2010年6月30日 (星期三)
尋晚我返到屋企毛毛特別熱情, 跟出跟入. 不過唔使我抱...
到我去沖涼就跟我入沖涼房. 到我食飯嗰陣就係我旁邊氹氹轉, 有時又好乖咁坐喺度. ,好奇怪… 後尾毛媽話毛毛下晝嘔, 醫生要毛毛今晚禁食…
原來係咁…真陰功.
毛毛: 毛爸請d黎食得唔得ar. 我好肚餓ar...
毛爸: 唔得.......(我為你好咋, 小朋友)...
2010年6月30日 (星期三)
尋晚我返到屋企毛毛特別熱情, 跟出跟入. 不過唔使我抱...
到我去沖涼就跟我入沖涼房. 到我食飯嗰陣就係我旁邊氹氹轉, 有時又好乖咁坐喺度. ,好奇怪… 後尾毛媽話毛毛下晝嘔, 醫生要毛毛今晚禁食…
原來係咁…真陰功.
毛毛: 毛爸請d黎食得唔得ar. 我好肚餓ar...
毛爸: 唔得.......(我為你好咋, 小朋友)...
2010年6月29日(星期二)
呢兩日毛毛嘅少爺皮氣又發作 , 玩遊戲同食野都輕吠 , 好似好唔耐煩咁…至於健康情況進展幾好 , 不過好慢。
毛毛啱啱喺上星期日打左第二支針同用藥水沖涼 , 治療過程嘅一半(醫生話成個療程要打四支針) 。
幫毛毛沖涼個姐姐話 : 毛毛今日好乖好開心 , 由於用左藥水洗身所以要帶喇叭頸圈 , 毛毛帶喇叭頸圈嘅時候就會…鶑鶑聲抗議……
毛毛 : 慘喇...搞咁耐都唔好...
2010年6月19日(星期六)
今日同平時嘅星期六唔同 , 特別多嘢做…
臨收工前一刻老闆來電 : Peter電視機有貨返左宜家即刻Call客裝左佢….
同事之間即時話 : 老闆玩針對呀…。
但係個客話唔得閑唔使安裝住…咁就開始放大假…
返到屋企…毛毛帶住個喇叭歡迎我 , 原來毛媽帶左毛毛去見Dr吳 , 仲打左針同洗左傷口 , 聽毛媽講毛毛打完針好不安仲扭計成幾分鐘 , 原來啲針藥係油性Dr吳話係會好痛咖 , 毛毛好似知道我地出門一直都痴住我 ...
我地係時候要出門….拜拜喇毛毛…
毛爸 : 當時係擔心毛毛架.....
2010年6月27日(星期日)
尋日飛機因天氣關係遲左降落 , 我地返到屋企都成12點...
當我一開門只係見毛毛喺個欄度申緊腰 , 跟住毛毛見到我地就...失控 , 拍到個欄板轟轟聲。
毛毛開心到發癲 , 一定要毛媽抱抱 , 跟住到我抱 , 仲興奮到走出騎樓便便同尿尿 , 毛毛咁嘅情況持續成晚連瞓都唔肯瞓...
毛毛 : 見返毛媽...好開心呀~
毛毛 : 梗係仲要毛爸抱抱啦...
2010年6月25日(星期五)
前一排因為交通意外...令我諗起啲安全問題 。
以住有兩次行車急剎令毛毛跌出坐位(好彩冇受傷) , 由於咁我地想到係架車嘅後座位上安裝個狗狗座位。
好耐之前層經喺車上安裝過 , 無奈毛毛唔鍾意坐後面同唔肯坐...咁安裝座位計劃就不了了之...直到上再發生次意外 , 又咁啱有朋友攞左個狗狗座位俾我試用...
咁...毛毛就變左坐後面嘅少爺 , 我就變左司機車少爺出入喇...
毛毛 : 原來坐後面好舒服咖...毛爸後座位點解冇安全帶咖 ???
2010年6月21日(星期一)
毛爸毛媽去左旅行...話一個星期後先返黎喎 , 次次去旅行都係咁講 : 毛毛你要聽話呀...乖乖地...我地買好多野返黎俾你咖。講真喎一個星期即係幾耐呀?
2010年6月20日(星期日)
形狀似細小聖誕手搖鈴嘅紅色果實 "蓮霧" , 原產地喺馬來半島...
細個嗰陣學校前面有一棵 , 暑假嘅時候就會成熟 , 但啲果實係綠色仲冇甜味嘅。
有次同太太去臺灣旅行 , 喺酒店食早餐嘅時候攞左一個俾太太試食 , 從始太太就愛上呢種生果...
最近我行過公園發現有棵蓮霧樹 , 樹上結滿果實...仲係好靚嘅粉紅色...
毛爸 : 喺樹上成熟...好少見
毛爸 : 係唔係好得意呢 ???
2010年6月19日(星期六)
由於行程嘅安排,今日就要起程過香港聽朝早機飛日本北海道...
但今日我仲要返工...幾日前曾經試過向老闆申請星期六放假,回覆係...我已經批左你大假咖啦,你仲要攞多一日假 ?(例假唔俾放)你打亂晒我陣腳呀...
太太呢兩個月非常努力揾料,真係辛苦晒。宜家我同太太最唔放心係毛毛健康反反覆覆,雖然有阿美全力照顧,但我地都仲係好擔心...
無論係點,今次係一個挑戰,係太太嘅精心計劃...聽日....起程...................
毛毛 : 毛媽毛爸你地唔使擔心我咖...記得買多啲野俾毛毛呀...
2010年6月18日(星期五)
毛毛啱啱轉左糧 , 因為毛毛嘅皮膚病要戒食油。
今日一切都平時一樣...到下晝阿美打電話黎好緊張咁話 : 毛毛嘔呀...仲嘔到週圍都係...毛媽嘅反應 "發晒狂"...
後尾了解詳情之後我地相信係因為毛毛轉新糧同食嘢過急...嚇餐死...
毛毛 : 吓~~個肚仔都唔知搞邊科...玩死...
2010年6月17日(星期四)
呢幾日非常忙...忙到經常唔記得食飯。
但老闆對我嘅表現都係好不滿 , 態度仲十分 "仇視"(俾我感覺係"你做晒啲嘢先至好放假呀!")...
我部門除左我之外所有同事都走晒。黎緊個禮拜我放大假...所以我呢幾日要做晒手上同下個禮拜啲"柯打"(其實等於冇放過假)...
好彩仲有班同事喺身邊精神上全力支持...
Coffee : Perte舅父我都撐你...加油呀!...
2010年6月1日(星期二)
毛毛近排都帶住喇叭生活 , 食左藥之後有啲攰同眼瞓嘅反應 , 當初毛毛有啲咁嘅情況都驚一驚 (醫生話咁係正常)…
平時我放工返屋企入門…毛毛就會窮追不捨咁纏住我,仲不斷咁彈跳…宜家冇喇,只係慢慢行埋黎,仲要伸吓條腰先。
毛毛身上嘅紅斑已經減退,毛毛之前啲藥食左會飲好多水同好多尿尿 (尿尿左照規矩有零食獎),宜家毛毛經常都會行出騎樓轉一轉 (呃嘢食),仲有就算好眼瞓都要死撐(睜大隻眼)...因為瞓覺就要帶喇叭...
毛毛 : 毛媽話啲紅斑退晒喇...
毛毛 : 毛爸話好快就唔使帶喇叭喇...
2010年6月14日(星期二)
自從毛毛改食吳醫生嘅藥之後(抗過敏、維他命)...開始嗰幾日冇乜進展...毛媽就每晚都花成大半個鐘幫毛毛洗傷口同搽藥...宜家情況好轉。
我就越黎越早帶毛毛出街散步 , 怕太陽曬 , 毛毛唔曬得。
見到啲街坊...佢地都話 : 毛毛又轉新裝呀...好似好涼爽喎 , 但係瘦左啲...
有啲又話 : 長毛嗰陣靚仔啲喎...
毛毛就好似睇唔到佢地咁...頭Dup Dup向前行...
毛毛 : 慘喇...搽藥時間到...
2010年6月13日(星期日)
尋日係外甥銘鉻嘅生日 , 開左個生日會 。
時間過得真係好快...仲記得有次鉻銘小朋嗰陣唔舒服扭計 , 我抱住佢成個晏晝...搞到我連工都返唔到 , 呢啲事好似尋日先發生咁...銘銘宜家成長到己經係一個有活力又英俊嘅青年 。
我做舅父嘅梗係祝佢 "生日快樂、前程無限"仲要加封大利士同份生日禮物啦...
毛爸 : 用Pizza代替生日蛋糕...
毛爸 :銘銘... 許個願先喇...
2010年6月13日 (星期日)
首先好多謝咁多位blog友咁關心毛毛…
毛媽尋日帶左毛毛去睇Dr. Ng,聽講佢係對狗狗皮膚比較有研究嘅Vet。佢話毛毛嘅皮膚問題係蠕形蟎+急性濕疹 (通常呢兩樣係會一齊出現),治療方法只要打四支針就得,但由於毛毛之前睇過兩個Vet,每個俾啲唔同嘅藥佢… Vet A俾嘅係好傷腸胃嘅抗生素+含激素嘅藥膏。Vet B俾嘅藥冇藥名,Dr. Ng懷疑係類固醇,同埋一隻俗稱“奶水”嘅好毒嘅藥水,就係呢隻藥水令到啲蠕形蟲發哂出黎。
因為用左“奶水”所以要繼續用埋落去,如果改打針,普通狗狗打4支就得,毛毛就可能要打6-7支。所以佢都係建議繼續用埋佢,但就要溝稀啲同每3日洗患處一次。佢仲話如果狗狗lam到未經稀釋嘅“奶水”係會死架,如果lam到稀釋左嘅就會嘔。仲有洗完唔可以用熱風吹或哂太陽,因為高温會令佢毒性加大150倍。
我聽完Dr. Ng講嘅野真係好鬼嬲,因為庸醫B係從來冇講過隻藥水係咁毒嘅,佢只係好輕描淡寫咁話唔可以入口,如果入左眼仔就要用水洗。仲有佢叫我地稀釋嘅份量都好濃下架。好彩我地之前幫毛毛洗嗰陣都好小心,同埋之後有過清水。
其實開始嗰陣毛毛只係左邊手仔有事,就係因為用左庸醫B開嘅“奶水”先至令到啲蠕形蟲喺佢身體其他地方發哂出黎。一般黎講除非皮膚問題好嚴重,否則Vet係唔會立亂開“奶水”架。
Dr. Ng叫我地停哂毛毛所有藥,佢就開左4日藥 (抗過敏+維他命B雜) 俾毛毛,跟住每三日用“奶水”洗一次患處,之後再睇下情況係點。希望今次呢個Vet幫到毛毛啦。
另外關於毛毛消瘦嘅問題,佢話可能K9呢隻糧真係唔啱毛毛。佢話K9係一隻肉食性重嘅糧,比較適合貓呢類肉食性嘅動物,而狗就係雜食性嘅動物。佢建議唔好當K9係主糧,改餵一餐天然糧一餐homemade,K9就當做零食。佢話要狗狗長肉最緊要係高蛋白質嘅食物同做多啲運動,例如跑多啲或者玩拋波波 (佢話最好係喺室外用一條好長嘅繩縛住毛毛然後同佢玩,咁就唔怕走失)。不過話時話,澳門真係冇乜地方俾狗狗跑喎。
毛毛 : 咁俾人舞法真係狗都癲...最慘令到毛媽毛爸擔心死...
2010年6月12日(星期六)
呢排屋企人見到我就好緊張 , 仲成日都有得抱抱...毛媽就成日都嗌 "抱完毛毛要洗手呀"(因為我成身都搽晒藥膏油淋淋)...
前幾日剪左毛 , 今次個裝唔係好嚫我...影得我個樣唔靚仔同好可憐...要變番靚仔有排等喇。由於唔慣成身冇毛同耳仔痕我會經常Fing頭...Fing完之後成身就會紅晒 , 成日俾毛爸話唔准咖...
宜家我喺屋企曳曳都唔使涯鬧仲有得獎零食添...哈哈哈
毛毛 : 呢排毛爸毛媽經常都抱住我咖...好舒服...我好鍾意咁咖...
2010年6月10日(星期五)
以前到呢啲時間開始屋企就好忙 , 記得細個嗰陣每朝嫲嫲一早就起身包糉 , 會包好多...將糭分俾伯父姑媽...到今年阿妹第一次包糭分俾太家。
今朝早整熱啲糭做早餐...開左條糉...嘩...熱氣騰騰仲好香...入面有咸蛋黃、冬菇、肥豬肉、乾貝 "正" , 味道就好淡好似冇味咁...我問番阿妹...
阿妹話 : 阿哥我為你健康好咋 , 唔好食咁咸呀...其實係我唔記得落鹽...
毛爸 : 阿妹整嘅愛心糭...
2010年6月11日(星期五)
毛毛大半個月開始一直都未停過食藥,而啲藥食左之後會飲好多水同好多尿尿,仲有會傻更更咁企喺度望實你好耐,個樣好可憐...
毛毛呢排不知不覺瘦左...今次剪晒啲毛之後...根本冇辦法相信...毛毛好瘦個身同腳仔全部都係紅斑點 , 冇毛先知到係咁嚴重 , 只可以 用"慘不忍睹 "黎形容 ....
聽朋友講嗰啲紅斑會起水泡仲會嫻開咖...慘喇...
毛爸 : 宜家屋企人個個一見毛毛就要抱佢...
2010年6月10日(星期四)
尋日朝早幫毛毛檢查嘅,時候...發現情況嚴重左,全身都係紅斑 ,毛媽放工即刻帶毛毛見醫生,但天氣勁差,我唯有放低工作接毛毛睇醫生...
今次診斷醫生冇講乜嘢...啲朋友話係急性濕疹...醫生建議剪晒毛毛全身嘅毛,方便搽藥同打理...
咁我地就...
毛爸 : 剪晒毛嘅毛毛...好瘦...
毛毛 : 毛爸唔怕啦...係時間候轉吓新裝喇...
2010年6月9日(星期三)
今朝晨早就落瀑雨,要提早出門送毛媽返工,毛毛梗係唔可以跟車啦...雨勢非常大能見度好低楂車就要小心喇...
但人人都提早出門交通非常擠塞,好多車都趕時間打尖插位...當我行到大橋落斜嗰段(觀光塔附近)前面有車濄線打尖,當時我慢車到停(車速行20幾米),後面嗰架黑色安打就收制不及...轟...撞埋我車尾度...今次撞擊都好勁吓,我架車向前滑行左兩尺...好彩毛媽只係驚一驚。
今次意外好彩大家冇事...更好彩嘅就係冇帶毛毛出黎...
毛毛 : 好彩毛媽毛爸冇事咋...
2010年6月7日(星期一)
尋晚臨瞓同毛毛檢查手仔嗰陣發現腳仔多一撻仔紅色...
今朝毛毛去探公公婆婆喺度玩緊嘅時候...再發現右邊腳仔都有紅斑點,再細心檢查...弊喇...手仔、腳仔、背脊連耳仔都有紅斑點...婆婆都愕左然驚 一驚...
毛媽就嗱嗱林帶毛毛返屋企,用醫生開嘅藥同毛毛沖涼同搽藥...
毛毛都算乖同佢吹乾啲毛都冇扭計,成個晏晝都好乖咁瞓覺...冇Lam手同R耳仔...
毛爸 : 睇得出毛毛帶左喇叭就好唔開心...
2010年6月7日(星期日)
醫生話我腳仔皮膚病係真菌喎...開左一個星期嘅藥(有洗傷口、搽、食幾種)...要返去覆診...
洗傷口嘅藥...氣味勁嗅要浸洗傷口仲要捽3分鐘(狗都癲)...
搽嘅藥...搽左都冇乜感覺 , 之後就要帶住喇叭(好慘咖)...
食嘅藥...毛媽擺落啲狗糧度我食左都唔知(唔知好唔好味呢)...
毛媽勁擔心啲真菌生晒我全身...到時真係改名做 "甩毛飛"喇(我都好騖)...
由於咁...呢排要帶喇叭頸圈,其實都有好處咖...我吠起上黎大聲好多咖...
毛毛 : 毛爸毛媽你地唔使擔心咖...帶住喇叭吠起上黎勁好多咖...
毛爸 : 乖啦...傻仔....
2010年6月5日(星期六)
毛毛今次去左見DR. 葉 做左檢查...醫生一睇毛毛隻腳仔...
就帶左毛毛入間黑房用支特別嘅燈一照,毛毛隻腳仔有幾撻地方有啲發光嘅黄色光點...葉醫生話毛毛皮膚染左真菌。情況唔算嚴重但係好麻煩,好彩係凈係隻腳仔有(葉醫生話有啲狗狗野到全身都係咖 , 聽到先知驚)...之前嗰個醫生開啲藥只可以控制住嘅病所以患處時好時壞。
屋企人勁擔心毛毛...因為我同毛媽好快就出門旅行...
毛毛 : 唔使擔心我咖...我會小心咖喇...
2010年6月4日(星期五)
聽人講皮膚患左真菌就會起水泡同甩皮...而且人同動會互相傳染咖,最麻煩係好耐先好番咖...
我地一直都好擔心毛毛嘅皮膚病係真菌嗰隻,因為毛毛脚仔患處情況反覆,又出現甩皮...所以毛媽尋日一收工就趕返屋企帶毛毛去見醫生...
毛毛 : 毛媽你睇又紅番喇...仲甩皮添...
毛媽 : 今次大獲...
2010年6月3日(星期四)
尋日一早就開始落雨落到晚...毛毛就慘喇早同晚都係落停車場散步。
今朝毛毛瞓到好晏先起身...仲懶洋洋咁行出房,見到我換衫準備帶佢出街就好開心...落到街好興奮見狗就吠(嗌極佢都係咁衝動)。
行到濠庭都會轉角遇到4隻小貴婦...嘩...開片啦...奇怪嘅事發生喇...就係4隻小貴婦衝埋黎吠到毛毛癲...毛毛望住佢地冇理佢地...自己就好似高竇嘅少爺咁枱高頭(個樣寸爆)一直向前行...冇狐...冇吠...只係回頭望吓...
毛毛 : 嗰啲 "塞豆窿"唔使理佢地咖...全部都係 "蛋散"黎咖咋...
2010年6月1日(星期二)
Manfrotto腳架係攝影界嘅信心保證,所以呢款意大利曼富圖迷你檯架我覺得似藝術品多啲。兩個月前托耀哥訂貸(型號345)...到宜家都未有消息。
上星期喺香港行經成記遇到阿永...佢同我請我訂嗰款檯架有新款(型號209 , 492)...咁我就買左...
我嘅器材組又多一個新成員...
毛爸 : 制作非常精細 , 配備原裝方便腰袋...
毛爸 : 使用法方好簡單最啱毛媽用...
2010年6月1日 (星期二)
芒果卷蛋+金莎榛子卷蛋
蛋白霜:
蛋白 4 隻
糖 65 克
蛋黃漿:
蛋黃 4 隻
水 35 克
奶 50 克
低筋麵粉 55 克
栗粉 13 克
可可粉 13 克
瑞士卷餡:
甜忌廉 100 克 (打起)
金莎榛子醬 50 克
芒果半個切粒
朱古力醬:
朱古力80克座熱水(60-70度)溶解,加入40克淡忌廉拌勻備用 (淡忌廉逐少倒入)。(圖二)
杏仁碎適量、榛子碎適量
製作過程:
1. 蛋黃及蛋白分開。
2. 蛋黃打散,加入水及牛奶,篩入低筋麵粉、粟粉及可可粉,攪拌至無顆粒待用。
3. 將一半砂糖加入蛋白中用低速打至有氣泡,再加入餘下的砂糖,用高速打起至企身。(圖一)
4. 把一半打起的蛋白與蛋黃漿混合略為攪拌。
5. 再加入餘下的蛋白攪拌至單一色即可。
6. 焗爐盤舖上一張牛油紙,把蛋糕漿倒入抹平。入爐前可以在台上輕敲幾下,減少蛋糕漿內的大氣泡。
7. 送入已預熱170度(10分鐘)的焗爐,以170度底面火焗8-10分鐘至表面略為上色即可。(圖三)
8. 出爐後趁熱把焗好的蛋卷皮做第一卷起,再攤開待涼。
9. 把蛋卷皮平均切成兩份。
10. 一份蛋卷皮抹上金莎榛子醬 (圖四),再抹上打起的甜忌廉捲起 (圖五)。表面再淋上朱古力醬,最後灑上榛子及杏仁碎,放入雪櫃雪15分鐘。(圖七)
11. 另一份蛋卷皮塗抹上打起的甜忌廉,放入芒果粒,再塗抹上甜忌廉固定芒果。捲起,雪15分鐘,最後灑上防潮糖霜增加美感。(圖六)
Note:
1. 蛋使用前放回室溫較容易打起,新鮮蛋比較容易打起。
2. 打蛋白的器具一定要無水無油才打得發。
3. 約蛋白較難打發,可加一小匙檸檬汁或他他粉可幫助打發。
4. 蛋白與蛋黃醬混合時動作要輕快,過度攪拌會破壞蛋白,蛋糕焗出來會比較實、不鬆軟。
5. 蛋卷皮不要焗得太乾,否則卷起會裂開。
6. 若焗起的蛋卷皮四邊較,可先切去再卷。
圖一
圖二
圖三
圖四
圖五
圖六
圖七
兩種卷蛋都好好味啊...
2010年6月2日 (星期三)
毛毛:毛媽話幫我報名參加左個比賽呀... 麻煩各位blog友仔去呢度投我一票啦
http://www.exmoo.com/soda_dog_2010_detail.php?id=208#detail