單車日誌…同自己搏鬥

2014年4月17日（星期四）

 

 

呢大半個月因老爸嘅事而忙碌⋯自己更患上感冒、失眠、身體極度勞累、情緒低落令我狀態跌落谷底⋯生活節奏也亂了，幸好佬闆批我可以「任放事假」⋯

有專家、學者、教練、頂級運動員講過⋯自己係自己嘅最大敵人，所有自己嘅負面思維情緒、狀態感覺⋯係要靠自己意志毅力戰鬥復原。

噚日我恢復單車操練，雖然只係輕鬆練習⋯由於狀態低落...感覺非常吃力⋯

 

毛爸：每日我出去踩單車毛毛都有意見...好似好唔底得咁目送我出門...

毛爸：狀態低落嘅時候...應該向木棉花學習...永遠向上...

 

 毛爸：心灰嘅時候...應該靜心、放眼咁向遠處望...你會發現周圍嘅風景係幾咁靚...

 

 

毛爸：望住成棵開滿血紅色花嘅英雄樹...慢慢你個情緒就會開心番...