毛毛呢種行為一定要表揚

2014年9月25日（星期四）

 

 

話說⋯今日下晝五點幾六點帶毛毛出街散步，毛毛一入到電梯就周圍聞，而且對嚿「黃色海棉」好有興趣⋯但只係聞，電梯好快就到大堂⋯我哋跟住出電梯去散步。

散完步⋯返屋企我哋搭同一部電梯，毛毛又去聞嗰嚿「黃色海棉」⋯今次仲擔嚟我面前放低望住我，當我細心睇清楚毛毛放低嗰嚿「黃色海棉」⋯原來係半件「蛋糕」，我即時讚毛毛叻仔唔亂咁執野食⋯

令我驚訝嘅係毛毛點解可以忍住唔食件蛋糕呢？

 

毛爸：毛毛，你唔隨便喺街執野食...真係好叻仔...要勁讚..

 

毛毛：毛爸，我不嬲都咁醒咖啦，讚到我咁叻又唔識做...靜係齋講...零食、生果都冇...