域奇朝禧表哥

毛爸：呢一碟係朝禧表哥特別整俾我同毛媽食咖...我鍾意食鰻魚壽司同太卷壽司，毛媽鍾意食牛油果三文魚壽司...表哥真細心...

 

印象中細個嗰陣時…朝禧表哥經常黎屋企食中午飯 (因為喺附近返學)，所以我地感情非常之好。表哥性格剛烈好動、為人重情重義、鍾意周圍去，對煮食好有興趣…由於移民，我地就分開左。十幾年前我同太太阿妹去旅行，有機會同表哥相處10日。當時住宿消費都係由表哥一手包辦 (表哥話阿哥要照顧細佬咖)，臨走仲送左一條緬甸翡翠頸鏈俾阿妹做嫁妝…

 

表哥：我宜家整嗰啲係小兒科黎咖咋...我喺餐廳整嗰啲刺身船成350蚊美金咖...

 

表哥宜家喺美國一間日本餐廳做總廚同壽司廚師，聽表哥講喺美國有個電視台飲食節目三次請佢去表演整壽司，佢亦曾經主理劏百幾磅嘅吞拿魚王，上左報紙頭條…朝禧表哥宜家都仲係周圍去、周圍飛，真係好善慕佢咁自由...

毛爸： ~嘩~表哥好Pro呀...

 

毛爸 : 呢啲係整俾銅銅銘銘食咖...size細嚿啲......勁

 

 

---

• 留言者: 雨後
• Email: liliwonglee@yahoo.com.hk
• 網址:
• 日期: 2009-06-14 09:41:00

壽司好靓呀！　看得我肚子都饿了～　羡慕死我！！
[版主回覆06/14/2009 16:42:00]壽司何止好靚...直頭好好食...我地兩家人個個食到肚脹都仲唔肯停...有個廚藝咁PRO嘅表哥真係有口福呢... By毛爸毛媽