嘅毛毛），噚晚係令毛家擔心嘅一晚⋯慢慢長夜⋯可怕。

家務助理好有心機咁照顧毛毛食餐...

我痛累了！

2017年9月13日（星期三）

今日毛毛好似特別關注我，跟出跟入⋯一直陪著我，但持續嘅痛感令我沮喪⋯展轉反側一輪先瞓得著⋯⋯。

今日要見醫師做治療⋯做完治療之後，非常痛累，醫師講治療當日頸椎、膊頭、背脊、上臂前臂都會產生不同情度嘅麻痛，最好係瞓覺休息，瞓醒之後患處痛楚就會舒緩。

每次失意都有你(毛毛)陪伴...我幸運，感恩...

毛毛今日一直都陪住我，就算房外有聲毛毛只係在門口望一望...

我要讚毛毛小朋友

2017年9月2日（星期六）

今朝帶毛毛落街散步⋯雖然大部份地方都清理好，噚日一場大雨又再令環境變得驚人，到處都有樹枝、樹葉、垃圾、仲多咗好多祭祀完嘅物品（神香、餅乾、果仁、生果、燒肉）⋯⋯，毛毛散歩經過聞左啲祭品好耐⋯之後就慢慢行開，毛毛已經養成唔喺街亂執野食嘅好習慣(毛毛好叻仔)，好快咁便便同尿尿完就趕返屋企⋯⋯

聰明、醒目嘅小朋友毛毛

健康低潮嘅時候

2017年9月2日（星期六）

我為咗頸椎康復績極做藥物治療、物理治療、針灸、推拿、努力操練⋯好多朋友都冇辦法相信點解我可以咁勤力⋯實情係為咗快啲好番啫。

醫生、朋友...大家都好關心咁叫我請長假喺屋企好好休息，呢兩個月期間又患上兩次感冒令患處痛感更痛，令我情緒跌至極低點差啲失控...

師傅同長輩都咁講⋯身體健康等於孝順父母，提示我俾耐性做治療，好好照顧自己，世界級嘅成功人士咁講⋯身體健康未必等於成功，但冇咗健康就失去一切。

我現在路跑、慢跑、踩單車運動都已經全部停止操練，只有游泳係我唯一可以做嘅運動⋯⋯

好多謝大家對我嘅關心同建議治療方法...實在感激，多謝...

冇表現不滿嘅毛毛

2017年9月1日(星期五）

毛毛唔準玩玩具、行山⋯尚未解禁，所以每日毛毛只係輕鬆散步就返屋企食餐。

近期發現毛毛小朋友好努力咁要我哋關注佢，例如⋯好有耐性咁坐喺我哋面前、擔我哋隻拖鞋玩、擔我啲運動褲去玩⋯⋯禁令期間我都會一早帶毛毛出街放一放電（行行跑跑2k）毛毛同平日一樣都玩得非常開心，唯一唔願返歸。

禁令下單純嘅毛毛只有接受冇不滿⋯⋯

聰明嘅毛毛，表現百厭又要家人關注，十分可愛...

現時嘅毛毛小朋友...落到街就吾肯返屋企...

無情嘅颱風「天鴿」

2017年8月25日（星期五）

自己都遇過十號颱風，今次「天鴿」十號颱風可以用「災難」嚟形容，短短幾個小時就令澳門重創，史無前例。無水、無電、主要道路封閉、到處都係倒塌嘅樹木同垃圾、消防車及救護車不停奉召出動、前線人員日以繼夜執勤、所有食市都關門、市民到處搵飲用水⋯⋯今次親自體驗大自然嘅力量感覺非常慘烈同震撼，大家都覺得好悲慘。

平日我哋按個鍵就可以方便日常生活所需⋯Call車、搭𨋢（唔使行樓梯）、食水、食物、照明（我有啲怕黑）⋯通通都覺得係必然嘅，今次嘅經驗話俾我哋知⋯原來我哋一直生活喺幸福、方便、快樂之中⋯⋯

幾小時嘅暴風令澳門變成死城...

小朋友嘅浪漫晩餐...

消防車及救護車不斷奉召出動...

叮叮聲嚇怕毛毛

2017年8月4日(星期五）

今日下晝⋯帶毛毛散步行過某酒店辦事處⋯毛毛突然加快步速向前行，當時我冇發覺毛毛行為有古怪。

回程⋯毛毛都未行到該地方就開始垂晒尾腳步加速，原來現場防火警鐘响（叮⋯叮叮），我即時明白，毛毛係俾啲叮叮聲嚇嚫⋯⋯

毛毛返到屋企要静一静...行為先回復正常...

令我沮喪

2017年7月28日（星期五）

頸椎引發嘅背痛已經有⋯兩個幾月，復原進度真係好緩慢，令我失望。

感覺上藥物係完全無效，只剩下物理治療同運動操練可以舒緩痛楚所以繼續，前幾日因為有少少咳嗽同傷風⋯停止所有操練瞓床兩日，由於咳嗽引起嘅肌肉抽縮令背部痛上加痛......

雖然我可以唔食藥忍受刺痛，但痛真係令人好累⋯更令人沮喪。

治療中...不能斜視...搞笑

多謝(訓狗師)Sunny Sir

2017年7月16日（星期日）

上星期六過香港⋯為買毛毛食嘅小食「風乾青口」約見毛毛嘅行為導師Sunny Sir順便敍舊，真係時間飛逝⋯轉眼7年，我哋同Sunny Sir喺地鐵站短敍，大家談得十分開心，Sunny Sir更帶來手信「傷口復原護理包」送俾毛毛。

毛家代毛毛多謝Sunny Sir，祝阿Sir生意興隆⋯⋯

Sunny Sir 嘅優質岀品「風乾青口」...

老闆：Peter 慢慢來吧！...地獄(開工)見聞

2017年7月15日（星期六）

昨日⋯我做完工程運材料返貨倉⋯遇到老闆，老闆一見到我第一時間問有關我背痛傷患同治療情況，又建議我見多幾位醫生，更強調「人夾人緣睇醫生都都係咁」，實情...老闆對下屬體諒同關心...等於幫下屬打咗支強心針。講真好多人都唔會去了解傷者嘅心態，佢哋除咗花長時間治療之外仲要受皮肉之苦，總希望有人支持同鼓勵...

為生活揾食...有好多時候都要頂硬上，唉～鬼叫你窮呀...

背上的紅點...令人憂心嘅毛毛

2017年7月15日（星期六）

今早帶毛毛散完步返室企⋯發現毛毛用後腳R背脊，當時我冇為意⋯但冇幾耐毛毛又不停咁猛R，今次發現令我吃驚⋯毛毛R到背脊流血，毛媽幫毛毛檢查之後就發現背脊有粒「蚊難」咁大粒嘅肉粒（肉粒之前已經有）紅晒周邊仲損晒流血，雖然情況唔係嚴重⋯但都好驚患處會惡化。

流血情況雖然受到控制...但周圍都好红...

毛媽大鬧毛毛一場，實情...家人只係太擔心毛毛...

毛毛散步路程的長度...令人憂心嘅毛毛

2017年7月14日（星期五）

前排毛毛腰椎再度（今次已經第四次）受傷之後⋯毛媽對毛毛日常活動管制得更嚴格，喺毛毛復原期間⋯除咗追、趕、跑、跳、企⋯之外仲有散步都有限制，唔可以作長路程步行（即係唔可以行山）。

我都好關心呢個問題，請教過醫生⋯而醫生建議：呢段時間最緊要毛毛肯自願行 1K～2K都冇問題。

實情⋯毛毛少咗運動會帶出好多問題，其中係過度活躍症，令家人覺得毛毛好百厭同唔聽指令⋯⋯

毛毛係聰明、活潑、忠心嘅小朋友...

我耐心咁做治療

2017年7月13日（星期四）

俾⋯左背麻痛（報告正實你頸椎問題引發）困擾一個多月，每日瞓覺就係惡夢開始，每次轉身觸及患處就會痛醒，如果係凌晨痛醒就難以再入睡，若然再食止痛藥咁⋯日頭就好攰好眼瞓。

近排密密做治療，打（類固醇）消炎針、食止痛藥、針灸、推拿、物理治療、運動（游水）治療⋯，由於咁⋯所以密密請假亦得到老闆體諒所有請假都批準。

準備去做「游泳操」物理治療...

做治療...順便操練體能，呢一刻忘記...痛

下定決心...密密做治療...係唔係快啲好番呢？

慘慘豬...momo心聲

2017年7月7日（星期五）

已經唔記得幾時開始⋯毛媽叫毛爸同工人姐姐唔可以俾玩具我玩，我又唔可以同毛爸搶嘢遊戲，毛爸放假又唔帶我出去玩⋯都唔知點解？

我估係毛媽落咗「柯打」，唉～都唔知幾時先有得玩同去街⋯⋯悶爆了⋯⋯

毛毛：冇得玩...真係好慘...

毛毛又跳又企令家人激心

2017年7月3日（星期一）

毛毛腰椎痛已經完全康復，落街行路拖拉有勁，雙後腳彈跳力十足，但⋯醫生話：毛毛以後盡可能唔好用雙後腳企、唔好跳、唔好急停、如果毛毛肯行路散步⋯基本上每次行20分鐘都可以（重點係毛毛自發哋行）。

現時毛毛禁玩玩具、禁長程散步、禁玩爭奪遊戲⋯仲未解禁，日常生活毛毛行為出現非常活躍，追、趕、跑、跳、企⋯樣樣做齊，每次毛毛嘅激動、興奮行動都令家人擔...

小朋友本色嘅毛毛活躍度...到達頂峯...

游泳操練

2017年7月2日（星期日）

幾位醫生都強力建議⋯除咗打針食藥之外要做「游泳」作為「椎間盤突出」嘅輔助治療運動，眾醫生亦表示將「游泳」定為長期操練係一個好決定。

咁⋯我為咗聽醫生話同為咗身體健康今日就開始「游泳運動」操練⋯⋯

我應該好快可以參加「三項鐵人」運動喇...

睇黎...我要將游水加入操練項目喇....

七．一．去踩單車

2017年7月1日（星期六）

慢慢長夜真係難過⋯為咗平行心情出門去踩單車，醫生曾建議⋯可以做運動，但只可以做溫和嘅運動，例如⋯步行、拉筋、在平路踩單車或者在訓練臺上踩單車.......

呢一段時間實在令我情緒失控，背麻痛影響我生活、工作、操練⋯⋯

輕輕鬆鬆...不知不覺踩咗二十幾公里...

如果心情有天氣咁 (晴朗) ...就好喇...

禁跑令、覆診

2017年7月1日（星期六）

背脊麻痛令我再度見醫生⋯結果⋯醫生只有開藥加強藥效建議⋯做游泳運動、瞓床休息，醫生講可以繼續針灸及物治療減輕麻痛⋯仲要準時食藥（幾位醫生開嘅藥全部種類多達七、八種），要準時同準確食藥對於我係考驗......

前主診林醫生講「椎間盤突出」呢種病況⋯我哋只可以做嘅係「防止患處再度惡化」，至於復原就要花好長時間。

我臨走醫生講：余生，你暫時唔好跑步⋯唔準跑步呀⋯即係「禁跑」

重量級嘅止痛藥...

毛毛康復了！...令人憂心嘅毛毛

2017年6月26日（星期一）

過去嘅星期日⋯帶毛毛去覆診，今日毛毛精神咗好多，醫生一見到毛毛就笑笑囗話：毛毛已經好番晒，唔使再食藥，唯一暫時唔可以做強烈運動，要多啲休息及要繼續照燈治療。

毛毛康復進度良好，多謝各位朋友嘅關心，大家可以放心喇。

毛毛聽見唔使再食藥即時好開心...

左背麻痛嘅檢驗報到

2017年6月25日(星期日)

1 左背麻痛差不多已經一個月...前一排入住醫院做咗一次長細檢查(磁力共震、深層掃描)，報告昨日收到，正實頸椎突出，而唔正常嘅突出部份令周圍發炎...厭到神經...反射到左背脊至左手區持續咁麻痛。

噚日...去見骨科博士醫生做診療，醫生開左止痛藥、打消炎針作治療，為咗舒緩麻痛接受針灸及推拿...等...療程。

但每次針灸推拿後都令麻痛浮現...實在難受(咁係正常反應)。

凌晨三點...背痛令我痛醒再也不能睡，咁嘅情況使我心中允滿疑點，花長時間休息、忍受住麻痛、花大量金錢...都未能改善痛症，結果更係我哋控制唔到，此時此刻我真係想得太多...。

願大家重視健康、愛惜身體、健康無價...。

祝願大家身體健康

全晚都唔瞓覺嘅毛毛...令人憂心嘅毛毛

2017年6月25日(星期日)

凌晨...毛毛今晚好不安，全晚由鐵籠(毛媽旁邊)瞓咗一陣...就轉到對面咕𠱸位瞓(毛爸旁邊)，成晩都喺睡房行來行去...今次係今晚第三次...唔知發生乜野事，毛毛係唔係唔舒服呢？

宜家安心嘅係毛毛冇乜特別嘅行為表現，亦都非常安静....。

實情我擔心嘅理由...夜晚我同毛媽都喺房瞓時候毛毛(除咗有鼻寒聲)會瞓得好安靜，一晚轉幾次場好少有，呢幾日毛毛做緊...照燈、按摩、食藥、禁玩、静養...嘅治療，唔知係唔係咁樣影響呢？或者我想多咗？

毛毛小朋友你究竟係唔係舒服呀？

毛毛病情好轉...令人憂心嘅毛毛

2014年6月23日（星期五）

毛毛病情好轉...應該係好安心，但...我完全冇呢種感覺...

一星期前⋯發覺日常清晨散歩毛毛開始唔願意行，情況惡化得好快，見過兩次醫生，做咗全面檢查⋯最後醫生加強藥效，毛毛情況有好轉。

毛毛由唔願步行、到行得好慢、由我領行、自動自覺向前行、由毛毛領行、搶繩周圍行⋯一直咁進步，令家人放下心頭大石。

但我同樣好擔心，毛毛病咗唔精神嗰陣...驚佢唔知邊度有事，到毛毛健康番百厭嗰陣...又驚佢整嚫出事...

雖然每日我都有可能遇到意想不到嘅事要面對......

我未必處理得好，但我會勇敢面對...

治療程序...令人憂心嘅毛毛

2017年6月22日（星期四）

醫生講毛毛照x光片嗰陣都唔能夠做出指定動作拍攝，咁係正明毛毛腰部非常刺痛...

目前毛毛急需減輕痛楚嘅壓力，最直接方法⋯加強止痛藥效、照燈、按摩⋯舒援現狀，星期日再覆診。

令家人安慰嘅...毛毛肯乖乖咁接受照燈同按摩治療...

進一步檢查...令人憂心嘅毛毛

2017年6月22日（星期四）

毛毛昨晚覆診⋯當時我建議醫生為毛毛做進一步檢查，照x光、抽血檢驗，等咗十五分鐘⋯有結果......

毛毛驗血數據所有指標正常，照片結果正實係毛毛腰椎突出問題復發，結果需然唔太意外⋯但足以令我全家都好憂心。

毛毛第一次受傷嗰陣醫生有講過呢種病會經常復發，但今次嘅過程令我震驚⋯由毛毛只係唔願意步行...兩三日間惡化到便便、尿尿動作都有困難，我想咗好耐都唔知毛毛喺邊度、幾時、唔知點樣受傷⋯防不勝防，家人都唔知點樣針對呢種病喺毛毛身上再度出現⋯感到無奈，可怕。

等檢驗報告...焦急...又擔心...

腰椎問題...舊病復發...

病情無好轉...令人憂心嘅毛毛

2017年6月21日（星期三）

治療第三日⋯毛毛嘅病情毫無進展，目前毛毛已經冇散步，落街只係便便同尿尿，落到街⋯步行援慢、尿尿第起腳、便便座低嘅動作⋯都好唔順(好似好辛苦咁)。

我去完街返屋企⋯毛毛唔再撲過嚟歡迎我，只會瞓喺地下望實我......

毛毛咁嘅表現令我懷疑⋯病情惡化。

唔知毛毛唔舒服或者痛到乜野情度...毛毛表現精神良好

診斷唔出毛毛什麼原因...令人憂心嘅毛毛

2017年6月19日(星期一)

毛毛小朋友兩日前開始行動有啲唔正常，步行得好慢、拱背、對玩玩具冇興趣、經常坐或者瞓地下。

6月18日(星期日)見咗醫生⋯最擔心嘅係⋯醫生都診斷唔出毛毛乜嘢原因，目前只有食藥觀察两日，還好嘅係毛毛仲肯食(早、晚餐、小食)，但⋯飲湯就冇興趣，好彩毛毛有位愛心工人姐姐照顧⋯

現時家人勁擔心。

辛苦妳照顧毛毛喇工人姐姐...

父親節快樂！

2017年6月18日（星期日）

祝天下偉大嘅父親⋯父親節快樂！

父親喺家庭入面永遠都帶住「鐡漢」嘅「面具」，今日應該暫時除下「面具」表現「柔情」嘅一面。

爸爸我愛你，父親節快樂！

祝各位父親節快樂！

不要抱抱！

2017年6月8日(星期四)

呢兩日帶毛毛落街散步發覺...毛毛都急急腳咁趕返屋企，我好明白因為氣溫高好熱影響。

但宜家仲有啲習慣因熱而改變，平日帶毛毛散步每到上、落摟梯级...毛毛都會坐定定等我抱佢行，呢排每每行到嗰啲地方毛毛左閃右被或者自己行上梯级唔使我抱佢。

有位婆婆行過見到就講：宜家咁熱，你又熱辣辣...狗仔更係唔俾你抱啦...

我即時想通咗...婆婆講得好啱。

毛毛好怕熱...

熱浪來襲

2016年6月7日（星期三）

呢幾日除咗清晨（五點幾六點）冇太陽嗰陣⋯毛毛會好乖好正經咁散步，正常咁便便尿尿。

到下晝（五點幾六點）⋯毛毛嘅行為有好大分別，幫佢裝身已經開始扭計，落到街唔肯行（有車坐就會好績極）因為太熱，連便便尿尿都秒速完成。

實在自己都感覺到地面氣溫好高好熱，真係難怪毛毛小朋友⋯⋯

散完步...毛毛返上車嘅行動最快，因為...有得歎冷氣...

氣溫保持喺 30～33度...熱到人都瘋狂，真係睇諒毛毛...