單車日誌...左右為難

2014年11月22日(星期六) 17 :30 夕陽西下 微冷風 20度

老新常談⋯運動會令身體勞累肌肉酸痛⋯令人感覺辛苦而放棄，運動同樣令身體放鬆使腦部產生神秘化學物質⋯令人振奮愉快而堅持。

倒數 15 日就係大賽所以近期幾乎每日或者隔日就踩單車練氣備戰，太太就因旅行返嚟攰、又感冒⋯休息近 10 日⋯更麻怨體重上升（言語充滿錯敗感）。

有專家講要堅持到底咁做運動⋯係要心中有遠大嘅目標（身體健康啲或者身材靚啲）同家人嘅無限支持。太太減磅成績唔理想我有好大責任，我日日都親自下廚⋯煮太太啱口味嘅餸菜，有好多正確態度、長期堅持、錯誤觀念、重要時刻⋯都冇即時兜口兜面指出⋯為咗太太好下台而輕輕帶過⋯

呢期熱爆嘅潮流係運動...但有恆心人就唔多...