學藝之旅...清邁早晨

2013年5月19日（星期日）

噚日...忙咗成日同交通勞累...今朝六點正先扎醒（平時有毛毛到時到候會叫醒我），諗諗下先記得泰國時間比澳門慢一個鐘，簡單啲講本地時間現在係五點。
由於冇乜野好做就執架生出去散步影相，雖然係清晨，酒店大堂、街上都好多軍人同警察...原來呢幾日有寮國政要嚟清邁開會所以保安特別嚴。清邁俾我嘅印象係好多鄉土建築物、好古老殘舊同有好多廟（兩條街度有4間廟）。好似仲停留喺古代冇進步過...可能或者咁...就將珍貴嘅歷史文化完全咁保留落嚟。
早晨呀!清邁。(待續)

毛爸 : 一行出酒店就係夜晚勁熱鬧嘅大碼路...清晨就好冷清...

毛爸 : 酒店前面呢條街有...麥記、xx King快餐店、星記咖啡、吓近打雪糕店同7仔...

毛爸 : 後面嗰對門神好得人驚...

毛爸 : 行一條街就有幾間寺廟...呢間係其中一間...

毛爸 : 每間寺廟都有佢嘅特色...

毛爸 : 而呢間寺廟有白色嘅佛塔同和尚留宿...

毛爸 : 佛像裝飾好靚...

毛爸 : 朝早先見到告示牌...酒店有外國政要入住...


毛爸 : 就算係清晨酒店附近都保安深嚴..............................待續。