酸辣大蝦

2012年9月17日(星期一)

星期六太太要整海鮮比薩…就到魚檔買蝦…但當太太見到啲靚大蝦就忍唔住要買一斤返屋企，要我煮佢最愛食小小辣嘅 “酸辣大蝦”。記得二十幾年前 仲同 太太拍緊拖嗰陣，第一次請太太黎屋企食飯親自下廚煮嘅餸，當時啲蝦大隻又新鮮味道酸酸辣辣，太太對呢味餸大讚…自己就飄飄然，後尾先知太太唔食得辣…

材料 : 大蝦。味料 : 檸檬汁、辣椒蓉、蒜蓉、原茜蓉、魚露。
煮法 : 先將大蝦用中火煎成八成熟備用。用蒜蓉辣椒蓉起獲加檸汁魚露煮成汁，再加大蝦回獲煮一煮放上原茜蓉就完成。
秘决 : 蝦要大隻(約三両一隻)，要挑蝦腸及除沙袋，煎大蝦要小心控制火路，汁係呢味餸嘅靈魂...酸咸要平行。
毛爸 : 呢味係 "追女第一餸"一出就掂...不防試試...