特別嘅日子⋯毛毛生日

2018年3月16日（星期五）

三月十六日⋯係一個令毛家開心又憂心嘅日子，毛毛10歲生日。

毛爸毛媽：祝毛毛身體健康、活潑百厭、開開心心、生日快樂！十年時間對狗狗就等於佢哋生命嘅四份之三。

現時令毛家開心嘅係⋯毛毛仲健健康康、食得瞓得、百厭唔聽話活潑聰明嘅小朋友，感恩。

今日令毛家憂心嘅係⋯毛毛仲可以陪伴我哋幾多時間？有咁嘅憂慮係因為我哋好貪心。

無論將來係點，往後嘅日子我哋會更珍惜更愛錫毛毛。

生日快樂啊毛毛！

毛毛生日快樂！我哋愛你...