狗狗朋友⋯阿寶「走了」！

2014年11月23日（星期日）

今朝喺超市門口⋯遇到樂樂（雪橇狗5歳）由家長帶住散步，但就唔見阿寶（牧羊狗12歳），毛毛第一時間衝上前狂吠打招呼，記得上星期都淨係見樂樂喺街散步。

同阿寶樂樂嘅家長傾計⋯先知到阿寶上星期因重病「走咗」，係令人心痛嘅消息。

聽講阿寶病得好急⋯到後期阿寶唔食野同失禁⋯最尾醫生都冇辦法⋯直到上星期⋯阿寶就離開呢個世界，我對呢個消息感覺好突然同難過⋯

樂樂：早晨毛毛哥，你好嗎？

樂樂：我哥哥阿寶...己經走咗喇...

毛毛：我哋狗狗嘅生命時間係遞減式....過一日少一日...好多人都知...

偏偏好多人唔識珍惜...但我會用盡一分一秒愛我啲家人...

毛毛：願阿寶哥一路好走！