2013年3月24日(星期日)
近排天氣時冷時熱又非常潮濕…除咗易病之外仲會引起皮膚敏感…毛媽就發現毛毛皮膚有問題，毛毛經常Lam啲手手、腳腳、肚仔又發現啲脂肪粒…咁係因為皮膚擴敏能力唔強，天氣變而引發問題。咁嘅情況…有聽過啲美容師建議幫狗狗剪短啲毛(散濕氣)同做個「士巴」(同皮膚打底)滋潤皮膚…
毛毛叫咗我兩次我先…帶住週身骨痛嘅身體起床，清醒先想起今日卜咗寵物美容院幫毛毛剪裝，毛仔好似知到咁…睇嚟係要對現誠諾嘅時候喇，帶毛毛去海邊玩。
今日我身體雖然狀態認真麻麻哋…但唔可以對小朋友冇口齒…
毛爸 : 毛毛去到海邊就失控...差啲由石堤跳落海灘...
毛毛 : 啲沙好軟呀...行起上嚟凍冰冰...軟綿綿咁...過引...
2013年3月23日(星期六)
續…寵物法例規定…主人係要處理狗狗便便後嘅手尾，用紙包好後放入附近嘅狗糞收集箱或者係垃圾箱。我住既一帶機本上每個街口都有個垃圾箱(其中狗糞收集箱喺韶關街角)，處理便便好方便，我知好多狗主都好有手尾…但有時揸住包狗屎左望右望都冇地方處理，我見過有人就咁張啲便便求其掉入私家車底…害群之馬，有陣時我都遇到呢啲問題…最尾我帶咗包屎返屋企…
毛爸 : 啲人有垃圾箱掉垃圾都咁求其...難怪人哋都求其...
今朝出街散步嗰陣已經發覺天上有紅霞仲有一線陽光…今日手上亦都乜粗重功夫要做，今日一定係好日？
忽然接到一個優差「柯打」…去巡8間電訊門市同回收當店嘅「滅火筒」送檢。當我執行「柯打」嗰陣問題就發生…馬路上人多車多又塞車又冇車位…其實我喺店平均停留5分鐘…但揾位泊車就花我大半個鐘(而家啲差人抄牌好快手咖，多謝600大元)。
到我完成任務嗰陣…個天就開始要落雨，帶毛毛出街散步嘅時候已經落緊雨溦溦…毛毛又要行停車場喇…望住灰灰嘅天空連啲氣氛都變成灰色…
毛爸 : 晨早起身就有一種好嘅感覺...但下晝就
毛毛 : 朝早情緒高漲...旁晚情緒低落...狗都癲...
毛爸 : 經太太冶療前、後...
毛爸 : 因為大意令右腳掌受後...有位老友打電話俾我太太 : 善意警告同溫馨提示我「愛惜自已身體、安全第一」，有啲咁關心自己嘅老友真係有福，多謝妳呀蘭茜...妳嘅提示我會緊記。
2013年3月19日(星期二)
上星期六屋企人同我慶祝生日…係一個由朝到晚有得玩有得食嘅日子，朝早出去玩同野餐晏晝有骨骨食，下晝媽咪帶我去公園散步，夜晚有愛心蛋糕食，最尾除咗有我最鍾意嘅士多啤梨(花姐送俾我生日咖)食之外似有宵夜食…攰爆…好感動。
以我毛毛嚟講…生日…係提醒我生存喺世上時間有限，要多啲錫爸爸媽媽，對我照顧、關心、愛錫嘅屋企人…佢哋喺我每年生日都帶俾我驚喜、開心，實情最值得慶祝嘅係有咁錫我嘅屋企人…佢哋默默附出愛心…呢啲先至係 “慶祝生日”嘅主要目的。毛毛 : 我許願....我要做一個健康同有愛心嘅 "蠱惑仔"...
毛毛 : 毛媽特別出品...南瓜骨骨餅...
毛毛 : 毛爸話 : 你大個仔喇...點都要做番啲野做美好嘅回憶...
2013年3月17日(星期日)
講到今年毛毛嘅生日蛋糕…梗係毛媽親自操刀啦。以往要喺寵物店特別「柯打」需時十日(細細個最低消費$150)、試過喺西餅屋訂(最細嘅都要 一磅，毛毛點食得晒呀？)。
今年毛媽一早就計劃好整個靚靚愛心南瓜蛋糕俾毛毛過生日，講真…如果有人親手做個蛋糕俾你過生日…係一種福氣，毛毛好有福。
2013年3月17日(星期日)
噚日一早就醒咗(因為手痛)…不如早啲帶毛毛出去玩，出發前諗毛毛趕唔到時間屋食早餐…咁…就帶埋早餐出去啦。
毛毛見帶埋野食出街更加開心，毛仔去到小廣場就搏晒命咁週圍跑、不停咁玩執波波、仲撩我同佢喺草地「捉依因」…最尾喺草地度食早餐…有好多時見啲小朋友玩得咁高興連自己都開心輕鬆埋。
2013年3月14日(星期四)
每年嘅二、三月間氹仔韶關街嗰九棵樹就會開花，呢啲樹好大棵有三層樓咁高，啲花係由好多細朵花組成一個花球…開起花嘅時候成棵樹都係花，樹嘅果實都好得意好似一串串嘅黃皮，好失禮我吾知嗰啲樹叫乜名 。
2013年3月13日(星期三)
平日晚飯後都會食生果…其中必有嘅係蘋果或者木瓜(跟醫生建議)。
而每次啲生果我都會批晒皮分好一份份，當然有一份係毛毛咖啦，毛毛勁鍾意食生果所以當我每次批生果時候…都表現非常開心同緊張，經常琴喺飯台邊等食。
噚晚我 “大意”將啲木瓜皮留喺飯台行開做其他野，毛毛就 “胃食”擔咗啲果皮食，當我發現嗰陣毛毛己經食晒仲Lam Lam脷(俾毛毛激到爆炸)…到今朝零晨毛毛因為消化唔到就大嘔，搞到成家人都醒咗…最尾梗係毛媽下令今朝要禁食啦…毛毛真可憐。
自從上次向毛爸「炸形」之後…雖然星期六冲咗凉毛爸、毛媽禮拜都帶我出去玩。
今朝好猛太陽但一啲都唔覺熱，今朝好開心…我同媽咪玩到癲晒，但媽咪成朝都「鵝」我…唔好去啲水氹度、唔好去啲草地度…污糟邋遢呀。到我要飲水嗰陣…毛爸大頭蝦唔記得帶個水兜，咁…毛爸就俾媽咪「趙」到「奧」晒咀…
2013年3月11日(星期一)
上次老友飯局大家都講緊「運動」少不免會提及有關減肥問題，啲老友都有自己嘅方法…汽水、甜品、肉食少啲，食多啲天然食物…沙律、麥片…等等當然要加埋做運動啦。
而最近湯生做嘅器械減肥效果出色，而呢種器械只係一部簡單嘅「踏步機」，湯生更加代大家訂貨、落單、爭取優惠價…等等嘅一條龍服務，我太太梗係即時「柯打」一部啦，喺呢度十分感激湯生幫忙…我哋收咗貨啦。
2013年3月10日(星期日)
續…聽啲官講可以訓練狗狗喺屋企屙淨啲尿尿先出街。
喺節目入面有位先生仲好有自信咁講 : 要訓練狗狗喺屋企尿尿係好容易咖，我將自己3隻狗成功訓練到佢地去指定地方尿尿(佢冇講啲狗狗出街仲會吾會尿尿)。嗰位先生仲強調冇難度，連節目主持都讚佢好野仲有愛心。
我睇法 : 我相信有狗狗嘅家庭佢哋嘅狗狗都會識自己去指定嘅哋方尿尿同便便，呢啲習慣性係狗BB嗰陣己經養成…根本都唔係乜野特別訓練。而問題重點係你冇可能肯定狗狗喺屋企屙淨尿出街就一定冇尿屙，有啲狗狗去到某啲地方就算冇尿尿佢都會做個動作「咇」番幾滴尿出黎霸地盤。嗰位先生能夠掌握同改變狗狗嘅生埋同習性…如果係屬實佢一定唔間單。
2013年3月9日(星期六)
時事節目中狗主發表意見…有位先生同小姐讚成「索乾」法例，佢哋嘅論點。(現時付責任嘅狗主當狗狗尿尿完會用清水冲洗)
嗰位先生話 : 佢養左3隻狗…其中隻細狗Lam到街邊啲狗尿之後就病咗，所以反對啲狗狗除便喺街尿尿而狗主又唔「索乾」。
我睇法 : 點解隻狗狗週圍Lam野？哩樣係狗狗好壞嘅習慣…如果狗狗Lam到啲有毒嘅物質唔止會病仲會「蒙主寵召」。
嗰位小姐講 : 聽啲人話狗狗喺街邊尿尿係「認路」…其實係無必要，狗主帶狗出街己經上咗狗帶隻狗點會蕩失路？「認路」借口係俾狗主唔付責任。
我睇法 : 狗嘅習性喺野外生活尿尿同便便係佢地宣洩主權、交際、認路、覇地盤嘅行為，位小姐可能完全唔了解狗狗嘅習性行為喇。…待續
毛毛 : 佢哋對狗狗習性、行為認識太少喇...可憐...累咗我哋(狗狗)
2013年3月6日(星期三)
噚晚睇電視…唔覺意轉咗去澳門有線台，當時重播緊時事節目「寵物法例…狗狗尿尿「索乾」嘅問題」仲有啲狗主嘅偉論我都想研究吓...(待續)，今朝我帶毛毛出街散步嘗試各種「索乾」嘅方法…
毛爸 : 毛仔你話俾我知你幾時尿尿吖嗎，啲尿我索唔晒喇，啲報紙又唔係好索水...
毛毛 : 嘩~我點話你知我幾時尿尿阿...你估吓啦...我都係求其咖咋。毛毛 : 毛爸我第一督屙完啦...
毛爸 : 嘩~你睇「黃河」咁...好大督喎...。吓你仲有第二第三...？我暈喇...
毛毛 : 毛爸我控制唔到咖喎...我唔想咖...我啲生理係咁..
毛爸 : 毛仔眼界好準喎，射到我成手都係尿，仲射中報紙出埋界添...
毛毛 : 毛爸你啲動作咁慢...唔好再用報紙鋪地下喇，仲成朝都整到我嘅「何b」仔我會屙唔到尿尿咖。
毛爸 : 毛仔咁你屙完尿尿未？
毛毛 : 宜家尿尿都咁多規舉咖，又要眼界準又唔可以週圍霸地盤，嘩~真係狗都癲。
毛爸 : 毛仔咁你就努力啲習慣吓喇，你係毛家 "大少爺"俾人抄牌就好失禮咖...
毛毛 : 媽咪~救命呀 ~
