2014年3月19日（星期三）
今日下晝⋯我準備出去踩單車，除咗執齊裝備之外仲要準備定毛毛嘅鴨肉雜菜晚餐，當我喺廚房整緊餐嘅時候⋯毛毛冇喺身邊陪住我（平日會入嚟廚房搞搞震）。
奇怪⋯大㕔都好靜⋯我整好餐出到大廳睇到⋯嘩嘩～太遲喇，毛毛喺飯抬擔咗我對手套去玩⋯仲咬到爛晒，以我以前嘅脾氣我一定會發大火同體罰毛毛，對手套係我97年考到電單車牌我助手送俾我嘅限量版真皮手套⋯
以今時今日嘅思維呢件事我咁睇⋯我係應該防止呢事發生（毛毛係寵物唔識分啱與唔啱），唔應該怪毛毛咬爛手套而發火體罰佢（毛毛擔到任何都會當玩玩具咁咬，咬野係佢哋嘅本能）…
毛爸：見毛毛咬到對手套爛晒...咁投入、咁開心...我都唔知點反應好...唔通要同佢打氣？
毛爸：對手套係我嘅寶貴回憶(一直斷斷續續咁用咗 17年)見証住友情同考牌合格...
毛爸真係一個好好既主人，相反我有時對Laugh仔Derby無咁豁達。
回覆刪除呢樣野好"主觀"咖，每個人心中嘅"價值觀"都唔同。亦都同對狗狗嘅"身份"有關，我哋全家都當毛毛係"BB小朋友"，簡單講我擔心嘅係"有冇整嚫個小朋友"，毛毛細個嗰陣已經試過整跌爛我支好貴嘅相機鏡頭，當時毛毛仲俾相機跌落地下巨響嚇嚫，就算我重罰毛毛支鏡都唔會變番好，諗深一層...如果我擺放好啲野...咁唔開心嘅事就唔會發生啦...係唔係？
刪除