更改時間玩「執波波」

2014年12月5日（星期五）

毛毛好期待每日散步返屋企玩「執波波」，毛毛由BB開始到現在⋯已成習慣但仲係玩得好瘋狂。

有日突然想到朝早六點幾個天仲係黑嘛嘛⋯大廳係木地板，毛毛跑來跑去嘅腳步聲產生燥音會影響樓下嘅住客，雖然幾年來住客都冇投訴⋯但自己都應該「識做」。

由於咁⋯我決定將玩嘅時間改為旁晚飯前，但毛毛小朋友就有意見⋯

毛毛：毛爸，你點解唔同我商量...你唔民主...我要玩執波波...

毛爸：毛仔，你嘈到人影響人哋呀，下晝玩一樣啫...乖啦...

毛毛：毛爸，冇得玩執波波我絕食...

毛爸：好喇好喇...俾你玩一陣，你隻為豬學人絕食？你得咩？真係俾你激死...