和風瑞氣貫南西，海南、西藏春節習俗展

2014年2月1日（星期六）

每年總有幾次去盧九花園（原名：盧廉若公園）蘭花展影相，由於花展場地未到開放時間⋯

我行咗去春草堂睇民族文化展覽。今次名為"和風⋯"展覽非常精彩，除咗品種多之外仲好有特式⋯

毛爸 : 場內布置有濃濃嘅民族特色...

毛爸 : 鬼斧神工嘅工藝技術...

毛爸 : 藏族...黃金小神龕...

毛爸 : 藏族家家戶戶屋內供奉嘅佛龕...

毛爸 : 藏族民族服飾...

毛爸 : 禮佛貢品...

毛爸 : 非常有代表性嘅藏族〝羌姆舞服飾〞

毛爸 : 會場入口嘅 3D 布景...

花開富貴，大年初二

2014年2月1日（星期六）

恭喜！恭喜！今日係大年初二，祝各位：花開富貴、財運亨通、金玉滿堂、豐衣足食⋯

屋企啲年花已經全部開晒(花婆講因為天氣暖咗)，喺正新年嗰幾日好似較正時間咁⋯好意頭又應節。

真係要讃吓花婆，今年啲水仙花好特別，一個水仙頭有九昌，一昌有九朵花，一個盤有三個水仙頭，屋企擺咗兩盤⋯滿屋花香⋯

毛爸 : 長輩講...(水)仙花盛開大富大貴...係好意頭...

毛爸 : 阿妹送俾我哋嘅蘭花...

毛爸 : 屋企唔可以少嘅 "風信子"花...

毛爸 : 朵蘭花似荷包腫脹...寓意 : 財富滿荷包...

澳門觀音堂（原名：普濟禪院）

2014年1月31日（星期五）

屋企供奉觀音菩薩，母親大人係觀音菩薩信徒⋯我由細路仔開始跟住媽媽每年嘅大年初一⋯無論睛雨⋯都會去觀音堂上香添香油其求家宅平安、家人身體健康。

每年大年初一都非常熱鬧善信眾多香火旺盛⋯根本冇辦法停下腳步細心周圍睇⋯今日有機會隨手攞起部相機影咗啲有關嘅相⋯

毛爸 : 禪院正門...入面係正殿第一進大雄寶殿...

毛爸 : 第二進係長壽殿...

毛爸 : 站立喺大門後面嘅兩位大將軍...

毛爸 : 正門入口屏封上嘅掛畫...你行去邊個方向畫中人都微笑咁望實你...神奇

毛爸 : 善信們上嘅塔香...聽主持講一磚塔香可以點一個月...

毛爸 : 上咗香梗係買個 "風車"返屋企啦...寓意帶 "福"返歸，馬年順風順水事事順利...

恭賀新禧、龍馬精神、恭喜發財

2012年1月31日（星期五）

恭喜！恭喜！今日係大年初一，毛家向各位長輩、親戚、女兒、老友、好友、損友、朋友、小朋友⋯拜年...

祝各位：馬年行運、龍馬精神、萬事亨通、如意吉祥、平安幸福⋯

祝長輩老當益壯，祝親戚豐衣足食，祝女兒笑口常開，祝老友事事如意，祝好友心想事成，祝損友夜夜笙歌，祝朋友身體健康，祝小朋友開心快樂、乖巧聰明⋯

恭喜！恭喜！

毛毛 : 毛毛代表毛爸毛媽祝各位，馬年行運、笑口常開...

毛爸 : 祝各位，步步高陞、恭喜發財...

毛媽 : 祝各位，花開富貴、青春永駐...

賣懶、賣懶⋯賣到年三十晚

2014年1月30日（星期四）

我由轉工嗰年開始⋯已經好幾年嘅農曆年三十帶毛毛出去遠啲嘅地方行圈「賣懶」。

年三十晚「賣懶」係古時流傳民間嘅一種習俗，啲長輩到年三十晚食飽年夜飯⋯就會唱呢首古老童謠⋯賣懶、賣懶⋯賣到年三十晚，人懶我唔懶。寓意⋯希望小朋友新一年勤奮努力。

你哋呢？去咗賣懶未？

毛毛 : 毛爸，我哋咁求其行個圈就賣晒我啲「懶惰」？咁神奇...

毛爸 : 毛毛小朋友你識乜野丫...

毛毛 : 嘩 ~ 使唔使行啲咁吉腳嘅路呀？毛爸...

毛爸 : 毛毛，重點係我陪你一齊行....

毛毛 : 唔明白...

毛爸 : 睇你咁百厭、咁沙陳、咁飛仔...你點會明丫...

毛毛心聲…年糕

2014年1月30日（星期四）

噚晚⋯媽咪好晏先返嚟屋企，仲拎住一盒好靚嘅禮物俾我。

嘩～嘩～原來係一盒狗狗賀年食品雜錦禮盒，嘩～入面有年糕、角仔、小食⋯呢個新年真係肥仔囉。

呢份禮盒係媽咪同事Amanda姐姐送俾我過年咖，我咁大個仔過年食年糕都係第一次。

係呢度毛毛向姐姐講多謝順便同姐姐拜個早年⋯

多謝Amanda姐姐，祝姐姐龍馬精神、步步高陞、如意吉祥、心想事成、恭喜發財⋯

毛毛 : 份禮物係唔係好靚呢？多謝Amanda姐姐...

毛毛 : 盒入面仲正呀...嘩~肥仔喇...

毛毛 : 睇我咁開心...就估到我幾咁鍾意份禮物啦...流晒口水添...

單車日誌⋯追日

2014年1月29日（星期三）

前日操練咗一課之後⋯醫生嘅意見⋯現時仲未係回復正常操練嘅時候⋯熱熱身還可。

所以噚日執齊影相「架生」同檢查好部單車⋯出去影相順便熱身，踩到單車徑見到好靚嘅日落景⋯就落車影相，經驗話俾我知太陽落山⋯陽光一路減弱⋯就會浮現咸蛋黃形態⋯非常美麗，而自己亦不知不覺追住太陽影相不停咁向前踩⋯

毛爸 : 有時為影一張相...行為失控...

毛爸 : 原來自己不停咁踩咗10公里...追日...咁樣熱身？覺得自己過份攞...

令我狂喜嘅新年禮物

2014年1月29日（星期三）

由後生嗰陣迷上跑步開始⋯就渴望有對名牌好勁嘅「跑步鞋」，求學嗰陣時⋯屋企好窮，經濟上只可以買「白飯魚鞋」「國產籃球鞋」做訓練同出賽鞋（而同期啲朋友仔都著 "三間 " "飄馬 " "啲亞多嗱 "⋯）令我羨慕又妒忌。

二十幾年前⋯經朋友介紹⋯有隻牌子嘅跑鞋鞋頭特別闊⋯由嗰陣開始就迷上⋯人叫「總統跑鞋嘅New Balance」，現時我雍有3對鞋⋯一對訓練、一對出賽、一對開工都係New Balance，有小小不足係⋯少咗一對出去威嘅鞋⋯

今次太太送呢份禮物就啱啱好砌成一個圓美嘅New Baiance陣容，太太多謝妳呀！我愛妳！

毛爸 : 呢對美國版鞋，太太特別由美國訂貨...仲要向對方聲明要喺農曆新年前交貨...

毛爸 : 多謝多謝...呢對1300極品...貴野黎咖....

唔好低估毛毛嘅醒目表現

2014年1月28日（星期二）

由於多咗時間喺屋企休息⋯亦多咗時間入廚房煮餐俾屋企人食。

每次煮餐毛毛都入嚟幫手（搞搞震)，但一到我切生果時間⋯毛毛就會自動退出廚房喺門口等食。

仲發現毛毛每次去騎樓尿尿嗰陣都會望實我哋，佢眼神流露出同我哋講：毛爸毛媽你哋睇我喺騎樓尿尿呀！（咁喺有得獎勵咖）。

真係要俾個＂叻＂毛毛，喺我哋呢個爭表現、爭注意、爭出位模式嘅社會⋯毛毛表現出眾。

毛爸 : 毛毛，出去，唔好阻住我煮餐...

毛毛 : 我入黎幫手播...有冇「著數」先...

毛毛 : 毛爸，你係唔係切生果呀？...咁我唔阻你...我喺門口等你吓...快啲喎...

毛爸 : 真係估你唔倒...咁醒目仔...唔獎你都唔得啦...乖仔...

車子日誌…試操一課

2014年1月28日（星期二）

經過半個月嘅休息⋯肋骨傷痛有明顯改善，噚日開始回復操練。

雖然話輕鬆踩車，可能停咗操練好耐狀態跌落底谷⋯到最尾都係出＂三力＂（一開始靠體力，跟住靠毅力，最後靠意志力）先完成30公里。

身體反應⋯肋骨有小小痛（醫生話咁係＂正常＂）而唔係之前咁劇痛（醫生話咁係＂勁好消息＂）。

醫生叮祝：最好係運動量要少同要輕輕鬆鬆。

毛爸 : 好多謝醫生嘅溫馨提示...

去水塘晨運（澳門天空之鏡)

2014年1月26日（星期日）

今朝七點幾⋯帶咗毛媽同毛毛去水塘晨運，聽過小姨講以前經常帶＂夢娜＂同＂麗沙＂去水塘散步，仲話嗰度環境唔錯。

今次係我哋第一次去⋯環境比想像嘅好，周圍好亁淨，成條步行徑都有好多健身器材俾大衆玩，有好多長木凳俾大衆坐低休息⋯有公公婆婆散步、有後生仔女跑步、有大狗小狗散步⋯但人數唔多（可能時間還早），周圍憂閒清靜⋯毛媽非常鍾意。

風景⋯就係由水塘方向望出海⋯靚絕⋯有「天空之鏡」咁嘅感覺⋯

毛毛 : 各位朋友...早晨呀~

毛爸 : 水塘步行徑都幾大吓喎...

毛毛 : 媽咪，我哋等埋毛爸啦...毛爸行得慢...龜速...

毛爸 : 衰仔，笑我...係喇係喇...你威喇...

毛毛 : 毛爸，行快啲啦...我唔等你咖...

毛爸 : 風景超靚...

毛爸 : 路邊有好多凳...

毛爸 : 毛毛小朋友好叻...識「敬老」，係都要坐低等我...

毛爸 : 冬天嘅標誌...紅葉...

出去影日出

2014年1月25日（星期六）

由於傷患未好⋯只好休息，今朝突然好想出去影日出⋯咁...就執好「架生」出發。

講起上嚟都好奇怪⋯我停咗操練一排(唔使晨早出去)，連毛毛都瞓到好晏先起床。

今朝多雲影日出就令人有啲失望⋯

毛爸 : 太陽俾啲雲擋住咗...

毛爸 : 揾啲陽光睇吓都冇...

毛爸 : 等咗好耐先有少少紅光...

毛爸 : 大家唔好吳會我操練呀...我踩單車...係要方便我隨時停低影相咋...

做零食嘅「乾果機」

2014年1月25日（星期六）

好耐之前喺「某寵物店」買咗一部乾果機⋯做「肉乾」俾毛毛做零食，但部機用咗幾次之後就壞咗⋯攞去維修⋯整成個月先攞番部機⋯再用咗兩次就出煙，從始...毛毛就冇自家制「肉乾」食。

由於可能會對家人做成危險，所以對呢種機嘅安全程度失去信心⋯直至見到呢隻比較有名嘅牌子⋯當時唔使考慮即刻就買咗一部。

毛爸 : 自家制肉乾工廠好快就開正喇...為食毛一定會好開心...

毛毛 : 等我去瞓定覺先...瞓醒就有「肉乾」食喇...哈哈哈...

毛媽 : 阿仔你咁都得？...

香港123反虐日

2014年1月23日（星期四)

毛家撐香港123反虐日。

電視有專題報道⋯啲動物點樣俾啲無良嘅人虐待⋯最後無良嘅人受到法律制裁。

點解類人對其他動物都會有侵略性嘅行為呢？而且用嘅方法可怕震驚，作為高等生物嘅人類有冇問吓自己知解？

你可以選擇唔愛佢地，你可以選擇唔傷害佢地嗎？生命極可貴、請專重生命...

支持「香港123反虐日」。

毛家 : 請專重寶貴生命...

毛毛 : 我愛你哋...

毛毛又到滴蚤水的日子

2014年1月22日（星期三）

自從毛毛轉用天然蚤水之後⋯一到滴蚤水日子屋企人人戰戰驚驚...

毛毛自己滴完藥之後就會喺梳化典嚟典去半粒鐘，毛媽就要鋪定張大毛巾喺梳化防止毛毛整污糟，我就俾蚤水嗰陣極濃嘅天然「香茅」味攻鼻到成晚都瞓唔着（毛毛係瞓喺我格離，啲味要成晚先散晒咖）...

呢兩日屋企冇人主動去抱毛毛，毛毛就陰功喇⋯變咗隻好大陣香茅味嘅可憐豬⋯

毛爸 : 其實見毛毛咁...我係好擔心咖...唔知係"哪"皮膚丫？定係氣咪攻鼻呢？

為毛仔好真係要梗頂...忍耐吓啦...阿仔...

團年飯又叫年夜飯

2014年1月21日（星期二）

團年飯⋯係中國唐人文化習俗嘅一餐「晚飯」，平日一家人各有各忙或者身處外地嘅家人⋯喺年尾必然會聚首一堂，食一餐晚飯，目的係「團聚」預意係「一家人齊平安」。

好感恩今年人齊⋯呢餐晚飯唔係乜野珍饈百味，但好有濃郁嘅親情味道，而令我高興嘅⋯大家由開席食到散席由其係老媽同小朋友⋯

毛爸 : 自古我哋中國人己經識得...一家人齊簡單食一餐飯係幸福嘅事...

仲將呢樣傳統一直流傳...