學藝之旅...行街市(意外開心驚喜)

2013年5月19日（星期日）

星期日同星期三朝早我哋都去咗行街巿，分別行舊巿場同唐人街。
如果你鍾意買餸下廚咁...你一定會好開心，舊街市以地道食材同熟食為主...有鮮榨椰漿檔、咖哩醬料檔、菜檔、乾果檔、花檔、生果檔同特別食材嘅熟食檔...地方好舊同面積唔算大但聽當地人講街市好有代表性。
而唐人街嘅街市就比較現代，賣嘅貨類好多...品種好集中占地好大...有花巿場、日用品市場、布巿場、生果市場、水產巿場、熟食巿場、乾果零食市場、金舖、銀行...人多車多非常熱鬧，地方充滿活力...令我有意外嘅驚喜。（待續）

毛爸 : 代表唐人街嘅 "武廟"格離就係華僑會館...

毛爸 : 荔枝檔...我以為香港澳門先有...原來泰國都有...

毛爸 : 榴槤、山竹喺街市只有一檔仔...我覺得有少少奇怪...

毛爸 : 呢度啲燒雞...係一隻隻咁買咖...

毛爸 : 乾果檔品種多到...都唔知係乜野果乾...

毛爸 : 我哋行過呢檔乾果檔俾阿姐拉住試食...最尾買咗好多乾果做手信...

毛爸 : 布市場...啲價錢統一...但價錢都好平...好靚嘅 "籟屎褲"都係賣 180泰珠(約葡紙48 蚊)...
 

毛爸 : 我哋上煮泰菜學習班，導師就係帶我哋嚟呢度見識地道食材同香料...

毛爸 : 呢種小食我唔知叫乜野名，好受本地人歡迎...材料係薄餅加椰絲同奶油，好甜但超好食...有機會必食...

毛爸 : 初初我以為係青擰...原來係煮餸用嘅香料...啲汁係苦咖...

毛爸 : 呢啲係地道小食 "炸豬皮"係我至愛...當地人係堆到一坐坐咁賣咖...奇觀。

毛爸 : 估唔到呢度都有高山綠茶葉賣...但極品都係臺灣進口...

毛爸 : 散買嗰陣係切成一段段用竹技吉住...就成支燒腸咁仲好好味咖...有啲人見到原本係咁可能格夜飯都嘔番出嚟。

毛爸 : 如果叫你唔好睇...叫你摸落去...你一定俾毛茸茸嘅感覺嚇嚫，"紅毛丹"味道青甜宜家仲當道。

毛爸 : 呢啲係炸魚...冇魚醒味...但好咸...送飯一流...

毛爸 : 呢啲係好香嘅油炸虫虫...但一買就要一大盒...冇得試食...所以我就......待續