學藝之旅...白廟(日誌)

2013年5月20日（星期一）

阿啫哥哥話清箂溫泉係歇腳地方，俾30分鐘我哋浸下腳同影相...但我影晒相返去車度嗰陣我己經超時45分鐘。
我哋繼續第二站行程...今日嘅重頭戲「白廟」，當我哋到達景點...見到嘅場景只可以用...嘩嘩聲嚟形容。
今日烈日當空...陽光直射下無論邊個角度睇座白廟都係靚到嘩一聲，睇旅遊書講座白廟係當地一位名畫家設計同自資建造咖，到宜家主宮殿仲有啲地方造緊裝飾，主殿以外亦有啲寺廟加建緊，建築羣中有座好顯眼同好輝煌嘅金色殿...睇真啲...原來係洗手間，認真貴氣。
白廟另一個特色...就係裝飾方面，佛教傳統同現代科幻大結合，除咗佛祖象、瑞獸、門神外...仲有鐵血戰士、妖怪首級...牆上壁畫有米高積信、二十世紀殺人網絡嘅尼奧、Sailor Moon，仲有比卡超...配合起上黎好特別（可惜唔俾影相）呢位設計師識得好巧妙咁嚴肅中搞搞笑，真係天材。（待續）

毛爸 : 呢個係白廟主殿...現場景物嘅震撼力...令人非常興奮同震驚...

毛爸 : 守護城河嘅瑞獸...

毛爸 : 所有瑞獸嘅做型顏色都係雪白色...

毛爸 : 連護城河入面嘅鯉魚都係銀白色...

毛爸 : 地獄...

毛爸 : 主殿正門入口...

毛爸 : 主殿走廊...北面...

毛爸 : 主殿啲窗口門係用成塊實心原木做咖...有成6寸厚...

毛爸 : 週圍嘅圍欄都係用"死亡"做裝飾...

毛爸 : 呢棵係 "願望樹"當地人或者遊客用風鈴金葉寫咗自己嘅心願掛上樹上...密密麻麻...


毛爸 : 好受人歡迎嘅 " 許願井"...