毛毛心聲…呢排毛爸好惡呀！

2014年4月14日（星期一）

 

 

唔知點解呢排毛爸毛媽好唔開心⋯由其係毛爸，除咗冇心機之外仲經常發脾氣⋯我從來都未見過毛爸咁惡，又冇心機同我玩...

工人姐姐將我塊尿尿板整得唔好、騎樓地台啲報紙鋪得唔正⋯毛爸就狂鬧工人姐姐。

但好奇怪呢排毛爸一句都冇鬧過我⋯聽講...毛爸唔開心係因為公公去咗好遠好遠嘅地方，以後都唔會返嚟，所以⋯

唔知會唔會係公公嬲咗我哋呢，有可能係公公嬲我唔陪佢玩⋯

 

毛毛：呢輪啲氣氛咁差...咁嘅環境...最好係自已封咀少啲出聲....