毛爸毛媽毛毛豬
你好嗎?好想寫低日常嘅生活點滴,開心、傷心、溫馨...做個實錄,作為日後寶貴嘅精神食糧...
2015年12月31日 星期四
除夕2015
2015
年
12
月
31
日
(
星期五
)
毛家祝願各位
…
新一年日日都開開心心、願望成真。
今日係
2015
年最後一日,有好多人(包括我自己)都當今日係生活上一個段落,一年中嘅開心、傷心事今日之後就會成為過去,今年自己付出好多,得到就平平常常,寄望
2016
年
…
事事順心、生活得更精彩。
新年快樂!
2015年12月28日 星期一
半點不由人
2015年12月28日(星期一)
噚日放假⋯重要活動安排⋯帶毛媽、毛毛出去玩、行山,出門嗰陣天色己經好灰,去到西灣湖廣場開始雨粉粉,只係行咗一陣雨勢越來越大⋯我哋都濕晒衫,毛毛就全身都布滿小水珠⋯十分可愛。
最後都係決定返屋企,當你有時間、家人又放假、你又有心陪家人嘅時候⋯天真係識開玩笑⋯呢個時候就落雨,你會由於天氣惡劣而取消活動⋯令家人失望⋯難過。
雖然雨粉粉...毛媽、毛毛都勇往直前...
最後都係返屋企...又要等下次放假喇...
2015年12月27日 星期日
德絲傳來短信⋯好消息
2015年12月27日
2015年12月22日(星期二)今朝一早收到德絲好高興傳來嘅短信⋯話兩日冇大便嘅毛毛今朝喺騎樓便便咗,我有聽醫生講過狗狗正常下三日先有便便對於過別嘅狗狗可能有影響,但身體健康嘅狗狗就影響不大⋯唔需要太擔心。
我估德絲覺得我哋勁錫毛毛⋯當我哋出門旅行⋯佢要照顧好毛毛係一種工作壓力,實情⋯當我哋出門旅行毛毛都經常遇到咁嘅情況⋯我哋需然會有擔心⋯但我哋已經成為習慣。
有時百厭星毛毛帶俾人哋咁麻煩...自己都覺得唔好意思,但...係冇辦法...
呢個時候毛媽就麻怨我...平日縱壞毛仔...
冬日聖誕村聖誕花卉展
2015年12月27日(星期日)
2015年12月19日(星期六)今日開始放假⋯一早日帶毛毛去散步,心想到龍環葡韻走走(因為星星公園有一條好長嘅木橋申入樹林毛毛唔使行草地),但⋯有驚喜嘅發現,原來公園有花卉展覽⋯而且場地設計非常有聖誕氣氛⋯好靚,好可惜我冇帶架生(單鏡反光大機),不過都忍唔住用手機影咗好多相,當我好忙碌咁影緊相⋯毛毛就興奮搶繩周圍走亦都好忙碌咁狂吠管理員哥哥,好有禮貌嘅管理員哥哥話俾我知公園每日下午3:00~10:00場地會開動彩燈場面會更加靚,睇嚟⋯我要旁晚再來多一次⋯
呢個花展分成兩個部份...第一部份花展...(日頭)
主角聖誕樹...
第二主角聖誕花環...
特大聖誕裝飾...
特別嘅聖誕樹...
聖誕村
充滿童話味道...
人人都鍾意嘅禮物巴士...
2015年12月26日 星期六
未開通的單車徑
2015年12月27日(星期日)
2015年12月19日(星期六)每日返工駕車行經西環橋氹仔路段海旁⋯見擴展工程在進行,原來工程係將單車徑接駁到嘉樂比大橋頭,澳門政府都好配合近年嘅單車熱潮將氹仔海邊休閒區擴展⋯要讚,今朝帶毛毛由西環橋頭行到嘉樂比橋頭轉折㸃⋯路面工程有80%完成,開始鋪設「立青」、安裝路燈⋯相信好快就會開通,到時單車友又多一個敘腳選擇點⋯
毛爸:嚫單車徑未開通帶毛毛行番轉...
泰悠行⋯機場安撿
2012年12月26日(星期六)
2015年年12月19日(星期六)由於恐怖襲擊影響泰國對旅客安檢明顯加強,但估唔到係由澳門機場開始,每位旅客需要到特別櫃位核對性名⋯以防你係恐怖份子或黑名單,再到另一個櫃位辦理託運行李及登機手續⋯十分花時。
到泰國入境⋯核對身份及安檢足足要排隊等50分鐘,而曼谷境內所有地鐵站、百貨公司⋯都設有檢查站,警察用金屬探測器⋯檢查旅客嘅背包,需然為旅客帶來麻煩及緊張⋯但呢種情況都被市內濃厚嘅聖誕節日氣氛打破⋯
喺澳門機場辦登記同託運行李...要排兩次隊...
曼谷商業區聖誕節日氣氛濃厚...令大家情緒高漲...聖誕快樂呀!
泰悠行⋯4D電影
2015年12月26日(星期六)
2015年12月21日(星期一)清晨嘅曼谷一樣十分熱鬧...
今日我哋同小姨分成兩隊本來各自安排節目,但興之所至大家讚成一齊睇電影,有人覺得旅行時花135分鐘睇戲係浪費咗行街買野嘅時間,我自己就認為好難得大家目標一致⋯係值得。
套電影「星球大戰」系列"原力覺醒"4D版,估唔到喺曼谷只需要 HK $ 108 就可以享受4D電影嘅震撼⋯大家都高叫"好好睇、刺激到好似坐過山車咁、正、好過引"同場嘅外籍人士仲拍爛手掌,結果更估唔到嘅係太太同姨甥女都異口同聲話"我哋要睇番「星球大戰」系列⋯"
今日壓軸睇夜景⋯
入場前影番張相...
除咗家人仲有佢哋陪睇戲...
開場喇...
曼谷早晨...
大商場到處都有小象展覽...
揪象
好靚嘅夜景...
精彩...
2015年12月25日 星期五
毛毛令家務助理好緊張
2015年12月26日(星期六)
2015年12月21日(星期一)每次出門都遇到同一難提⋯搵識照顧毛毛嘅家庸,今次搵到之前照顧過毛毛嘅家庸德絲幫手,德絲做事要求完美、有文有路⋯毛毛都好鍾意佢。
毛毛呢兩日冇去便便令德絲大為緊張,每日都發幾個短信報告毛毛情況,實情⋯應該係呢毛毛幾日冇落街散步唔習慣喺屋企便便。
另一個問題我哋喺視象畫面見到毛毛冇晒心幾⋯令毛媽有啲擔心。
毛爸:聽德絲講...毛毛就算瞓覺都望住大門口,毛毛應該好掛住毛媽...
泰悠行…3D博物館
2015年12月25日(星期五)
2015年12月20日(星期日)今日節目安排⋯除咗「馬殺雞」之外就去行街、喪拼、去3D博物館⋯。
3D博物館⋯由酒店去到目的地交通唔算覆雜⋯3D博物館喺商場頂樓,館嘅入口非常簡陋令大家強差人意同有啲失望。但館內環境潔淨3D畫令人有驚喜,大家玩自拍、個拍、隊拍、狂拍、玩到癲⋯非常開心高興。
世事就係咁奇怪⋯平凡簡單嘅事往往令人得到最大嘅滿足,今次嘅得著我要銘記。
太太去喪拼...
姨甥女表情十足十分可愛...
太太去探險...
我頂唔順喇...
反思
自由了....
終於見到你喇...
飛行...
終於可以上封面之~年度最佳攝影C
年度最佳太太
走先...
2015年12月24日 星期四
聖誕快樂!2015
2015年12月25日(星期五)
聖誕快樂!毛家祝願各位親友、朋友⋯聖誕節快樂幸福⋯
每年嘅12月25日聖誕節係普天同慶嘅日子⋯無論幾忙碌嘅人都應該放下手上嘅工作與家人、愛人、老友、朋友⋯一齊共渡享受歡樂美好嘅佳節。
聖誕快樂!
泰悠行⋯安全到步,曼谷你好!
2015年12月24日(星期四)
2015年12月19日(星期六)兩個多小時嘅飛行⋯我哋終於到達曼谷,由於入境安撿、交通擠塞、入住房間、兌換泰幣⋯等等問題擔誤好多時間,舟車勞頓...需然第一時間到商場搵野食⋯但都己經旁晚七點幾,今晚大家狂食地道菜、甜品、水果⋯非常滿足咁返回酒店。
今次旅行有小姨及小姨甥女同行,感覺姨甥女大得好快⋯見佢亭亭玉立⋯令我安慰,更開心嘅係改善咗同姨甥女嘅關係,BB嗰陣佢係極度唔願俾我抱抱,現在⋯關係好到攬頭攬頸,信任同親情比一切都珍貴。
我同姨甥女玩得好投入開心...
兩個小時飛行途中班機曾遇氣流...
呢個飛機餐...味道唔錯...可惜食唔飽...
泰悠行⋯終於有時間執筆
2015年12月24月(星期四)
2015年12月19日(星期六)由夏天開始嘅工程工作又忙又辛苦⋯我終於可以放低工作陪伴家人(老闆批我6日假)去旅行充吓電。
好多人都會咁諗⋯等自己放假就將自己所有時間都用在陪家人,但經驗話我知⋯當自己有時間家人未必得閒,往往在錯誤時間浪費好多機會,或者我應該學習點樣平日都把握所有機會⋯
毛爸:唯一唔放心嘅...就係留低毛毛喺屋企...
2015年12月23日 星期三
平安夜、聖善夜⋯2015
2015年12月24日(星期四)
每年嘅平安夜⋯自己都有同一個心願⋯祝福家人平安幸福、健康快樂,祝願朋友們事事順心...而你嘅心願係乜野?
祝福大家平安夜⋯平平安安、健康幸福、平安夜快樂!
平安夜
毛家祝各位...平安夜...平平安安、快快樂樂...
2015年12月15日 星期二
得來不易
2015年12月16日(星期
三
)
2015銀河娛樂國際馬拉松完滿結束,本界由於增加名額所以比往年更熱鬧,新賽道未能疏導人流⋯好多跑手麻怨影響成績。
今年跑得非常辛苦⋯相信係準備不足、疏於練習,太太雖然陪跑⋯成績都唔錯保持水準,今年有意外驚喜⋯喺跑場見番啲前同事豐仔丶小豬、安東⋯令我感到意外同開心⋯到曲終人散⋯又要等一年⋯下年再見。
今年成績單...仲有好多進步空間
跑「迷馬」都人山人海...
跑完有蕉食...
得來不易...下年要努力啲...
2015年12月5日 星期六
毛毛心聲...我都要去跑
2015年12月6日(星期日)
今早⋯凌晨四點幾毛爸毛媽就起床⋯準備出門去比賽跑「迷馬」,其實我都好想參加陪毛媽跑⋯可惜未有馬拉松賽事係俾家長同狗狗一齊報名參加。
講開又講幾年前毛爸為咗跑馬拉松⋯經常同毛媽(媽咪強烈反對毛爸跑馬拉松)有意見仲時時鬧大交,但今時今日毛媽居然陪毛爸一齊跑,真係令我毛毛難以理解…
毛
毛:我都要去參加跑馬拉松...
長跑準備...2015澳門銀河娛樂國際馬拉松
20年12月5日(星期六)
一年一度體育界盛事銀河娛樂馬拉松⋯明天清晨六點開。
今年雖然增加咗名額到八千名⋯但都係好難報名,賽道大會安排跑經「澳門世遺」,今年要面對惡劣天氣⋯落雨同低溫,呢種環境對跑手係一個挑戰,今年我同太太一齊報名參加⋯我哋已經準備好接受挑戰⋯
今日排隊攞號碼布同晶片帶非常順利...
2015年12月4日 星期五
怪獸家長
2015年12月4日(星期五)
我個人對「怪獸家長」嘅理解⋯係一類對子女過分關心、樣樣事都要求子女做到一百零一分嘅父母。
有好多養狗狗嘅人士都係有啲咁嘅心態⋯我本人都係咁,近日毛毛經常搞破壞、搞搞震,為家人帶來煩惱。
好多時都希望毛毛唔好咁百厭⋯乖乖哋靜靜咁坐喺度。今早⋯毛毛好乖自己坐喺梳化度⋯但見到咁⋯自己就好擔心仲亂咁想⋯毛毛係唔係唔舒服...
毛爸:毛毛靜起上嚟...令家人擔心佢...
2015年12月3日 星期四
長跑準備...我賽前最後一次練習
2015年12月3日(星期四)
今日進行一次輕鬆嘅練習(拉根、鬆弛肌肉),過去嘅幾個月因工程工作關係十分透支體力(花好多時間休息),所以平日減少操練⋯主要集中操練踩單車(練氣),來緊嘅星期日就係銀河娛樂國際馬拉松比賽嘅日子⋯我會盡最大能力完成比賽⋯享受跑步嘅樂趣。
同我密不可分嘅拍
檔...戰鞋
較新的文章
較舊的文章
首頁
訂閱:
文章 (Atom)