回家了！

2014年11月12日(星期三)

開心快樂嘅旅行今日完結，今朝一早起身裝身出動準備去行街、掃手信、狂食、買野，雖然落雨不過都冇影響行程。

心中有種奇怪感覺…好期待快啲返屋企，因為我知到屋企嘅毛毛小朋好心急咁等緊我哋返家，有好多人(包括我)都會有同樣嘅感覺 “呀～咁快就要返屋企喇？好唔想走呀！下次我要來。”

其實真正令我再到日本旅行嘅原因…除咗風景、食物、貨品之外…仲有當地人有禮貌用心嘅款待，唔知你有冇留意當你離開酒店嘅時候…酒店啲工作人員、搭機場巴士落車嘅時候…位司機叔叔、你上機飛機準備起飛嘅時候…空姐同地勤人員…佢哋面掛笑容向你躬䩑道別揮手送行，一幕幕場面真係令人感動…每每我離開日都會同自己講「我好快再會到日本旅行」。

無論湯麵、撈麵、冷麵...都係我至愛食...當然仲有拉麵...

呢間係一間好出名拉麵店，U字形吧檯式，要喺舖頭外面買票機點餐

今朝一直落雨計劃好嘅行程要改改...

點可以少咗手信俾少爺仔毛毛呢，毛媽買咗季節限定嘅大蘋果俾毛毛...

就黎返到屋企喇！

我哋一出電梯就聽到毛毛狐叫狂吠...一開門更不得了...毛毛失控了...仲失禁了...

之後一直跟出跟入...就算我去洗手間毛毛都喺門口守住........待續。