mo媽吃、喝、玩、樂四天遊@新加坡--Day 2

April 11, 2008 (星期六)

今朝我地成8.30分先起身，梳洗完之後就出發去亞坤食早餐。

呢個就係我地嘅早餐kaya多、奶茶、好立克。

之後我地搭MRT去義安城 (Ngee Ann City) 因為亞妹要去嗰度嘅book shop幫盈盈買書。沿途嘅街道都幾乾淨闊落，新加坡有一點值得讚就係佢地嘅城市綠化，因為街上種滿大樹，所以都唔覺好哂同好熱。

買完書我地就喺翡翠皇宮酒樓飲茶，飲茶度度都有所以冇影相。之後就去Vivo City 搭express入Sentosa。

喺MRT內見到啲咁特別嘅牆，梗係要影番幾幅相啦，我地嘅專業model又要就位喇。

呢度係Vivo City出面嘅廣場，都幾靚架。

入Sentosa之前先喺Vivo City嘅food court食海南雞飯。

Sentosa入面其中一個景點…魚尾獅。

參觀underwater world，因為出面落緊大雨所以盈盈要著雨褸。亦因為落緊大雨好多人走哂入黎睇魚，所以好焗又好臭。

呢度係其中部份嘅魚…

好靚嘅水母…

離開水底世界之後就去搭纜車番Vivo City食晚飯。

因為之前落大雨，所以天色一啲都唔靚…

喺Vivo City嘅food court食左呢個米粉，只係$4坡紙，入面啲料係任你揀7樣野。都好好味，亞妹仲話早之叫3個粉啦。

番到酒店放低啲野 (因為亞妹係拎住啲重疊疊嘅書去Sentosa架)，我地又落去商場食甜品。因為之前搭扶手電梯嗰陣見過佢地喺度整pancake，呢個係我嘅favorite黎架嘛，所以一定要食。嗰間餐廳叫做Market Place，喺City Hall B1嗰層。睇下個pancake幾靚，仲好好味添。

食完pancake就轉去另外一間食chocolate cake，一樣係非常好味…

今晚我地大家都好早瞓，因為超

攰。我今朝臨天光仲有少少天旋地轉，所以都唔敢怠慢，早啲休息。