家人心目中「優異」表現嘅毛毛

2014年5月1日（星期四）

 

 

今朝對面地盤好嘈雜啲狗又狂吠⋯但毛毛表現出奇哋安靜（平日會好火爆咁衝出騎樓狂吠），落到街行過回收場⋯離遠見3隻唐狗（死對頭）瞓喺門口，毛毛只係停低腳步望咗一陣就繼續行（平日會搶繩衝過去打交咖）。

過到對面街遇到隻史納沙狗女⋯毛毛亦都同對方眼神接觸完就向前行，連狗女主人都用奇怪眼光望住我笑（平日相見會互相吠爆咖），回程毛毛好乖咁喺我左邊跟住行⋯冇周圍聞冇搶繩⋯一直返到屋企。

毛毛全程好乖、好安靜、守紀律⋯咁嘅行為表現超過100分，簡直係家人心目中嘅「乖孩子」⋯我就反而好擔心毛毛一日之間變乖⋯係其他原因⋯

 

毛爸：今朝毛毛連玩「執波波」都斯文咗好多...唔知點解。

 

毛爸：毛仔會唔會係冇心機？唔開心？唔舒服？壓力大？定係嚇親？我好擔心...