一種可怕嘅眼神

2014年4月1日（星期二）

人與人同寵物之間其中一種內心深層溝通係「眼神」接觸，有人講「眼神」反影個人心內嘅世界，你係唔係「講大話」喺眼神度睇得出。

有一種⋯絕望、恐懼、無奈嘅眼神係我最害怕（30年前醫生當我同細佬面前講：確診細佬有惡性骨癌只有18月命，嗰陣細佬就用呢種眼神望住我）我會選擇逃避、冇勇氣去接觸呢種眼神。

今早一直都落雨，我唯有帶毛毛落停車場散步，當我推開度門嗰陣⋯毛毛坐喺門口用呢種「眼神」望住我⋯

 

毛毛：毛爸，又係行停車場？可唔可以....

 

毛爸：我知喇...乖仔...咁...你快啲便便尿尿喇...

 

毛爸：毛毛小朋友嗰種「眼神」令我難過...