令人憂心嘅毛毛...毛毛又屙紅色啫哩便便

2015年2月21日（星期六）大年初三

噚日朝早⋯毛媽投訴毛毛唔肯食餐連每餐必飲嘅肉湯都冇興趣，啲糧要逐粒咁餵毛毛食。

毛媽講朝早已經發覺毛毛肚仔發出＂古古＂聲，以為毛毛肚餓⋯但整好早餐毛毛又唔肯食，狗狗唔肯食餐係大件事⋯由其係毛毛呢個為食豬。

我帶毛毛落街散步⋯毛毛一落到街就便便同尿尿仲比平日多⋯到最尾仲屙啲血紅色啫哩，份量唔多但足以嚇壞我⋯毛仔又生蟲？

毛爸：毛毛你會唔會好唔舒服呀？醫生放年假...今次麻煩喇...

毛毛：新年流流...令媽咪、毛爸擔心...我真係冇用...