事情發展好似劇集一樣咁慘

 

2013年5月18日（星期六）

今日出門...飛泰國清邁，世間嘅事往往就係咁巧合...噚日...我佬闆以為我星期日已經渡完假，佢通知我星期一有新「柯打」要我安排手足開工，工人前晩喺洗手間跌嚫...整傷腰骨...噚日行、企、瞓都有問題唔番得工，咁...係唔係令我好擔心工人、毛毛同份工丫？慘。
自從毛毛嚟咗屋企...我哋每逢執行李...全家人就會好忙，由其係毛媽同毛毛一個就忙住執衫落箱一個就忙住擔番晒出嚟，喺廳房之間你追我跑...成個下晝笑聲鬧聲震天，由於工人請假是日早、午、晚、宵夜、清潔、執野...都係我一手包辦，忙到「甩轆」。

毛毛 : 你追我唔到...你追我唔到...
毛媽 : 毛毛快啲攞番過黎...係唔係要我罰你呀？
毛毛 : 你大我呀...我唔驚咖...
毛媽 : 衰仔...俾我捉到...你就知...