今日襯毛媽放假…我計劃帶毛媽同毛毛去行松山輕鬆吓...
松山亦都係出名嘅地標,山上有燈塔、天文台分站、博物館同健康徑。
今朝落過雨…停雨之後出太陽,天氣唔算好熱但係好曬。毛毛有街去就超開心,同埋毛媽一齊去就更加生猛。
毛毛周圍走,玩到手仔腳仔濕晒,全程都伸晒脷仔…猛咁飲水。
見到毛媽同毛毛開心番我都…
毛毛 : 毛爸…你帶我出街?唔好呃毛毛呀…真係嬲毛爸你咖
毛毛 : 呢度就係 "松山燈塔"...
毛毛 : 隔離就係 "博物館"入口喇…
毛毛 : 呢度就係 "燈塔瞭望台" ,望見半個澳門咖
毛毛 : ~嘩~好高呀~~靜雞雞話你知啦…毛毛畏高咖
毛毛 : 喺度影番張相先…毛毛未見過咁大個 "船錨" 咖…
毛毛 : ~嘩~好熱好曬呀…毛毛冇車大炮咖…
毛毛 : 要入樹林唞吓先…
毛毛 : 返到屋企毛媽同我洗白白…毛媽忙到好攰,毛毛就玩到好開心好攰
- 留言者: F
- Email: F
- 網址:
- 日期: 1970-01-01 08:00:00
沒有留言:
張貼留言