約咗夢娜、麗沙去水塘晨運

2014年3月5日（星期三）

 

 

戶外社交同運動對於狗狗嚟講係非常重要嘅事⋯所以我每放假都會同家人帶毛毛出去玩同行山散步，今次好開心可以約小姨帶埋盈盈、夢娜、麗沙一齊出嚟玩。

講開又講⋯以我嘅見解⋯帶狗狗出外活動唔係單方面對狗狗有好處，仲係對狗主恆心、毅力、愛心嘅考驗，如果你係每日風雨不改帶狗狗散步⋯咁⋯等於你自己都日日做運動⋯對自己健康有正面嘅得益⋯

 

毛爸：睇下班主人同狗狗...就知到佢地係幾咁開心(個個都四萬咁口)...

毛爸：盈盈同夢娜係一對最佳拍擋...

 

毛爸：呢位係夢娜小姐...(肥咗啲啫)

 

 

毛爸：呢位係麗沙小姐...(佢又瘦過龍喎)

 

毛爸：呢～呢毛少就啱啱好喇...(但係好沙陳呢)

 

夢娜：我好少落街玩咖，宜家有少少緊張...我好深歸咖...

 

毛毛：唔怪得知妳哋有啲驚驚青青啦...第日多啲出嚟"行"習慣"浦浦"...