蒸飯

2013年10月2日（星期三）

前日由於趕工程...由朝做到夜晚八點先返到屋企，噚日勁攰...留喺屋企休息，順便煮番餐豐富晩餐俾家人食。

太太提出飯由佢付責煮...而係用蒸嘅方法（令我有啲意外），效果啲飯粒粒鬆軟有口感，精彩。

6、70年代...煮飯其實一啲都唔簡單嘅事，嗰陣係用火水爐煮飯...好難控制火路（淨係學睇火路都有排學）...經常聽到人講「三及第飯（生、燶、爛）」。當時母親就教我哋用「蒸」嘅方法...用個兜裝啲米較啱水...用個大煱煲滾啲水...放兜米落煱格水蒸...等半個鐘就有靚飯食...

毛爸 : 嗰陣時...母親啲同事、朋友都讚我呢個細路煮飯好叻...