去機場接毛媽

2014年8月4日（星期一）

 

 

噚日下晝同毛毛一齊去機場接毛媽，毛毛一上車就好似知道去接媽咪咁非常高興⋯但好安靜。

18：00去到機場（班機18：20到）我將車停喺天橋底等咗一陣，毛毛開始焦急但還可以保持安靜。

接到毛媽電話佢啱啱出咗機場喺的士站旁邊等我哋，當我架車駛到的士站只見人山人海唔見毛媽⋯但毛毛就好似發咗癲不停咁狂吠，我停車等咗3分鐘毛毛就吠足3分鐘⋯原來毛媽喺人群中⋯因為太多人行唔到出嚟，最後由我出馬喺人群中接毛媽上車⋯毛毛就心急到差啲跳落車⋯

 

毛毛：我媽咪返嚟喇...好開心呀！但...媽咪大頭蝦忘記買手信俾我...唔緊要下次補番啦...