簡單、得著

2013年3月29日（星期五）

我因患「流感」喺屋企面壁咗好幾日...搞到個人都冇晒狀態，毛毛就呢幾日落雨冇得出去散步只係可以行停車場而冇乜心機。
下晝...冇太陽又冇落雨毛媽提議大家出海邊兜風，毛毛梗係開心到失控啦，雖然簡簡單單一家人喺海邊放鬆心情慢慢咁散步...有家人喺身邊陪伴，靜靜睇住毛毛開心咁週圍跑，感受下帶咸味清涼嘅海風...真係心靈上最大嘅得著。
可能呢啲簡單嘅事對某啲人嚟講係好難逹到嘅「夢想」，此時此刻...我真幸運。

毛爸 : 成家人一齊出去散步係幾咁開心?睇小朋友嘅表情就知啦...