開⋯床

2014年8月30日（星期六）

 

 

以往入夜毛媽就會鋪定床（大咕臣）俾毛毛瞓⋯毛毛就等大家瞓先入房，其間一直陪住毛媽。

近日親子時間完咗之後毛毛就返入房攤喺我哋床尾等⋯奇怪⋯呢排都係咁，噚日⋯我終於明白點解，原來毛毛係等我哋幫佢鋪床，當我鋪好床毛毛就斯斯然走上咕臣擺好姿勢覺覺豬仲好快瞓着⋯啲鼻韓大聲到好似行雷咁，毛毛真係講究同時好有個性。

 

毛毛：嗰個毛爸仲唔入嚟開床咖...吞卜？

 

毛毛：阿四（毛爸）咁耐咖，好眼瞓呀！爽啲手啦...

 

毛爸：毛仔，你都好有性格喎...忍你。