2010年6月22日(星期二)
今朝同平時一樣晨早就起左身 (5點幾)…今日嘅天氣好熱，我地嘅行程由9點開始。
富田農場 -- 我地好多年前夏天跟團黎過，見到好多好靚嘅花田。可惜今年我地黎早左，主角薰衣草仲未開花，其他花都開得唔多。喺嗰度我地食左雪糕、蜜瓜、牛奶布丁同麵包…除左個麵包全部都好好味。
彩香之里 -- 去到只係見到一片光禿禿嘅山頭，所以只係影左個招牌當係到此一遊。
北星山町營薰衣草園 -- 遊嗰度嘅重點係搭吊車睇花田…可惜未係花季，吊車停開。
日之出公園 -- 一落車第一眼見到一大片草原，令人心曠神怡。公園嘅景點係山上有個幸福之鐘，聽講話喺嗰度敲響個鐘會帶黎幸福咖，咁梗係上山啦。我地行左十幾廿分鐘先上到山 (行到扯晒蝦) 其實途中都見到有車上去，但係我地唔識條路點行，唯有行上去啦。
中午我地去左Kumagera食飯，之後仲去埋隔離街嗰間 “唯我獨尊”食好出名嘅咖喱香腸飯，食飽飯再向下一站出發。
四季彩之丘 -- 嗰度有兩個用乾草做嘅巨型稻草人，造型得意，仲有好多人同佢地影相添。呢度都算多花睇，大家影完相就走人…點知一上車又落雨，經過商量我地決定返民宿。
食完晩飯我地又去Bestom超市買蜜瓜…仲約左一齊睇相，今日大家影左好多姿勢出眾嘅相，大家睇番都覺得好好笑，太太同湯太仲笑到流晒眼淚…
民宿路口嘅招牌...簡潔清式...
民宿門口嘅信箱，好原始但好靚...好有 "童話"嗰種感覺...
民宿供應嘅早餐...啲麵包最好食...
附近嘅風景好靚...好似幅畫咁...
呡間舖頭賣茶咖...我地行過嗰陣仲未開門，招牌好特別....
今日第一個景點...富田農場，好多年前黎過當時一片紫色，今次就有啲失望...
聽講因為天氣問題，花田要勤力打理...開花期未有咁早。今朝好猛太陽...阿姨辛苦妳地喇...
另一邊廣場有少少紫色睇吓...............
"主角薰衣草"....未係狀態....
好彩仲有啲花開緊...頂住先...
富田賣手信嘅地方係用乾花裝飾咖...好靚好特別...
細鐏裝住嗰啲係牛奶佈丁 , 必食....麵包就唔食都冇所謂...
係富田農場嘅地標...
呢朵花嘅圖案係唔係好得意呢 ? 我覺得佢似阿伯....
彩香之里....差啲以為去錯地方 , 乜花都冇得睇....
咦....又遇到蜜蜂小朋友...可能佢同我地嘅旅遊路線一樣喎...
吊車冇開...花又未開...好失望...
仲未完咖......
待續.............................
- 留言者: Tammy
- Email: tammywsy33@yahoo.com.hk
- 網址:
- 日期: 2010-07-13 12:38:00
[版主回覆07/13/2010 14:53:00]仲有好多相擺左o係facebook我個a/c度呀, 得閒去睇下啦.
by毛媽
- 留言者: pat
- Email: patvong2003@yahoo.com.hk
- 網址:
- 日期: 2010-07-13 11:59:00
[版主回覆07/13/2010 20:15:00]多謝Patpat讚賞........By毛爸
沒有留言:
張貼留言