毛毛心聲...我做錯事，只係口頭警告

2013年5月3日（星期五）

呢排毛爸毛媽啲行為真係估佢哋唔到...一時就錫到我燶一時就鬧到我驚。
好似今日咁...我貪玩攞咗毛爸條絕版毛巾嚟玩，我玩到好投入又唔覺意咬爛咗嗰陣...俾毛爸發現，毛爸大聲嗌＂NO＂執起條毛巾然後好緊張咁檢查仲發現毛巾邊爛晒，當時我諗今次＂斷正＂睇嚟＂鬧就要坐定＂要受罰喇...硬食。
但好奇怪，毛爸浄係講：毛毛你真係壞嘅小朋友，你學乖啲啦...激死，哦哦咁就行開咗。我毛爸係吾係有問題呢？儍咗？

毛毛 : 咬爛毛巾 "斷正"...梗係要笑笑咁對住毛爸啦...

毛爸 : 毛毛幾時變咗 " 壞小朋友"又時時發脾氣咬人...
毛毛 : 毛爸淨係鬧咗幾句就行咗去...真好彩又奇怪...搞到我有啲驚。