好大壓力嘅「星期日」

2014年8月9日（星期六）

 

 

過去嘅幾個星期日都冇帶家人出去玩⋯呢排屋企就充滿不滿嘅情緒⋯因為明天就係星期日，家人都期待緊⋯我係唔係要返工或者我帶佢哋出去玩。

心中都好明白家人同小朋友嘅感受，我好難令家人相信我工作嘅重要性⋯家人更加唔接受我嘅解釋。

實情手上嘅工程要8月10日完工，但因為受到天氣唔穩定經常落雨行雷⋯進度受到好大影響，相信來緊嘅十幾日都要全力趕工。

開工、放假都成為我精神上一大壓力⋯慘

 

毛毛：毛爸，聽日星期日...睇你喇...我唔撐你𡶐...但我都會跟大隊咖...

 

毛爸：阿仔，你「牆頭草」好醒好叻啫。

 

但你唔好忘記你用緊嘅名牌頸帶、食緊嘅名牌小食...仲有巴西牛柳、北歐三文魚...

 

美國有機雞柳、進口駝鳥肉....都係我用OT錢買咖...衰仔