情人節大餐

尋日係情人節，又係我地嘅結婚週年紀念。由於每年嘅情人節同結婚週年紀念我地都唔會出去食飯同人迫，所以今年都唔例外，就決定由煮餸好叻嘅mo爸出手。

我地食得好簡單咋，三餸一湯，不過就好好味。分別有清蒸奄仔蟹、乾煎蝦碌、豉油皇西洋菜、青紅蘿蔔粟米無花果南杏煲西施骨。

相就無影到喇，因為都只不過係家常便飯，但係食得好滿足好開心，因為實在係太美味喇。

希望mo爸多啲入廚啦。

今晚我地會出去食我嘅生日大餐，到時再影靚靚相啦。