京都…哲學之道

2014年11月22日（星期六）

續2014年11月8日…好佩服日本人對大自然嘅專重同理念嘅堅持，「哲學之道」可以話係一條步行健康徑，小徑周圍種滿紅葉樹同各式各樣嘅花，旁邊有引水坑，水坑嘅水出奇哋清淨，有好多水草丶大魚丶小魚羣、落葉⋯以上種種嘅配合形成一幅美麗嘅畫面，聽當地人講濃冬季節成條哲學之道會通紅⋯由其係清晨。

見到咁靚風景嘅步行徑...突然好想跑步...

行一段路就有石橋相連

引水道有好多魚...有啲魚大到有50公分...

成條小徑有內外之分，內～用平嘅麻石砌成，適合慢步散心。外～係立青路，可以踩單車。

路邊有啲好特別嘅花...非常靚...

呢種花好得意...

附近居民嘅居屋旁邊亦都種滿好多靚花...

令我難忘...係小徑嘅落葉...行喺上面會...索索聲...大自然嘅樂章

呢啲細細粒紅色果實...佢本身棵樹係好大棵咖...有成兩層樓咁高咖...

呢間COFFEE喺小徑旁邊...佢哋有度好出名嘅甜品「蘋果蛋糕」...電視台有介紹咖...

呢啲小白花開到處都有...喺一群綠色樹葉中就好似閃亮嘅星星......待續