April 10, 2008 (星期五)
今日我同亞妹同盈盈去新加坡玩4日,主要都係去食同埋帶小朋友去Sentosa、Night Safari。呢兩個地方係盈盈指明一定要去架,所以我地大人覺得幾悶都要去。
我地今日搭下午3.40分班機,著陸時間係7.25分,再搭埋的士,去到酒店已經係8.30分。我地住嗰間酒店房都幾大,因為係朋友識人幫我book,仲upgrade埋deluxe view 添。個balcony望住魚尾獅同榴槤釘,都幾靚架。
入房放低啲行李就即刻出發去老巴剎食沙爹。喺酒店下面商場見到呢間舖頭,裡面嘅雕塑應該係一個出名嘅雕塑家造架,見咁特別就喺出面影左啲相。
喺新加坡搭地鐵 (佢地叫MRT) 同喺香港搭地鐵一樣咁方便,我地先買左3張儲值咭 (ez-link),要成15元坡紙1張但面值只係10元,因為其中5元係card cost係冇得退番錢架。
去到老巴剎梗係要食佢地出名嘅燒沙爹啦。除此之外我地仲叫左燒大蝦、豬什河、地瓜球。啲沙爹真係好好味,我地仲encore左,點知再叫嗰啲冇咁好味,真無奈。至於個豬什河同地瓜球就麻麻。
食飽飽都攰喇,我地就決定番酒店休息,養足精神繼續聽日嘅行程。
沒有留言:
張貼留言