2014年1月14日（星期二）
肋骨嘅痛感持續咗一段時間⋯時好時壞⋯仲引發腰部、手臂痛，除咗影響睡眠、操練、仲影響工作。
今日太太幫我約時間見骨專科醫生...
萬醫生幫我檢查到肋骨某個部位⋯有度特別痛，醫生建議我照X光片作長細診斷⋯結果⋯我有條肋骨有裂痕（簡單啲講肋骨斷咗）⋯
我差啲暈低 咁問 : 嘩～咁大件事？
醫生：唔使咁緊張⋯會好番嘅⋯由於嗰個部位唔可以固定治療⋯所以就需要啲時間先完全復原⋯大約四星期左右。其他部位嘅問題係因為你肋骨痛令腰、手、用力不當同過度操勞引起...要做物理治療同食藥⋯
醫生 : 最有效嘅藥梗係「休息」啦。
毛爸 : 醫生佢唔知讚我定寸我...余生，你好忍得痛喎...(醫生你講笑咩？）
毛爸 : 醫生建議我做少啲體力勞動嘅工作...最好係請假休息...仲話休息係最有效嘅良藥...
(醫生，我請假休息冇收入喎？...點找數俾你呀？）
Wow 你又真係好忍得痛wor！聽E生話唔郁咁多喇take care and get well soon！
回覆刪除多謝Gwaigwai嘅關心..忍得痛係因為對運動嘅狂熱...個人認為藥物係對身體有某程度嘅影響...所以痛就死忍...咁就成習慣...
刪除我最近肩特別痛, 都唔知好無照x光
回覆刪除小月，肩關節痛可大可小...建議睇醫生聽醫生專業意見(照X光要睇醫生覺得係唔係必要)...快啲醫好，遲啲痛處變成 "舊患"就毛尾長...小心保重。
刪除毛爸，正所謂病向淺(錢)中醫,就聽醫生話好好休息,祝早日康復.
回覆刪除收到，明白，有心喇。"淺"同"錢"都好緊要...哈哈哈...
刪除毛爸 ... 今次教訓後要好好休息一下，唔好再操得咁盡。雖然係好有型。
回覆刪除先多謝L D關心...聽到你話 "好有型"...就即刻想操練...哈哈講笑咋...我會好好保重自己咖喇...多謝你咁有我心。
刪除