515國際家庭日（相處近在眼前但好似遠到天邊）

2013年5月16日（星期四）

5月15日係聯合國定嘅「國際家庭日」喺車度聽收音機廣播...主持人呼籲珍惜家庭團敘，但亦都提及現今社會青年人對家庭嘅態度...。
有部份嘅後生當屋企係酒店（一早出去好亱先番嚟），當父母係提錢機同服務員（隨時攞錢同聽佢地使），屋企開飯就當自助餐（有自己鍾意食嘅餸同好野食先反去食飯），外面啲朋友先至係家人，佢哋覺得陪屋企人同長輩係悶極嘅苦差，陪屋企人嗰陣都係做「低頭族」（沉迷喺手機嘅世界裏面）當旁人隱形，咁...父母同長輩覺得就算佢哋喺身邊都好難同佢哋互動交流。
呢一羣後生好可能到佢地成為人哋嘅父母嗰陣先會明白...家庭先係自己嘅根。

毛爸 : 「家庭」點樣重要...係有家庭嘅人同對家庭附責任嘅人...先至會真正明白...