毛毛心聲…毛爸好奇怪

呢兩日毛爸啲行動好奇怪…淨係識坐喺度同瞓喺度，隻腳包住啲野好臭又唔去洗，又唔同毛毛玩，朝早散步只係跟住毛媽同毛毛慢慢行。

到今日晏晝毛爸同毛媽吱吱噚，跟住同我講，毛毛我地去星星公園玩同影相。

好野有得出街…今次好特別，去到公園毛媽唔使我帶狗繩…我大個仔喇…唔駛毛媽管喇…

後尾先知毛爸傷左隻腳，唔怪得知古古怪怪咁啦…係唔係好痛呀毛爸？

毛媽 : 毛毛Sit...等埋毛爸先行...

毛毛 : 我大個仔啦...狐...狐...

毛毛 : 好開心...差啲唔記得等埋毛爸添...

毛媽 : 毛毛係唔係學識爬牆第日做表演呀...哈哈

毛毛 : 靜雞雞話你知啦，張相係毛爸抱住我，毛媽幫我影架...學爬牆...

          "開玩笑"(注 : 要發國語音)