2012年10月31日(星期三)
自從廚房開放之後…毛毛行為表現都好自制，但有個習慣到今朝先明白了解。
當我每朝早搾橙汁嗰陣毛毛就喺我格離坐定定咁望實我，每次我轉身攞橙毛毛就會好忙咁週圍聞，而我搾完橙汁毛毛亦行返出廳，今朝俾我無意中發現…原來我轉身嗰陣毛毛唔係聞地下係Lam搾橙彈落地下啲汁，毛仔連橙汁都啱…估佢吾到。
2012年10月29日(星期一)
後生嗰陣見到酒等於見到肥仔水，烈酒、紅、白酒、啤酒都係至愛，到後期對飲酒嘅態度不求質量只求數量，有次打場牌(麻雀)晚上十點至零晨三點飲咗一支大號白欄地…宜家諗起都驚。
唔記得幾時開始為咗健康同家人冇飲酒，由於心引有請教過醫生 “冇酒精啤酒”，醫生話冇酒精類飲品同汽水差唔多但都唔可以過量，咁…家人就將冇酒精啤酒有限度俾我做節日飲品…
2012年10月29日(星期一)
每年生日都會收到生日禮物，今年阿妹資助我…Canon M新相機做生日禮物，多謝阿妹。
當人年紀大咗…年年到生日收禮物、同親人朋友飯局…可能已經成為習慣，今時今日自己反而重視家人嘅開心…而唔係份禮物有幾名貴。
好記掛細個嗰陣生日，媽媽會特別煮一隻雞蛋俾我，到晚餐會煮炸子雞做生日大餐…
2012年10月28日(星期日) 萬聖節
成日都聽人講「哈咾喂」仲話到嗰日係攞正牌扮惡魔，到嗰陣有好多零食任食咖…講咗咁耐我都唔知有啲咁「正」嘅日子，咁大個仔都未試過…唔知係幾時呢？
尋日毛爸喺屋企整布景、拉我去換衫、梳毛…搞到我成個儍仔咁，俾毛爸舞咗成個晏晝影咗啲相…仲笑我一啲都唔似「惡魔」似「羣腳仔」多啲喎(真係冇面)…
2012年10月26日(星期五)
今朝毛爸一早去咗做物理冶療，返嚟嗰陣面黑黑，初初我以為毛爸手痛…實情係俾表姑媽同姑丈鬧仲俾姑姐話，原來今朝姑媽姑丈喺美國經FB鬧毛爸大意唔小心整親又唔好好養傷，令表姑媽心痛。
姑姐就話毛爸冇耐性做物理冶療又唔好好休息，仲話驚毛爸搞出個大頭佛。
佢地仲要毛爸的起心肝睇好隻手…毛爸終於都有人治佢喇亦歎倒俾人鬧係幾咁慘喇，平時毛爸鬧得我咁爽…宜家…哈哈哈。
2012年10月25日(星期四)
前一排湯生湯太咗澳洲旅行，前晚兩人親自帶埋份手信上嚟屋企探我哋，十分多謝客氣嘅湯生湯太，毛毛就狂吠客人好彩最尾都冷靜落嚟冇失禮。我每次都講 “手信”最珍貴嘅係背後嗰份心意…多謝湯生湯太。
2012年10月25日(星期四)
班戟係太太最鍾意食嘅甜品之一，啱啱過咗嗰個星期二…嗰日太太就用我最鍾意食嘅配料(香蕉、雲呢那雪糕、焦糖)整咗份好甜嘅班戟甜品俾我做下午茶，人哋話食甜品會令心情轉好…係真咖，由其有心人特別為你精制…多謝太太。
2012年10月25日(星期四)
自從毛毛確診容易患皮膚病之後…毛媽除咗經常幫毛毛檢查之外仲改變毛毛嘅飲食餐單，正餐由鮮肉改做狗糧、零食由鮮肉乾改做餅乾。但毛媽擔心由店鋪買嘅零食會有好多添加物…咁…自家制就最放心，以往多數整風乾鮮肉，宜家就改整毛毛好鍾意食嘅「熊仔餅」，毛媽愛心爆棚…
2012年10月24日(星期三)
好多養狗狗做寵物嘅人都有同一樣既觀念…狗狗要聽話，要按照主人嘅方式生活…咁…叫做乖嘅狗狗。有啲家長要求嚴格，每每用強烈嘅方法令狗狗純服，而狗狗就喺驚駭中成長一啲都唔開心咁生活。我認同狗狗係有野性有時行為上會失控，我都認同狗狗喺生活上應該有規有矩，我更加認同狗狗要保留番小小野性，狗狗生活得開心會為屋企帶嚟高興熱鬧嘅氣氛…
2012年10月23日(星期二)
重陽節，古時嘅傳统喺今日全家一早起身出門去行山登高，今時今日行山已經係一個增進身體健康嘅活動。
今日重陽節又咁啱計劃咗去行山，毛毛興奮到失常…喺我嘅背廊袋度擔晒啲報紙、紙巾、毛巾出廳玩…搞到成屋都係紙，少爺仔真係精力過盛，今朝陽光普照天氣清涼好適合行山…咁…呢個健康活動真係應節。
2012年10月22日(星期一)
原來Coffee有極度 “護物”嘅行為，Coffee對於佢嘅頸帶同狗繩非常緊張，每每幫佢除頸帶就會咬人。
今次Coffee嚟屋企玩就發生咗件小事，由於狗繩同我部Canon G12相機嘅手帶無論大小、外型、質地都十分相似，當我將兩樣物品同時放喺枱上嘅時候…Coffee因為好心急攞番條狗帶…咁…連部相機都拖咗落地下，雖然部相機可能要報消…令我更擔心嘅係嚇親Coffee…
...Coffee妳做得好...
...
...2012年10月21日(星期日)
阿妹一早就打電話過嚟，要我幫手照顧Coffee一日。 毛爸 : Coffee好識食咖，要食紐西蘭龍脷柳、意大利貝粉、美國有機雜菜乾...
Coffee一嚟到屋企就同毛毛鬥咀，毛媽開始服侍Coffee…梳毛(梳咗好耐因為好多結)，我幫Coffee修毛…眼仔、手仔、腳仔、Pat Pat(修咗好耐因為啲毛好長)，之後要開始煮午餐俾Coffee食(Coffee唔食毛毛啲狗糧)，食咗餐就午睡時間。
下晝幫Coffee洗白白(由於啲毛又長又密要吹好耐先乾)，跟住就去做運動出去行街街…行完街啱啱好家長嚟接返屋企。
全套五星級服務Coffee小朋友就勁爽啦，我就辛苦過返工。
coffee : 嘩~舅父親自落廚...正，我行運喇...
毛爸 : 一擺低食晒就知Coffee係幾咁鍾意食...迫住我要分兩次咁俾佢食...
Coffee : 唔好意思呀毛少...我食先喇、噢~好食到冇朋友呀~
2012年10月20日(星期六)
一年一度政府總部開放日又到喇！我今年先第一次去參觀，以住嘅開放日我一係要返工一係就忘記日子而錯過咗。
今年政府喺電視台大力賣廣告，仲話喺舊年開放完就開始策劃今年六月開始動工安排，總部入口用前衛嘅藝術品做裝飾，二樓有曆史圖片展覽品，花園就用國寶熊貓做擺設…花就用蘭花做主題…仲有睡蓮…。
至於當席工作人員同特警哥哥表現專業親善一啲都冇失禮政府。
2012年10月20日(星期六)
呢倫毛爸有啲怪怪哋…除咗好少抱我之外仲時時都留喺屋企(咁多時間又唔帶我出街玩喎)，仲有成日都身上有陣怪味(隻手唔知包咗啲乜點)，個樣好冇心機。
後來聽媽咪講毛爸因為隻右手受傷睇咗好耐醫生都未好番…但毛毛乜都唔識都唔知點幫毛爸，唯有精神上支持毛爸…
2012年10月17日(星期三)
以往每年十月係勁忙嘅一個月份。機本全部嘅老友、兄弟、朋友、親人、同事…都喺呢個月份約飯局同我慶祝生日，人生有咁多朋友、知己實在幸運同幸福。
今年嘅十月我選擇留多啲時間陪屋企人，而太太亦安排豐富嘅節目陪我度過開心嘅生日，喺呢度好多謝關心我嘅各位老友、朋友…，我祝各位 “平安幸福、富貴健康”(呢樣係我其中一個生日願望)。
2012年10月16日(星期二)
旅行完返嚟之後由於傷病…冇心機整理旅行帶返嚟嘅物品，直到今日…。
每次旅行除咗玩都會行吓當地嘅寵物店，而每次毛媽都忍唔住要買份手信(無論幾貴都買)俾毛毛，今次買咗兩件T恤…
2012年10月15日(星期一)
毛媽都有講帶毛毛行濠景中央公園…毛毛就好驚青，所以啱啱嗰個星期日同毛媽帶埋毛毛去行公園睇吓實際情況，現場了解到幾樣問題 。
1.好多人喺度慢跑(毛毛好驚啲人衝埋佢度，平時會狂吠)。
2.旁邊係馬路好多車經過(毛毛對行駛緊既嘅車會狂吠)。
3.好多大人同小朋友喺度踩單車…仲叮叮響(呢樣係毛毛最怕嘅野) 。
毛毛細個受訓嗰陣用嘅小道具 “單車鈴”當時毛毛好驚呢種叮叮聲，從嗰陣開始…
