毛爸毛媽毛毛豬: 1月 2017

2017年1月31日星期二

毛毛大腿內側出現紅點粒粒

2017年1月31日（星期二）

上星期⋯毛毛散完步返屋企之後⋯毛毛就開始經常Lam後腳⋯仲Lam到又紅又濕，經檢查後發現右後腳內側有幾粒紅點。

日常家人照顧毛毛都好小心乾淨，點解？即時有好多疑問⋯心想喺邊度感染？幾時開始？由於當時適逢係年假⋯

毛媽唯有幫毛毛搽藥治療，經過幾日⋯紅點已經消退，但皮膚表面仲有小水泡，雖然一直好轉⋯但我哋都係好擔心。

毛毛皮膚自小就擴敏能力好差，曾經有一次患皮膚病擴散到全身，治療咗一段慢長嘅時間...

2017年1月30日星期一

雞年大年初四⋯開工大吉

2017年1月31日（星期二）

年假嗰幾日⋯玩、食、Hea到過晒位，而家⋯⋯要開工喇！

假期又放完、錢又洗晒、天氣又唔好，影響到精神唔好，咁⋯好唔想返工。有人講過...以上情況就叫做「年初四咁嘅樣」。

我哋打工仔手停口停，但願大家都唔係「年初四咁嘅樣」⋯⋯

祝大家，開工大吉、事事如意、出入平安、恭喜發財⋯

Coffee：祝各位工友，龍馬精神、工作順利...

家務助理⋯維珍

2017年1月31日（星期二）

原來嘅家務助理（以下簡稱工人）因移民美國而請辭，臨走前介紹同鄕＂維珍＂來見工。

更換工人對於我家嚟講係一件重要嘅大事，因為要花一段時間去觀察工人識唔識照顧狗狗（簡單要認識狗狗唔可以食嘅食物），毛毛係唔係喜歡個工人（一般狗狗對你有好感就會聽你指令），仲有工作表現同信任（我哋簡單要求地方清潔、細心照顧同愛錫，毛毛）。

目前＂維珍＂表現⋯工作緊張但細心（做野慢咗少少），性格開朗，好錫毛毛（毛毛好鍾意佢），唯一問題⋯有時候工作都幾大頭蝦（大意）⋯⋯有改善空間。

維珍、毛毛

雞年大年初三⋯赤口

2017年1月30日（星期一）

大年初三⋯赤口⋯祝大家吉星高照、財源廣進⋯

今朝一開電視⋯新聞報導員就講：今日係大年初三「赤口」唔適宜拜年，最好係去廟上香拜神。

每年嘅大年初三長輩都會咁同我講：後生仔「少說話多做事」咁先衿勞咖⋯實情呢番說話可止喺大年初三「赤口」要記住，我想講應該以後都要將「少說話多做事」當成自己嘅座右銘。

花開富貴、恭喜發財...

2017年1月29日星期日

雞年大年初二...吉祥如意

2017年1月29日（星期日）

大年初二⋯我向大家拜年⋯恭祝各位⋯五福臨門、龍馬精神⋯⋯

以往習慣上屋企開年就係喺大年初二，今年大年初二由於勁忙⋯幫毛毛洗白白、超市入貨、阿女又聽日先上嚟屋企拜年⋯⋯所以改咗明天先開年。

長輩講：開年開年⋯即係新一年嘅新開始，大家一齊食好啲、開心啲⋯⋯

寓意係祝願大家新一年⋯豐衣足食、萬事如意、恭喜！

祝大家：衣食無憂、吉祥如意、恭喜...

參加聯賽

2017年1月29日（星期日）

有朋友提議我參加聯賽⋯但路程會長啲 (全程約 7 K )。

我一直都堅持一個信念就係⋯「操練唔係為咗比賽」而係為咗更遠嘅目標⋯「身體健康」...

專家建議人年紀越大越要做運動，運動會令肌肉同骨骼都強化，等身體機能有力量，更能令身體衰老得慢啲，而現今社會資訊科技發達嘅年代，樣樣都話靠科學，所以年紀大嘅人士對於運動操練意識越來越薄弱⋯⋯

健康無價...好多人都知，但好少人重視...

2017年1月28日星期六

世界女Coffee

2017年1月29日（星期日）

大年初一⋯家務助理放假，阿妹又過香港拜年，咁Coffee就獨自留喺屋企。

有人形容一個人⋯看風駛利、擦鞋奉承就叫做「世界仔」，而Coffee小朋友就係表表者。

平日去探望Coffee，只係行出電梯仲未去到大門口，就聽到Coffee狂吠。

噚晚Coffee除咗冇吠我之外仲俾我抱抱，原來係⋯佢要人陪伴同好肚餓，到家務助理返到屋企之後⋯Coffee態度大轉變，除咗行近我來食零食之外，唔要我抱抱仲狂吠我同咬傷我，Coffee小朋友真係⋯超級公主。

Coffee：舅父，我好肚餓呀！你識做啦，雞肉碎，有機嗰隻...唔該...

毛爸：唔～

Coffee：最多俾你抱抱喇...

Coffee：我食飽喇！舅父，你冇得留低...你走先啦...

毛爸：唔～

春雨

2017年1月29日（星期日）

農曆新年期間⋯斷斷續續咁落咗幾場雨，令安排好嘅節目要更改，今早5：45分帶毛毛落街散步就開始微微細雨⋯一直咁落不停。

落雨雖然係自然現象...但對於某啲人、某啲行業都有影響...

新年期間落雨令經營「春節懪竹檔」嘅人士血本無歸，節日食市休息加上落雨令「浪浪」們搵食更艱難，唯一好處就係毛毛鍾意雨中散步⋯玩到頭頂滿布水珠、全身濕透都唔肯返屋企⋯⋯

落雨...總係令到某啲人帶嚟煩惱...

2017年1月27日星期五

雞年大年初一⋯福到！

2017年1月28日（星期六）

今日係大年初一...毛家向大家拜年...

祝大家⋯迎春接福、萬事如意、五福臨門、恭喜發財！

祝大家...雞年行運、多福多壽...恭喜恭喜

恭賀新禧、恭喜發財⋯（雞年）

2017年1月27日（星期五）

爆竹一聲除舊歳⋯⋯送猴迎雞⋯⋯

喺中國古代「雞」被稱之為「德禽」守時、清高⋯有著鳯凰嘅型態⋯⋯

毛家祝大家，雞年吉祥、萬事如意、新年快樂、恭喜發財⋯⋯

2017年1月25日星期三

我寶貝女的生日

2017年1月25日（星期三）

一月十四日係我寶貝嘅生日⋯印象中只有出世到三歲嗰陣開過生日會一齊慶祝。

之後嗰十年係喺我工作嘅地方祝福囡囡生日快樂咁度過（都唔知當時自己點解咁忙）⋯再之後嗰十年囡囡多數都同朋友去慶祝咁度過（我係唔想阻住啲後生仔女開心慶祝），雖然一直都好掛著囡囡，自己都係忍住⋯唔希望打亂阿女嘅生活節奏。

到自己年紀大⋯先醒覺無論幾咁愛錫阿女⋯下一世都唔會再見...

更明白 "愛"係要行動表示，文文我愛妳，生日快樂！

阿女，祝妳生日快樂、幸福安康...

希望妳每個生日我都同妳慶祝，我愛妳，生日快樂！

2017年1月24日星期二

毛毛又再生事⋯

2017年1月24日（星期一）

今日清晨⋯帶著毛毛喺暗黑嘅街度上散步⋯毛毛亦都好乖咁喺樹旁邊尿尿...

忽然間街角有位阿叔向住我同毛毛嘅方向急行半跑方式跑過，由於環境昏暗⋯毛毛抬頭就衝過去狂吠，連我都驚一驚⋯位阿叔仲驚⋯驚到貼埋牆邊表情驚恐（我估佢應該好怕狗諗住急急腳被開我哋），跟著阿叔由好驚變得好嬲⋯好想爆粗，我即時向阿叔連聲不斷咁道歉同時指令毛毛坐低，當時阿叔好委屈咁講：唔緊要，冇事冇事，有得佢喇⋯。就行開咗⋯

其實咁嘅情況⋯同家長嘅態度好有關係，好多家長只會怪罪個小朋友，忽略向當時人道歉。

毛毛惡起上嚟都好得人驚...

2017年1月22日星期日

太太承繼咗母親嘅習慣...年晚蒸年糕，太太强項係蒸蘿蔔糕，呢兩日太太都忙著蒸糕，身為毛家一份子嘅毛毛梗係即極幫手，由於太投入變成搞搞震，雖然搞到毛媽好勞氣，咁變相屋企好熱鬧好有新年氣昏。

細個嗰陣近過年嘅日子...母親就會好忙嘅準備蒸煮年糕同芋頭糕。母親嘅蒸糕強項係芋頭糕，準備同工序都好花時間，材料...芋頭，一早要買定仲要風乾幾日、肥豬肉，要半肥瘦、一半要新鮮一半要鹽滷，蒸出嚟嘅糕...芋頭鬆化豬肉咸香非常好味飽肚...呢種味道一世難忘。

薑汁年糕

蘿蔔糕

毛毛小朋友俾毛媽鬧唔係幫手係搞搞震...

鴻運當頭、年年有餘、荷包滿滿⋯⋯

2017年1月22日（星期日）

喺呢度向各位十月之星嘅老友拜個早年⋯

恭賀新禧、鴻運當頭、年年有餘、步步高陞、萬事如意、恭喜發財...

車厘子⋯紅如寶石、美麗如瑪瑙⋯⋯

有人講車里子好似紅寶石，作為賀年禮品寓意⋯鴻運當頭、寶石滿屋⋯⋯

鮑魚⋯傳統名貴食材⋯⋯有人講鮑魚係海珍品......

好多人將佢係為賀年禮品寓意⋯荷包滿滿、年年有餘⋯⋯

今個新年收到老友蘭茜同湯太送嚟嘅寶石、鮑魚做新年禮物，新年真係大豐收同驚喜，好多謝各位老友⋯感動、感謝。

老友送給我家的新年禮物，祝各位新年快樂...

2017年1月8日星期日

行山發生的小事

2017年1月8日（星期日）

經過噚日一整日嘅忙碌⋯今早自己瞓過龍⋯唯有放棄踩單車操練改陪伴家人行山晨運。

途中發生咗毛毛吠人事件，實情⋯有名人士環山跑⋯從毛毛後方趕上毛毛，而毛毛以為我哋受到威脅作出自然反應⋯狂吠同飛撲嗰位跑步者，毛毛突然嘅舉動除咗嚇嚫在場人士之外仲差啲令該名跑者跌倒。

其實毛毛喺街外係唔應該有咁嘅行為反應，咁係唔多正常⋯我哋做家長嘅要正視同檢討⋯⋯

我哋毛毛小朋友只係自然反應，好對唔住...請嗰位跑步人士多多包容...多謝。

2017年1月5日星期四

不老的騎士

2017年1月5日（星期四）

今日喺電視體育新聞睇到一則報導，一位法國人105歳嘅老伯伯馬爾尚喺室內單車場內踩單車以1小時內...踩咗 22．547公里（92圈）創咗一百歳以上人士室內踩單車嘅世界紀錄，完成之後馬爾尚伯伯仲話冇出現肌肉酸痛現象⋯真係要封佢做 "車神"。

回望自己...仲未到退休年齡、踩23公里要個幾鐘仲要踩得好吃力、踩完仲會週身骨痛⋯認真羞家仲好失禮。