蠕形蟎+急性濕疹

2010年6月13日 (星期日)

首先好多謝咁多位blog友咁關心毛毛…

毛媽尋日帶左毛毛去睇Dr. Ng，聽講佢係對狗狗皮膚比較有研究嘅Vet。佢話毛毛嘅皮膚問題係蠕形蟎+急性濕疹 (通常呢兩樣係會一齊出現)，治療方法只要打四支針就得，但由於毛毛之前睇過兩個Vet，每個俾啲唔同嘅藥佢… Vet A俾嘅係好傷腸胃嘅抗生素+含激素嘅藥膏。Vet B俾嘅藥冇藥名，Dr. Ng懷疑係類固醇，同埋一隻俗稱“奶水”嘅好毒嘅藥水，就係呢隻藥水令到啲蠕形蟲發哂出黎。

因為用左“奶水”所以要繼續用埋落去，如果改打針，普通狗狗打4支就得，毛毛就可能要打6-7支。所以佢都係建議繼續用埋佢，但就要溝稀啲同每3日洗患處一次。佢仲話如果狗狗lam到未經稀釋嘅“奶水”係會死架，如果lam到稀釋左嘅就會嘔。仲有洗完唔可以用熱風吹或哂太陽，因為高温會令佢毒性加大150倍。

我聽完Dr. Ng講嘅野真係好鬼嬲，因為庸醫B係從來冇講過隻藥水係咁毒嘅，佢只係好輕描淡寫咁話唔可以入口，如果入左眼仔就要用水洗。仲有佢叫我地稀釋嘅份量都好濃下架。好彩我地之前幫毛毛洗嗰陣都好小心，同埋之後有過清水。

其實開始嗰陣毛毛只係左邊手仔有事，就係因為用左庸醫B開嘅“奶水”先至令到啲蠕形蟲喺佢身體其他地方發哂出黎。一般黎講除非皮膚問題好嚴重，否則Vet係唔會立亂開“奶水”架。

Dr. Ng叫我地停哂毛毛所有藥，佢就開左4日藥 (抗過敏+維他命B雜) 俾毛毛，跟住每三日用“奶水”洗一次患處，之後再睇下情況係點。希望今次呢個Vet幫到毛毛啦。

另外關於毛毛消瘦嘅問題，佢話可能K9呢隻糧真係唔啱毛毛。佢話K9係一隻肉食性重嘅糧，比較適合貓呢類肉食性嘅動物，而狗就係雜食性嘅動物。佢建議唔好當K9係主糧，改餵一餐天然糧一餐homemade，K9就當做零食。佢話要狗狗長肉最緊要係高蛋白質嘅食物同做多啲運動，例如跑多啲或者玩拋波波 (佢話最好係喺室外用一條好長嘅繩縛住毛毛然後同佢玩，咁就唔怕走失)。不過話時話，澳門真係冇乜地方俾狗狗跑喎。

毛毛 : 咁俾人舞法真係狗都癲...最慘令到毛媽毛爸擔心死...

---

• 留言者: Capp仔與我
• Email: leng0606@yahoo.com.hk
• 網址:
• 日期: 2010-07-05 14:31:00

毛爸/毛媽:我想問一問" Dr. N g"地址係邊呀?方便給我嗎?因為近排發現頭頂位置皮膚有少少疑似皮膚病,以前都有睇過皮膚架,但自從"皇家"無開之後,就唔知去邊度睇??
[版主回覆07/05/2010 21:15:00]Dr. Ng 喺醫之選小動物專科醫院做架，診所喺亞豐素街喳喳泉附近，電話係2882 0000，你可以打電話去睇下Dr. Ng 幾時喺度。

---

• 留言者: 肥B
• Email: kellychickseki@yahoo.com.hk
• 網址:
• 日期: 2010-06-17 02:39:00

希望毛毛快D好番啦....你地好錫毛毛呀!!! K9我都覺得麻麻地，而家多數自己整~~~祝毛毛早日康復，毛毛加油
[版主回覆06/18/2010 06:44:00]多謝關心支持...............By毛爸

---

• 留言者: Mobear
• Email: morrisamkl@yahoo.com.hk
• 網址:
• 日期: 2010-06-16 23:12:00

我經同事介紹買咗支Bio Kill (保而剋 ®) 滅蟎噴劑..    可以用在人和溫血動物架....因為牀一定有蟎和真菌·····啱晒
http://www.biokill.com.hk/tc/products03_spray.htm
[版主回覆06/17/2010 00:28:00]我地都聽講過 , 好提議....By毛爸

---

• 留言者: Patpat
• Email: patpatpig2006@yahoo.com.hk
• 網址:
• 日期: 2010-06-15 17:11:00

咁靚仔嘅毛毛要剷光豬呀～慘喇 ，毛毛要加油，快d好番，等毛爸同你映多d靚相比我哋睇．
加油加油！
[版主回覆06/17/2010 00:25:00]多謝關心支持...豆豆好有心...多謝....By毛爸毛毛

---

• 留言者: Mobear
• Email: morrisamkl@yahoo.com.hk
• 網址:
• 日期: 2010-06-14 23:27:00

我都買咗支除 蹣蟲的....其實周圍都有細菌架....自家的抵抗力好緊要...不過個E生又真係幾衰wor...不識就轉介俾D高人啦.....可憐的毛毛慘被人地做白老鼠,.....毛毛你要努力呀.....
[版主回覆06/15/2010 11:59:00]多謝關心!
請問支除 蟎係乜野黎架?

---

• 留言者: RMS
• Email: my_agnesip@yahoo.com.hk
• 網址:
• 日期: 2010-06-14 19:37:00

啲 庸醫真係衰 ，希望 毛毛早日康復！
[版主回覆06/14/2010 23:33:00]嗰個醫生唔夠細心...多謝咁關心毛毛...By毛爸

---

• 留言者: Kenji
• Email: kenji_mok2003@yahoo.com.hk
• 網址:
• 日期: 2010-06-14 14:29:00

毛毛真係慘呢.....
要快d好番呀.....
[版主回覆06/14/2010 23:28:00]小朋友受吓難唔緊要咖...最緊要快咖好番 , 多謝關心...By毛爸

---

• 留言者: Kurumi Shiro
• Email: nikully@yahoo.com.hk
• 網址:
• 日期: 2010-06-14 09:23:00

乜個醫生咁衰架! 一開就開咁重既藥. 好彩毛毛無事渣. 毛毛你要快d好返呀! 見到都心up呀!
[版主回覆06/14/2010 23:20:00]有啲醫生係咁求其咖喇...毛毛宜家係喺奮鬥階段...多謝K&S關心支持...By毛爸

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2010-06-14 01:53:00

點解個vet會咁架? 好彩你地之前小心處理咋! 希望毛毛快d好番啦! 最慘佢又唔識出聲, 佢有幾唔舒服都唔知. 好彩爸爸媽媽咁鍚佢, 一定好快好番 你咁講, 咪隻隻狗都有機會出蟎蟲?
其實睇咁多狗食K9都唔係隻隻都好, 我都試過比JaJa食, 但係食完一個星期覺得佢好似瘦咗咁! 所以都係食番Dr.B, 有時HM. 當然HM係最好, 只係有時有d supplement 又好難整, 但係咪真係必要又唔知.總之狗糧一定唔食, 因為太化學呢!
[版主回覆06/14/2010 16:17:00]醫生話蠕形蟲係毛囊蟲o既其中一種, 係經母嬰傳染, 如果狗狗抵抗力差就可能會發出黎, 就算醫好都冇得斷尾架.
我地澳門冇Dr. B賣, 所以唯有轉食天然糧加自煮homemade, 希望毛毛快d好番啦.

---

• 留言者: pat
• Email: patvong2003@yahoo.com.hk
• 網址:
• 日期: 2010-06-13 22:08:00

毛毛你好返d 未呀?  快Ｄ食返多Ｄ野了，保重呀~
[版主回覆06/14/2010 08:29:00]毛毛嘅情況要一段時間先好番咖 , 多謝Patpat咁關心毛毛 , 毛媽已經幫毛毛轉左糧喇 , 宜家毛毛咁屋企人勁擔心...By毛爸

---

• 留言者: Laughingtoro
• Email: laughingtoro@ymail.com
• 網址:
• 日期: 2010-06-13 16:32:00

 D 蹣蟲點來架??  好彩冇事!!!  
[版主回覆06/13/2010 16:51:00]Vet話啲蟎蟲一出世就有架喇 (我上網睇過, 原來人都有架)，只不過到左某個年齡因為某啲原因，例如太潮濕、唔夠瞓、俾人打等等，就會發出黎。

---

• 留言者: Tammy
• Email: tammywsy33@yahoo.com.hk
• 網址:
• 日期: 2010-06-13 16:01:00

唉......好彩毛毛你無事咋! 快啲好返....一齊來我樓下跑草地啦! by 癲癲
[版主回覆06/13/2010 16:53:00]希望今次個Vet真係幫到毛毛啦，見到佢咁心都up埋。